“Укырга, укырга һәм укырга”: Татарстанда – Сколково белем программасы
Татарстан Республикасында “Эффектив идарә итү: Стратегия. Эш. Нәтиҗә” программасы чаралары үтә, аның кысаларында уку-укыту курсын республика Хөкүмәте һәм муниципаль оешмалар башлыклары әгъзалары үтәчәк.
Беренче “дәрес”не ТР Президенты вазифаларын вакытлыча башкаручы Рөстәм Миңнеханов ачты, ул шулай дәүләт хезмәткәрләренә һәм идарә итүчеләргә үрнәк күрсәтте. Республика лидеры билгеләгәнчә, заманча җитәкче һәрвакыт укырга тиеш, ә программаны Татарстан җитәклеге инициативадан башлап җибәрелде.
Уку 2015 елның азагына кадәр дәвам итәчәк дип көтелә, “укучылар” һәр 1,5 айны берничә көнгә җыелачак. Басым мөстәкыйль эш, проектлау, эффектив сөйләшүгә ясала, программа 5 модуль буенча үтәчәк (беренче модуль тематикасы – стратегик планлаштыру). Дәрәҗәле тыңлаучылар берничә группага бүленәчәк, һәр группа бердәм проект әзерли, аның Рөстәм Миңнеханов бәяләчәк.
Курсны “Сколково” Мәскәү идарә итү мәктәбе һәм КФУ Дәүләт һәм муниципаль идарә итү Югары мәктәбе әзерләде.
2012 елда “Сколково”да профессиональ әзерләнүне үткән Татарстан Республикасының инвестицион үсеш агентлыгы җитәкчесе Талия Миңнуллина яңа программаның актуальлеген һәм мөһимлеген ассызыклый: “Хәзерге заман дөньяда белем, кеше капиталы – уңышның төп компоненты. Безнең республика уңышлы, ә әлеге программа Татарстанга, шулай ук Стратегия 2030 ны тормышка ашыруда тагын да эффектив эшләргә ярдәм итәчәк”.
2015 ел ТР ИҮА да Талия Миңнуллина инициативасы буенча Белем елы булып тора, Агентлык хезмәткәрләре заманча методика буенча регуляр рәвештә укуны үтәләр.
ТР ИҮА Матбугат хезмәте