Google, Facebook, стартаплар, Ирландиянең ИҮА: Татарстанның инвестицион потенциалы Ирландиядә тәкъдим ителде

Татарстан Республикасының Президенты вазифаларын вакытлыча башкаручы Рөстәм Миңнеханов җитәкләгән делегация Ирландиягә эш визиты белән килде. Делегация составында - Татарстан Республикасының инвестицион үсеш агентлыгы җитәкчесе Талия Миңнуллина. Визит максатларының берсе – инновацион һәм венчур үсеш өлкәсендә алдагы тәҗрибә белән танышу.
“Икътисадта кайбер кризислы хәлләр булуга карамастан, Россия базары үсүен дәвам итә. Без Ирландия компанияләрнең Россиядә башлап җибәрүче мәйдан рәвешендә безнең республиканы сайлап алуда кызыксынабыз. Ирландия компанияләрен Татарстан белән хезмәттәшлеккә чакырабыз”, - дип республика лидеры эшлекле даирәләр белән очрашуында ассызыклады.
Ирландия Республикасы инновацион һәм инвестицион проектларга ярдәм итүгә зур игътибар бирүче ил булып тора. Шуңа күрә бу илне Google, Facebook һәм башка инновацион һәм инвестицион гигантлар Европада үз штаб-квартираларын урнашу өчен бу илне сайладылар.
Стартапларны финанслауга һәр елны 22 миллион евро бирелә. Махсус Академик үзәктә ярдәм алучы яңа бизнес-кейсларның нигезе булып торучы фәнни уйлап табулар булдырыла. Ирландиядә инвестицияләү өчен яхшы шартлар булган тирәлекне булдыру тәҗрибәсе бар, республика территориясендә 1150 штаб-квартира һәм халыкара компанияләрнең җитештерүләре урнашкан, аеруча кечкенә салым булу аркасында.
Ирландиядә ИҮА аналогы эшли - IDA Ireland (Инвестицияләрне җәлеп итү буенча Ирландия агентлыгы), ул зур һәм кечкенә компанияләр белән эшли. Агентлыкта берничә очрашуны Талия Миңнуллина 29 июньдә үткәрде. IDA Ireland вәкилләре сөйләгәнчә, махсуслашкан органда якынча 300 кеше эшли, чит илләрдә 19 офисы бар, аларның 4 Кытайда урнашкан.
Эшлекле программа кысаларында Талия Миңнуллина Ирландия-Россия бизнес ассоциациясеннән эшлекле иртәнге ашында Татарстанның инвестицион потенциалы презентациясе белән чыгыш ясады, анда ул инвестицион инфраструктура объектлары, алар арасында МИЗ “Алабуга” һәм МИЗ “Иннополис” турында сөйләде. ТР ИҮА җитәкчесе Тринити Колледж Дублинны һәм INNALABS компаниясенең җитештерү мәйданын карады.
30 июньдә ТР ИҮА җитәкчесе Enterprise Ireland Ирландиянең инновацион экосистемасында эшлекле даирәләр вәкилләре алдында чыгыш ясады.
“Билгеле булганча, безнең ил һәм республика Латин Америкасы, Азия, Африка белән эшне активлаштыра, шул ук вакытта Европа бизнесы белән хезмәттәшлек, шулай ук инвестицион поректлар өлкәсендә үз мөһимлеген саклый. Татарстан күп брендлар өчен “үз мәйданы” булып тора, ә Ирландиядә инвестицион империяләрнең штаб-квартиралары эшли. Әлбәттә, бу безнең өчен ориентир булып тора”, - дип ИҮА җитәкчесе ассызыклады.
Талия Миңнуллина Татарстан Республикасының Президенты вазифаларын вакытлыча башкаручы Рөстәм Миңнехановның Ирландия Элемтә, энергетика һәм табигый байлыклар министры Алекс Уайт һәм Ирландия Дәүләт чит ил эшләре һәм сәүдә министры – Эшлекле хезмәттәшлекне үстерү буенча Россия-Ирландия хөкүмәтара комитеты рәисенең берсе Шон Шерлок белән очрашуда катнашты.
Татарстан делегациясенең Дублинга визиты 29-30 июньдә үтә.
 
ТР ИҮА Матбугат хезмәте, Искәндәр Әхмәдов
Фото: Татарстан Республикасы Президентының Матбугат хезмәте (Эдуард Хайруллин), ТР ИҮА Матбугат хезмәте