VI Россия-Япония инвестицион форумында Татарстанда автокомпонентлар җитештерүен урнаштыру буенча уртаклаштылар
Татарстан Республикасының инвестицион үсеш агентлыгының Инвестицион проектларны алып бару һәм ярдәм итү бүлеге рәисе Артур Нигматулин «Машина сәнәгате һәм ярдәмче өлкәләр үсеше» түгәрәк өстәле барышында регионның потенциалын тәкъдим итте.
Дискуссиянең модераторы Россия Федерациясе сәүдә һәм сәнәгать министрлыгының Махсус машина төзелеше һәм транспорт департаменты директоры Александр Морозов, Япония Икътисад, сәүдә һәм сәнәгать министрлыгының Сәүдә сәясәте департаментының күпъяклы сәүдә системасы бүлеге Генераль директоры Сигэхиро Танака булып торды. Сигэхиро Танака катнашучыларга Япония һәм Россия арасында машина төзелеше өлкәсендә инвестицион перспективалары һәм хәзерге хәл турында сөйләде.
Спикерлар составына, шулай ук, ААҖ «ЛЛК-Интернешнл» Генераль директоры киңәшмәсе Павленко, АВТОТОР холдингы Президенты Валерий Драганов, Toyota Tsusho Corporation Глобаль стратегиясе бүлегенең проект Генераль менеджеры Ясуо Ниномия, Mitsubishi Motors Corporation Россия проекты һәм альянс җитәкчесе Тосинага Като һәм Mitsui & Co., Ltd компаниясе рәисе Танака әфәнде керделәр.
Дискуссия өчен темалар Россиянең машина сәнәгате һәм бу өлкәдә Россия-Япония хезмәттәшлеге мөмкинлекләре, Россиядә машина сәнәгате кластеры һәм такымнар җитештерүчеләрен җәлеп итү өчен чаралар булды. Toyota Tsusho Corporation Россиядә Mitsubishi Motors җитештерүен, Mitsui & Co., Ltd Россия Федерациясе территориясендә урнашкан корыч материалларын эшкәртү үзәген тәкъдим итте.
Артур Нигматулин «Татарстан Республикасында автокомпонентлар җитештерүен урнаштыру өчен потенциалы» чыгышында регионның табышлы урнашуы һәм республиканың Түбән Новгород шәһәрендә урнашкан Volksvagen, Самара өлкәсендә Renault-Nissan АвтоВАЗ заводларына якын булуы турында сөйләде. Дискуссиядә, шулай ук, эре Россия машина җитештерүчесе – ААҖ «КАМАЗ» булуы, Татарстан территориясендә Ford Sollers, Mercedes-Benz Vostok, Kiekert RUS компанияләрнең бизнес үсеше билгеләнде.
ТР Инвестицион үсеш агентлыгының матбугат хезмәте