Нефть һәм газ эшкәртү өлкәсендә Катар дәүләтенең тәҗрибәсе турында «Татнефтехиминвест-холдинг» ААҖ Директорлар Советы утырышында сөйләштеләр

15 декабрьдә ТР инвестицион үсеш агентлыгы җитәкчесе Талия Миңнуллина «Татнефтехиминвест-холдинг» ААҖ Директорлар Советы утырышында катнашты. Утырышны Татарстан Республикасының Хөкүмәт Йортында Президент Рөстәм Миңнеханов уздырды. Утырыш барышында республиканың нефть, газ һәм химия комплексы өчен берничә тәкъдимнәр каралды. Утырышта Татарстанның нефть һәм химия сәнәгате өчен Rockwool Дания компаниясенең инновацион продуктлар презентациясе уздырылды, «Инжехим» (Казан) инженер-кертү үзәгенең вәкилләре циклопентан чыгару технологиясен уйлап табу турында белдерделәр. Әлеге прогрессив продукт пенополиуретан җитештерүендә, суыткыч җиһазларында фреоннарны алмаштыручы әйберләр рәвешендә кулланыла. Рөстәм Миңнеханов, циклопентанны яңа кирәк булачак продукт итеп атап, «ТАИФ» компаниясенә әлеге проектның үсешенә ярдәм итергә тапшырды. Утырышта нефть һәм газ эшкәртү өлкәсендә Катар дәүләтенең тәҗрибәсен карауга зур игътибар бирелде. Аның турында «Татнефтехиминвест-холдинг» генераль директоры Рафинат Яруллин сөйләде. Искә төшерик, составына ИҮА җитәкчесе Талия Миңнуллина кергән Татарстан делегациясе Катар башкаласы – Дохада 7, 8 декабрьдә визит белән булды. Монда Татарстан Республикасы һәм Катар Дәүләте Сәүдә-сәнәгать палаталары арасында килешүгә кул куелды. Катар инвестицияләр белән идарә башлыгы, Катар Сәүдә-сәнәгать палатасы башлыгы Мөхәммәд бен Әхмәт бен Товар Аль Кувари һәм гарәб дәүләтенең эшлекле даирәләре вәкилләре катнашкан Түгәрәк өстәлендә чыгыш ясаганда, ТР ИҮА җитәкчесе икътисад, сәнәгать, акча кертү өчен перспектив өлкәләр турында җентекләп сөйләде, монда ул Татарстанның югары технологияле өлкәләргә аерым акцент ясаган Стратегия 2030 нигезендә үсешен ассызыклады. Рөстәм Миңнеханов Катарга сәфәрдән соң үзендә күбрәк өстәмә кыйммәтен калдырыр өчен безнең нефть, газ һәм химия комплексына да аеруча нефтехимия һәм башка үзебезнең эшкәртүне үстерергә кирәк дип белдерде. Директорлар Советы шулай ук нефть, газ һәм химия комплексының зур компанияләрнең инвалидлар җәмгыяте раслаган оешмалар продукциясен куллану турында мәсьәләгә кире кайтты. Әлеге тема бу елның апрель аенда инде каралган. Рөстәм Миңнеханов компанияләр җитәкчеләрен заказлар ясап инвалидларга ярдәм итергә чакырды, чөнки аларның хезмәте аларга социальләштерергә һәм үзләренә акча алырга мөмкинлек бирә. Ул конкрет тәкъдимнәр әзерләргә һәм ягулык-энергетика комплексы оешмаларның исемлеген юнәлдерергә карар итте.