Европа һәм Кытай 10-нчы Инновацион-технологик кооперация форумында Кама кластеры делегациясе

2015 елның 12 ноябрендә КХРда Европа һәм Кытай 10-нчы Инновацион-технологик кооперация форумы тәмамланды, аның эшендә Татарстанның Кама инновацион территориаль-җитештерү кластеры делегациясе катнашты. Чарада Россия, Кытай, Бельгия, Германия, Ирландия, Мальта, Испания, Төркия, Бөекбритания, Чехия Республикасы, Финляндия, Франция, Италия, Люксембург, Польша, Швеция эшлекле даирәләре вәкилләре катнаштылар. Бизнес сөйләшү сессиясендә Кама кластеры вәкилләре махсус бизнес-форматлар кысаларында сәнәгый җитештерү, инновацияләр өлкәсендә Кытай оешмлары белән икеяклы хезмәттәшлек үсеше мәсьәләләре буенча фикер алыштылар, Татарстан Республикасының икътисади потенциалын презентацияләделәр. КХР Фән һәм технологияләр министрлыгы, КХР Мәгариф министрлыгы, КХР Үсеш һәм реформалар дәүләт комитеты, Халыкара сәүдәгә ярдәм күрсәтү буенча Кытай советы, Шаньдун һәм Сычуань провинцияләренең Халык хөкүмәте һәм Enterprise Europe Network форумны оештыра. Форум эшендә Кытайның 10 стратегик шәһәр мэрлары катнашты, Кытайның иң конкурентка чыдам 30 инновацион кластер презентацияләре үтә: Пекин инновацион кластеры, Чэнду шәһәренең компьютерлы программа продуктларының сәнәгый кластеры, “Сучжоу” технопаркы, Шэньжень, Ханчжоу, Шанхай, Нанкин IT-үсеш зонасы һәм башкалар.   Белешмә 2012 елда Татарстан Республикасының Кама инновацион территориаль-җитештерү кластеры (алга таба – Кластер) Россия Федерациясенең Хөкүмәт Рәисе Д. Медведев раслаган Инновацион территориаль кластерлар исемлегенә керде. ( 28.08.2012 нән карар № ДМ-П8-5060). Кластер Татарстан Республикасының төньяк-көнчыгыш өлкәсенең Кама елгасының ике яры буенча урнашкан, үз эченә Яр Чаллы шәһәр округы һәм биш муниципаль район: Алабуга, Зәй, Менделеевск, Түбән Кама һәм Тукай районнары. Кластерның өлкә специальләштерүе – нефть һәм газ эшкәртү, нефтехимия, машина төзелеше. Кластерда сәнәгый җитештерү  күләме 667 млрд. сум тәшкил итә. Монда Россиянең 40% синтетик каучук, 24% пластик, һәр өченче Россия авыр йөк машинасы һәм һәр өченче шин җитештерелә. Кластерда Татарстан Республикасының гына түгел, әмма бөтен Россия Федерациясенең үсеш ноктасы рәвешендә әлеге территорияне билгеләүче көчле  инновацион потенциал тупланган. Кластерның төп инвестицион проектлары үзенең уникальлеге һәм өстәлгән кыйммәт булдыруның югары дәрәҗәсе белән аерылып тора. Шулай Европада бердәнбер “ТАНЕКО” нефть эшкәртү һәм нефтехимия заводының инновацион комплекс төзелеше проекты нефть эшкәртүнең моңарчы булмаган тирәнлекне - 97,9% тәэмин итергә мөмкинлек бирәчәк (Россиядә нефть эшкәртүнең ттирәнлеге 80% тан артык түгел, АКШда – 92-93%, Европада – 85-90%, Кытайда – 85%). Проект хакы – 162,3 млрд. сум. Эшкә кертү вакыты – 2017 ел.   ТР ИҮА Матбугат хезмәте (шулай ук ТР ИМ, Кама кластеры материаллары кулланылды)