ТР Инвестицион Советы Президиумы: эшнең яңа формасы

Бүген, 24 декабрьдә, Татарстан Республикасының Президенты Рөстәм Миңнеханов рәислеге астында ТР Инвестицион Советы президиумы узды. Чара ТР Хөкүмәт Йортында узды. Әлеге мөһим киңәшмәдә күп мәсьәләләр каралды. Төп доклад белән ТР инвестицион үсеш агентлыгы җитәкчесе Талия Миңнуллина чыгыш ясады. Ул инвесторлар белән эш итү өлкәсендә Татарстан Республикасының иң эффектив профильле министрлыклар һәм идарәлекләр рейтингын формалаштыру турында мәсьәлә күтәрде. Катнашучылар Питрәч, Мамадыш, Лаеш муниципаль районнарында инвестицион проектларны тормышка ашыру белән бәйләнгән эшлекле мәсьәләләрне карадылар. ТР Президенты, шулай ук, составына 12 кеше кергән Инвестицион совет президиумы утырышы айга бер тапкыр үтергә тиеш дип ассызыклады. Анда хакимият органнары ягыннан инфраструктуралы, законлы-норматив һәм башка формадагы ярдәмне таләп итүче проектлар карала. Утырыш ахырында Талия Миңнуллина түбәндәге сүзләрне билгеләде: “Бүгенге очрашу – эшнең яңа һәм регуляр формасы. Хәзерге икътисади хәлдә барлыкка килгән инвестицион өлкәаерым игътибар таләп итә, шуңа күрә республика дәрәҗәдәге киңәшмәләрне без тагын ясарга тиеш. Практика күрсәткәнчә, республика лидеры аны яклый”.