Рөстәм Миңнеханов Россиянең Федерация Киңәшмәсе рәисе урынбасары Ильяс Умаханов белән очрашты
Очрашу Казанда Халыкара мәгълүмати үзәктә (ХМҮ) мәйданында, VI Россия һәм ИХО илләренең Халыкара икътисади саммиты (KazanSummit 2014) кысаларында үтте.
Татарстан Республикасының Президенты Федерация Киңәшмәсе делегациясенең башлыгын Ильяс Умахановны Федерация Киңәшмәсе ягыннан чарага ярдәм итү өчен рәхмәтләде һәм саммитның Россия һәм ислам дөньясы илләре арасында хезмәтәшлекне ныгыту өчен федераль мәйдан кебек булуын билгеләде. Бу елда саммита Федерация Киңәшмәсенең 20 вәкиле катнашты.
«KazanSummit кебек вакыйга чит илләргә Россия һәм аның регионнарының күптөрлелеген күрсәтергә яхшы мөмкинлек бирә», - дип Рөстәм Миңнеханов ассызыклады.
Татарстан Республикасының Президенты Россия парламентарияләре белән очрашуда республиканың икътисады, аның кайбер өлкәләре, аеруча нефть чыгару, нефть эшкәртү, нефтехимия, машина төзелеше һәм башкалар үсеше турында сөйләде. Аерым рольне авыл хуҗалыгы уйный. Ул аның турында җентекләп сөйләде. Хәзерге вакытта авыл төрле дәрәҗәләрдә ярдәм ителә.
Татарстан Президенты, шулай ук, республика территориясендә Иннополис шәһәр-иярчене һәм Халыкара инвестицион технополисы «СМАРТ Сити Казан» кебек эре инвестицион проектларны тормышка ашыруның эше турында сөйләде. Парламентарияләр, үз чиратында, Татарстан бүген регионның яңа икътисади үсешен күрсәтә, икътисадта заманча технологияләр куллана, шулай ук бер территориядә күп төрле милләтләр һәм диннәрнең дус яшәү белән тәэмин итә дип билгеләделәр.
ТР Инвестицион үсеш агентлыгының матбугат хезмәте