Швеция-Татарстан: яңа горизонтларга
ТР Инвестицион үсеш агентлыгы җитәкчесе Талия Миңнуллина SymbioCity семинарында Швеция делегациясенә Татарстанның инвестицион мөмкинлекләрен тәкъдим итте. Семинарның төп темасы шәһәрләрнең тотрыклы үсеше концепциясе булып торды.
Үзенең презентациясендә ТР ИҮА җитәкчесе Татарстан, республиканың конкурентлы өстенлекләре, заманча инвестицион инфраструктура объектлары һәм креатив индустрия үсеше өчен уңай махсус шәһәр тирәлеге турында сөйләде.
“Швеция бизнесы белән хезмәттәшлек безнең өчен зур кызыксыну тудыра, чөнки Скандинавия иле төрле өлкәләрдә үзенең заманча чишелешләре белән танылган. Безнең республика киңмасштаблы аралашуда кызыксынган, шулай ук югары технологияле инвестицияләрне җәлеп итү буенча аралашуда кызыксынган”, - дип ТР ИҮА җитәкчесе билгеләде.
Элек Талия Миңнуллина Татарстан Республикасының Президенты вазифаларын вакытлыча башкаручы Рөстәм Миңнехановның Россия Федерациясендәге Швеция Гадәттән тыш һәм Тулы вәкаләтле илчесе Вероника Бард Брингеус белән очрашуында катнашты. Очрашуда катнашучылар хезмәттәшлекне активлаштыру, шулай ук транспорт, экология, сәламәтлек саклау һәм машина төзелеше өлкәләренә хезмәттәшлекне активлаштыруда кызыксынуын белдерделәр.
Шулай ук 12 компания вәкилләре кергән делегация Татарстанның берничә инвестицион мәйданнарын караячак һәм 14-17 апрельдә республикада үтүче Швеция Көннәре чараларында катнашачак.
ТР ИҮА Матбугат хезмәте, Искәндәр Әхмәдов