Рөстәм Миңнеханов Кытайда Россия Федерациясе делегациясе составында визит белән килде
Россия Президенты Владимир Путин Россия делегациясенең эшлекле визиты 2014 елның 21 маена кадәр дәвам итәчәк.
Рөстәм Миңнеханов Россия Федерациясенең Президенты Владимир Путин һәм Кытай рәисе Си Цзиньпин белән сөйләшүләрдә катнашты. Яклар Россия һәм Кытайның сәүдә-сәнәгать элемтәләре, икеяклы мөнәсәбәтләр үсеше, партнерлык һәм стратегик аралашу буенча уртаклаштылар. Владимир Путин билгеләгәнчә, 2013 елда ике ил арасында товар әйләнеше якынча 2% ка үсте һәм 90 млрд. долларга җитте.
Россия, шулай ук, Кытай вәкилләрен 2015 елда Екатеринбургта үтәчәк «ИННОПРОМ» төп халыкара сәнәгать күргәзмәсенең ил-партнеры рәвешендә булырга чакырды. Россия Президенты ассызыклаганча, сәүдә структурасын яхшырту гражданнар авиатөзелеше, космос, атом энергетикасы кебек югары технологияле өлкәләргә акцент белән барырга кирәк. Ул, шулай ук, Россия-Кытай аралашуның халыкара стабильлекнең мөһим факторы булып торды дип билгеләде.
Сөйләшүләр нәтиҗәсендә Россия һәм Кытай үзенең тышкы сәясәт адымнарын тагын да тыгызрак яраштыру турында килештеләр. Сөйләшүләр кысаларында, шулай ук, берничә килешүгә һәм контрактка кул куелды. Владимир Путин һәм Си Цзиньпин барында Хунань Татарстан Республикасы Хөкүмәте һәм Хунань провинциясе Хөкүмәте арасында сәүдә-икътисади, фән-техник һәм мәдәни хезмәттәшлек буенча килешү астында имзаларны Татарстан Республикасының Президенты Рөстәм Миңнеханов һәм провинция губернаторы Хунань Ду Цзяхао куйдылар.
ТР Инвестицион үсеш агентлыгының матбугат хезмәте