10 нчы Халыкара авыл хуҗалыгы күргәзмәсе SIAM-2015

2015 елның 7 мае, пәнҗешәмбе
Татарстан Республикасының инвестицион потенциалы 10 нчы Халыкара авыл хуҗалыгы күргәзмәсе SIAM-2015 тә тәкъдим ителде, ул Марокко Корольлегенең Мекнесе шәһәрендә үтте. Чараның төп темасы – “Авыл хуҗалыгы һәм азык-төлек системасы”. Ачыш церемониясендә Марокко тәхеткә утырырга тиешле Принц Мулай Эль-Хассан катнашты. Әлеге күргәзмәгә чакыру Татарстан Республикасының Президенты вазифаларын башкаручы Рөстәм Миңнехановның һәм Марокко Корольлегенең Тышкы сәүдә министры Мөхәммәд Аббу белән 2015 елның 15 апрелендә үткән очрашу кысаларында бирелде. ТР Инвестицион үсеш агентлыгы җитәкчесе беренче урынбасары Инсаф Галиев һәм “Республика инвестицияләр һәм яңалыкчылыклар буенча авыл хуҗалыгы һәм сәнәгать үзәге” вәкилләре кергән Татарстан делегациясе инвестицион потенциал, экспорт мөмкинлекләре һәм республиканың авыл хуҗалыгы комплексын Бөтен Россия экспозициясе кысаларында тәкъдим итте. Барлык күргәзмә эшләгән 5 көнендә аны 817 меңнән артык кеше карады. Татарстан делегациясе Экспортерлар Ассоциациясе, Марокко авыл хуҗалыгы һәм диңгез балык тоту министрлыгы карамагындагы Авыл хуҗалыгы үсеше агентлыгы, компанияләр-экспонентлар вәкилләре, күргәзмәдә катнашучылар, шулай ук ил регионнарының администрацияләре (Зур Касабланка, Марракеш-Тенсифт-Эль-Хауз, Мекнес-Тафилалет, Рабат-Сале-Заммур-Заер, Сус-Масса-Драа) вәкилләре белән очрашулар уздырды. Африка илендә Татарстан җиһазлары һәм машина төзелеше продукциясен алга таба мавыктыру, соклар җитештерү, яшелчәләр, җиләк-җимешләрне үстерү һәм эшкәртү, майлар җитештерү, хәләл индустриясе, бәрәнге җитешетрү һәм эшкәртү, кыяктан продукция, макарон продукциясен җитештерү, косметика сәнәгате, сөт һәм азык-төлек сәнәгате өлкәсендә хезмәттәшлек үстерү һәм бердәм проектларны тормышка ашыру турында сөйләштеләр. Шулай ук Магриб илендә Россия сәүдә вәкиле урынбасары Сергей Яшунин белән очрашу узды, аның барышында хезмәттәшлек үсешенең перспектив юнәлешләре билгеләнде. Сөйләшүләрне үткәрүдә Россия-Гарәп эшлекле киңәшмәсе һәм Мароккодагы Россия Сәүдә вәкиллеге ярдәм итте. Күргәзмәдә катнашучылар 2015 елның 15-16 июньдә Казанда үтәчәк KazanSummit 2015 VII Россия һәм ИХО илләренең Халыкара икътисади саммитында катнашырга чакырылды.   Белешмә SIAM Африка континентында иң зур махсуслаштырылган күргәзмәсе булып тора, анда һәр елны якынча 60 илдән 1000 нән артык экспонент катнаша. Марокко Короле Мөхәммәд VI химаясендә булган күргәзмә 2006 елдан үтә, чараны Марокко авыл хуҗалыгы һәм диңгез балык тоту министрлыгы һәм Марокко авыл хуҗалыгы җитештерүчеләре Халыкара ассоциациясе оештыра.  

ТР ИҮА Матбугат хезмәте
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International