Татарстан Республикасының инвестицион үсеш агентлыгы

Казанда WorldSkills 2019 дөнья чемпионаты үтәчәк

2015 елның 11 августы, сишәмбе

Моның турында Сан-Паулу (Бразилия) шәһәрендә 10 августта үткән WorldSkills International 2015 коммерцияле булмаган оешманың Генераль Ассамблеясында сайлау нәтиҗәсендә билгеле булды. World Skills 2019 профессиональ осталык буенча 45-нче чемпионатны үткәрү хакы өчен Казан Франция башкаласы – Париж һәм Бельгия шәһәре Шарлеруа белән көрәште. Безнең илнең вәкилләре Россия Федерациясенең Хөкүмәт рәисе урынбасары Ольга Голодец, Татарстан Республикасының Президенты вазифаларын вакытлыча башкаручы Рөстәм Миңнеханов, WorldSkills Russia җитәкчесе Павел Черных, «Росатом» дәүләт корпорациясе Генераль директоры Сергей Кириенко һәм башкалар булып тордылар. Россия командасында Генераль Ассамблеясында шулай ук эшханәләр, белем оешмалары, Россия Федерациясе һәм Татарстан Республикасының министрлыклары һәм идарәлекләре җитәкчеләре, алар арасында Татарстан Республикасының инвестицион үсеш агентлыгы җитәкчесе Талия Миңнуллина катнаштылар. Казан презентациясе жюри әгъзалары арасында иң зур кызыксыну тудырды һәм киеренке көрәштә сайлауларның ике турдан соң Татарстан башкаласы җиңүне алды. Казан өчен 57 сайлаучы илдән 31 делегат тавыш бирде. WorldSkills ярышларын үткәрү аеруча эш профессияле яшь кадрларның осталык дәрәҗәсен күтәрү өчен зур мәгънә белдерә һәм шулай ук кадрлар аспектында дөнья икътисади тирәлектә республиканың конкурентлыгын үстерергә ярдәм итә. Белешмә WorldSkills – 1946 елда барлыкка килгән халыкара коммерцияле булмаган хәрәкәт. Ассоциация максаты – эш профессияләренең престижын күтәрү һәм профессиональ осталык конкурсларын үткәрү аша профессиональ белемне үстерү. WorldSkills чемпионаты төрле илләрдә елга ике тапкыр үтә һәм сәнәгатьнең бөтен юнәлешләрен төрле яктан чагылдыручы профессиональ әзерләнүне күтәрү һәм осталыкны яхшырту өлкәсендә иң мөһим вакыйга булып тора. 2014 һәм 2015 елларда Казанда “Казан ярминкәсе” территориясендә уңышлы II һәм III WorldSkills Russia милли чемпионатлары үтте. Казанда 19-23 майда үткән Россиянең WorldSkills соңгы чемпионатында 57 компетенциядә (42 конкурслы һәм 15 презентацион) Россиянең бөтен регионнарыннан 519 конкурсант, 613 белгеч һәм 10 компетенция буенча ярышларда 16 регионнан 100 юниор катнашты.

БАРЛЫК ЯҢАЛЫКЛАРНЫ УКУ