Татарстанда теплица мегакомплексы төзелергә мөмкин
Зур авыл хуҗалыгы комплексын булдыру турында сорау Татарстан Республикасының Президенты Рөстәм Миңнехановның Mir Holding (Мир холдинг) топ-менеджерлары – холдинг рәисе һәм Dizayn Grup (Дизайн груп) компаниясенә нигез салучы Ибрагим Мирмахмутогуллари, холдинг Директорлар киңәшмәсе вәкиле Кюршад Тюзмен белән очрашуда каралды. Әүвәл Төркия компаниясе Татарстан Республикасының инвестицион үсеш агентлыгы белән аралашты, Агентлык алдагы аралашу буенча эш планнарын корды һәм булачак инвесторларга ярдәм итү буенча комплекслы эшне үткәрде.
Сөйләшүләр кысаларында Ибрагим Мирмахмутогуллари алдагы технологиләрне кулланып авыл хуҗалыгы продукциясен үстерү буенча зур теплица комплексын булдыру буенча инвестицион проект презентациясен үткәрде. Логистика үзәге, лаборатория һәм Miracle экологик парник системасы керәчәк теплица хуҗалыгы мәйданы 1250 гектар тәшкил итәчәк. Күәте этаплар буенча 7 ел дәвамында үсәчәк.
Компани вәкилләре Татарстан Президентына ярдәм күрсәтү соравы белән мөрәҗәгать иттеләр. Республика башлыгы әлеге инициативаны яклады, ул махсус эш группасын булдырырга карар итте. Проектны үз компетенция кысаларында Татарстан Республикасының инвестицион үсеш агентлыгы алып барачак.
“ТР ИҮАның Төркия холдингы белән аралашу тарихы бар һәм хәзерге вакытта хезмәттәшлек активлашкан. Әүвәл 2 инвестицион проект билгеләнде, алар арасында полимер торбалар җитештерүе бар, алар 6 февральдә Татарстан Республикасының Президентына тәкъдим ителде. Авыл хуҗалыгы продукциясен зур күләмдә үстерүгә рөхсәт итүче теплицалар системасын булдыру безнең республика һәм ил өчен зур кызыксыну тудыра, аеруча хәзерге импорт алмашу, җитештерүләрне урнаштыру һәм азык-төлек куркынычсызлыкны ныгыту темалары актуаль булу вакытында”, - дип очрашуда катнашкан ТР ИҮА җитәкчесе Талия Миңнуллина билгеләде.
ТР ИҮА матбугат хезмәте, Искәндәр Әхмәдов