Татарстан Республикасының инвестицион үсеш агентлыгы

Төркия Парламенты спикеры: Татарстанда бик уңайлы инвестицион климат

2015 елның 16 апреле, пәнҗешәмбе

Татарстанда бик уңайлы инвестицион климат формалашкан. Әлеге сүзләрне Татарстан Республикасына визит белән килгән Төркия Республикасының Бөек милли мәҗлесе рәисе Җәмил Чичек әйтте. “Татарстан – дин, тел һәм мәдәният бердәмлегенә нигезләнгән бик якын тарихи элемтәләр булган регион. Шуның өчен безгә икътисад һәм сәүдә кебек өлкәләрдә хезмәттәшлек турында сөйләшергә һәм килешүгә килергә җиңел. Һәм күп Төркия инвесторлары үзенең проектларны тормышка ашырырга әзер. Аеруча Татарстан җитәкчелеге моңа ярдәм итте дип уйлыйм – бик уңайлы инвестицион климатны булдырды, шулай ук безнең бердәм парламент эшчәнлек. Без ирешкән дәрәҗәдә туктарга теләмибез, безнең элемтәләрне киңәйтергә телибез”, - дип Җәмил Чичек билгеләде. Республика вәкиллекле органы утырышында программа кысаларында Төркия Республикасы Бөек милли мәҗлесе һәм Татарстан Республикасының Дәүләт Советы арасында төрле яклы аралашуны алдагы киңәйтү турында меморандумга кул кую церемониясе үтте. Документ Татарстан парламентаризмның 25 еллыкны бәйрәм итү елында булдырылды. Казан Кремлендә делегация белән Татарстан Республикасының Президенты вазифаларын вакытлыча башкаручы Рөстәм Миңнеханов очрашты. Очрашуда шулай ук ТР ИҮА җитәкчесе Талия Миңнуллина катнашты. Сөйләшүләрдә катнашучылар үзара табышлы хезмәттәшлек, шулай ук инвестицияләр өлкәсендә перспективалар һәм механизмнар турында сөйләштеләр. Хөрмәтле кунак Рөстәм Миңнехановны Төркия инвестицион проектларны гамәлгә ашыру өчен ярдәм итүе өчен рәхмәтләде.
Белешмә 2014 елның нәтиҗәләре буенча Татарстанга килүче чит ил инвестицияләр күләмендә Төркия өлеше 26,1% - 144306,9 мең доллар тәшкил итте. Төркия һәм Татарстан Республикасы арасында икетарафлы тышкы сәүдә әйләнеше 508,6 млн доллар тәшкил итте, аңа экспорт – 183,2 млн. доллар, импорт – 325,4 млн. доллар керде. Татарстанның тышкы сәүдә әйләнешендә Төркиянең өлеше 2,2% тәшкил итте.

ТР ИҮА Матбугат хезмәте, Искәндәр Әхмәдов

БАРЛЫК ЯҢАЛЫКЛАРНЫ УКУ