Париж шәһәрендә «Россия регионнарының инвестицион сөйкемлелеге» конференциясе үтә
Чараны Renault-Nissan компаниясе белән бергә Франциядә Россия Федерациясенең сәүдә вәкиллеге оештыра.
Конференция максаты – Россиягә чит ил инвестицияләрен җәлеп итү булып тора. Ул аеруча иң зур Европа, АКШ һәм Япониядән автокомпонентларны җитештерүчеләренә юнәлгән. Renault-Nissan компаниясе бер көн алдыннан еллык компонентларны китерүчеләр киңәшмәсен үткәрде. Анда Valeo, Bosch, Lear, Faurecia, Aisin, Dourdin, Humax һәм башка компанияләр катнашты.
Конференциядә Франциядә Россия Федерациясенең сәүдә вәкиле Михаил Сафронов, АвтоВАЗ һәм Renault-Nissan бердәм сатып алу оешмасы Генераль директоры Даниэль Пери һәм Россия Федерациясенең икътисади үсеш министрлыгының моношәһәрләр һәм регионнар үсеше проектлары, махсус икътисади зоналар департаменты директоры Татьяна Балмышева чыгыш ясачаклар.
Россия регионнарының презентациясе Башкортостан, Удмуртия, Мәскәү, Ленинград, Калуга, Түбән Новгород, Ульяновск һәм Самара өлкәләре вәкилләре катнашуы белән үтәчәк.
Татарстан Республикасының инвестицион потенциалын конференциядә Татарстан Республикасының инвестицион үсеш агентлыгының Инвестицияләрне җәлеп итү бүлеге рәисе Вайет Форд тәкъдим итәчәк. «Алабуга» махсус икътисади зона турында Инвесторлар белән аралашу рәисе Рөстәм Зарипов сөйләчәк.
Конференция программасына, шулай ук, B2B очрашулар һәм инвесторлар компанияләренең Россия делегациясе вәкилләре белән икеяклы сөйләшүләр керә. Моннан башка Вайет Форд Франция базарында Татарстан продукциясен алга таба мавыктыру сорауларын уртаклашу өчен Франциядә Россия Федерациясенең сәүдә вәкиле белән очрашачак.
ТР Инвестицион үсеш агентлыгының матбугат хезмәте