Татарстанның Инвесторлар клубы Гарвард профессоры лекциясен тыңлачак

Татарстан Рспубликасының Хөкүмәте чакыруы буенча Казанга Гарвард университетының икътисад профессоры Кеннет Рогофф киләчәк. Ул төрле илләрнең икътисадын өйрәнү өлкәсендә иң алда баручы галимнәрнең берсе, еш кына дөньяда иң тәэсир итүче икътисадчылар рейтингына керә. Аның дөнья финанс кризислары тарихы буенча тикшеренүләре киң танылган. Бүген, 21 декабрьдә Рогофф әфәнденең Татарстан эшлекле даирәләре, алар арасында ТР Инвесторлар клубы әгъзаларына лекция узачак. Бу танылган белгечтән икътисади үсеш тенденцияләре турында актуаль мәгълүмат алырга, Россия икътисадының проблемалары һәм перспективаларын карарга, Татарстанда бизнес үсешенә билге алырга уникаль мөмкинлек. Профессор визиты программасында шулай ук Татарстан Республикасы хөкүмәте әгъзалары өчен лекция бар. “Визит алдыннан без Рогофф әфәндене Татарстанның Стратегия 2030ны өйрәнергә сорадык. Стратегия кысаларында Татарстан киләчәгенең дөнья икътисады һәм глобаль финанслар перспективасына керүнең бәйсез эксперт билгесен ишетергә өметләнәбез”, - дип ТР инвестицион үсеш агентлыгы җитәкчесе Талия Миңнуллина өметләре белән уртаклашты.