Татарстанның инвестицион үсеш агентлыгында Татарстан белән Казахстан арасында 6 меморандумга кул куелды
Бүген Татарстан Республикасының инвестицион үсеш агентлыгы җитәкчесе Талия Миңнуллина Казахстан Республикасының Төньяк-Казахстан өлкәсе Хакиме Гауез Нурмөхәмбәтов җитәкчелегендәге югары дәрәҗәле делегациясен Агентлыкта кабул итте. Ул делегациянең республикага визиты кысаларында беренче тукталышы булды.
Башта Агентлык җитәкчесенең беренче урынбасары Инсаф Галиев республика кунакларына Татарстанның инвестицион һәм икътисади потенциалын тәкъдир итте. Аннары Казахстан делегациясе Агентлык җитәкчесе Талия Миңнуллина һәм Татарстанның икътисадый командасы вәкилләре белән очрашты. Очрашуда шулай ук ике яктан ике республиканың эре предприятиеләре вәкилләре катнашты.
Талия Миңнуллина: "Бүген Агентлыкта партнерларыбызны, хезмәттәшләребезне һәм, әлбәттә инде, дусларыбызны беренче булып сәламләү безнең өчен зур шатлык һәм хөрмәт. Очрашуда катнашкан Татарстан командасы Төньяк Казахстан өлкәсенең икътисади потенциалы белән танышты. Без презентацион роликны карадык һәм инвестицион үсеш мәсьәләләре белән шөгыльләнүче өлкә Хакиме урынбасарының әлеге өлкәдәге территория казанышлары турындагы докладын тыңладык. Очрашу кысаларында профильле хезмәттәшләр белән таныштык, мәсәлән, өлкәгә инвестицияләр җәлеп итү мәсьәләсен алып баручы эшмәкәрлек һәм индустриаль-инновацион үсеш идарәсе
җитәкчесе белән. Очрашу ахырында берьюлы алты меморандум имзаланды, шуларның бишесе Татарстан һәм Казахстанның эре компанияләре арасында: «Химград» АҖ, «Данафлекс-Нано» ҖЧҖ, «Гидроторг» ҖЧҖ, «Таврос» ИК ҖЧҖ, «Радуга» ҖЧҖ. Республиканың Сәүдә-сәнәгать палатасы шулай ук Төньяк Казахстан өлкәсе хакимиятенең эшмәкәрлек һәм индустриаль-инновацион үсеш идарәсе белән меморандумга кул куйды. Актив эшләячәкбез!»
Очрашу барышында Талия Миңнуллина шулай ук югары дәрәҗәле делегацияне Агентлык өлкәгә инвестицияләр җәлеп итү белән шөгыльләнүче хезмәттәшләренә, мәсәлән, Бөтендөнья инвестиция агентлыклары ассоциациясе (WAIPA) аша активрак эшләргә карар итсәләр, ярдәм итәчәгенә ышандырды.
Өлкә Хакиме Гауез Нурмөхәмбәтов: "Төньяк Казахстан өлкәсенең рәсми делегациясе Татарстанга республика Рәисе Рөстәм Нургали улы Миңнеханов чакыруы буенча килде. Һәм без барган беренче объект - Татарстан Республикасының инвестицион үсеш агентлыгы. Без бик кызыклы презентацион материаллар карадык. Тулаем алганда, без беләбез, җиде мильлек адымнар белән, геометрик прогрессиядә Татарстан икътисадының сүздә түгел, ә эштә үсүен, шуңа күрә без монда. Чыннан да бөтен Россия Федерациясеннән алда (Татарстан икътисады), ул бүген лидер булып тора".
Очрашу барышында өлкә Хакиме урынбасары Канат Дузелбаев Татарстан вәкилләренә Төньяк Казахстан өлкәсенең инвестицион потенциалын тәкъдир итте. Талия Миңнуллина делегацияне Татарстанның ел саен үткәрелә торган халыкара икътисади чараларында катнашырга чакырды. Өлкә Хакиме Гаүез Нурмөхәмбәтов, үз чиратында, республика Рәисе Рөстәм Миңнеханов җитәкчелегендәге Татарстанның югары дәрәҗәле делегациясен Төньяк Казахстан өлкәсенә җавап визиты белән килергә чакырды. Очрашу азагында меморандумнарга кул кую тантанасы булды.
1) «СКО акимәтенең эшкуарлык һәм индустриаль-инновацион үсеш идарәсе» КДУ һәм Татарстан Республикасы Сәүдә-сәнәгать палатасы арасында хезмәттәшлек турында Меморандум
2) «Авагро» ҖЧҖ һәм «Гидроторг» ҖЧҖ арасында хезмәттәшлек турында Меморандум
3) «Кызылҗар» АҖ белән «Химград» АҖ арасында хезмәттәшлек турында Меморандум
4) Инвесторларга хезмәт күрсәтү һәм инновацияләргә ярдәм итү үзәге белән «Данафлекс-НАНО» ҖЧҖ арасында хезмәттәшлек турында Меморандум
5) «Радуга» ҖЧҖ һәм «Болашак» ҖЧҖ арасында хезмәттәшлек турында Меморандум
6) EMC Agro белән «Таврос» ДК арасында хезмәттәшлек турында Меморандум