“Мин Татарстанны яратам, ә Татарстан мине ярата”: Талия Миңнуллинадан толстовка һәм СКОЛКОВО проекларын группалы яклау

4 декабрьдә дәүләт органнары җитәкчеләре, Татарстанның муниципаль районнар һәм шәһәр округлары башлыкларының “Сколково” Мәскәү идарә итү мәктәбенең “Эффектив идарә итү: Стратегия. Эшләр. Нәтиҗәләр” мәгариф программасы кысаларында группалы проектларны яклау үтте. Уку май аенда башланды, “укучылар” 1,5 айга бер тапкыр 4 уку көненә җыелдылар. Басым мөстәкыйль эш, проектлау, эффектив сөйләшүгә ясалды, программа 5 модуль буенча үтте (мәсәлән, беренче модуль тематикасы – стратегик планлаштыру). Дәрәҗәле тыңлаучылар 6 эшлекле группага бүленде, аларның һәрберсе коллектив проект әзерләде. Тыңлаучыларны әзерләүдә икътисадчылар, аралашу һәм башка өлкәләрдәге белгечләр катнаштылар.  “Укуда приоритетлы мәгънә Стратегия 2030ны тормышка ашыруга бирелде, ә ул амбицияле максатларны ирешүен шарт итеп куя, бу бөтен республиканың эффектив эшен күз алдында тота. Әгәр без тирәлекне үзгәртәбез, кооперацион элемтәләр, агломерацияара хезмәттәшлек үстерәбез, дөнья берләшмәсенә интеграцияләүнең яңа юлларын кертәбез икән, Татарстан 2030 – бөтен яктан сөйкемле, тормышка ашырылган хыяллар территориясе булачак”, - дип, Казан агломерациясе группасы эшендә катнашучы һәм инвестицияләр өлкәсендә индивидуаль проект әзерләгән Татарстан Республикасының инвестицион үсеш агентлыгы җитәкчесе Талия Миңнуллина билгели. Уку тәмамлануга Рөстәм Миңнеханов, коллектив эш һәр катнашучыга файдалы булуын билгеләп, мәгариф программасын йомгаклады. Укуның эффективлыгын проектта катнашучылар да таныдылар. Рөстәм Миңнеханов һәм СКОЛКОВО  ректоры Андрей Шаронов Татарстан идарә хезмәткәрләренә квалификацияне күтәрү турында таныклык бирделәр, ә Талия Миңнуллина “укучылар” исеменнән СКОЛКОВО командасын рәхмәтләде һәм Андрей Шароновка «I love Tatarstan, Tatarstan loves me» язуы булган толстовка бүләк итте. Әлеге мәхәббәтнең җимешләре бер елдан өлгерәчәк, шул вакытта килешү буенча алынган белемнәрне кертү нәтиҗәләре буенча рефлексион киңәшмә узачак.