Вьетнам һәм Татарстан Республикасының Сәүдә-сәнәгать пулатлары арасында үзара аңлашу турында меморандумга кул куелды
Документка Татарстан Республикасының Президенты Рөстәм Миңнеханов, республика делегациясе һәм Вьетнам эшлекле даирәләре белән очрашу кысаларында кул куелды.
Документ астына Татарстан Республикасының Сәүдә-сәнәгать пулаты рәисе Шамиль Агеев һәм Вьетнам Сәүдә-сәнәгать пулаты рәисе Ву Тиен Лок кул куйдылар.
Очрашу барышында Рөстәм Миңнеханов Татарстан Республикасы турында сөйләде: географик урыны, социаль-икътисади һәм сәнәгый потенциалы. Регионның инвестицион мөмкинлекләрен Татарстан Республикасының инвестицион үсеш агентлыгы җитәкчесе Линар Якупов тәкъдим итте.
Татарстан Республикасының туристик өлкәсе үсеше турында ТР туризм буенча Дәүләт комитеты рәисе Сергей Иванов сөйләде. Үзенең оешмалары турында кыска презентацияләрне ААҖ «Казан вертолет заводы», ААҖ «КАМАЗ», Горький исемендә Яшел Үлән заводы, «Татхимфармпрепараты», ААҖ «Татнефтехиминвест-холдинг» һәм башка вәкилләр үткәрделәр.
Татарстан Республикасының Сәүдә-сәнәгать пулаты рәисе Шамиль Агеев билгеләгәнчә, Казанда якын көннәрдә Россия-Вьетнам бизнес форумы үтү турында килешүгә җиттеләр. Шамиль Агеев сүзләре буенча, кул куелган Вьетнам Сәүдә-сәнәгать пулаты һәм Татарстан Республикасы арасында үзара аңлашу турында меморандум үзара табышлы мөнәсәбәтләр үстерү өчен фкндамент булачак.
Чыганак: Татарстан Республикасы Президентының матбугат хезмәте