ТР ИҮА – фән һәм бизнес арасында үткәргеч
24 декабрьдә Татарстан Республикасының Фәннәр Академиясендә уртак җыелыш үтте, анда республиканың фәнни берләшмәсе вәкилләренә, хезмәткәрләренә һәм кунакларга 2015 ел буенча оешма эше нәтиҗәләре турында еллык отчет тәкъдим ителде. Чарада ТР инвестицион үсеш агентлыгы җитәкчесенең урынбасары Марат Бухараев, министрлыклар һәм идарәлекләр җитәкчеләре катнашты.
Сәламләү сүзе һәм 2015 ел буенча оешма эше нәтиҗәләре турында еллык отчет һәм ТР Фәннәр Академиясенең 2020 елга кадәр үсеш стратегиясе белән Татарстан Республикасының Фәннәр Академиясе президенты Мәкзүм Салахов чыгыш ясады. Ул ТР ФА фәнни активлыгын билгеләде, аның эшен Россия регионнары һәм 40тан артык илләрдән фәнни оешмалар белән партнерлык элемтәләре системасы дәлилли.
“Киләчәк – югары технологияләр артыннан һәм бу беркемгә дә сер булып тормый. Бизнес һәм фән аралашуы инновацияләр өлкәсендә барлыкка килә, шуңа күрә икътисад прогрессын фәнни уйлап табулар һәм ачышлар белән элемтәне күзәтә алабыз. Сәнәгый җитештерүнең заманча фәнни тикшеренүләрдә нигезләнсә, ә төрле ачышлар, үз актуальлеген югалтмыйча, бизнеста куллануны тапса, икътисадны инновацион булып тора дип атарга була. Фән һәм бизнес альянсын булдыру хәзерге көнгә икътисад үсешенең иң перспектив юнәлеше булып тора. Икътисадка инновацияләрне уңышлы кертү өчен өч субъект катнашуы кирәк: бизнес, дәүләт һәм фәнни берләшмә. Әлеге альянста фән инновацион уйлап табулар һәм тикшеренүләрнең башкаручысы, дәүләт уйлап табуларның инвесторы һәм заказ бирүчесе, ә бизнес минимумда инновацияләрнең актив кулланучысы, максимумда – дәүләт белән тигез булган заказ бирүчесе булып тора.
Дәүләт хакимият органы буларак ТР инвестицион үсеш агентлыгы Фәннәр акдемиясе белән бер ел гына якын һәм нәтиҗәле хезмәттәшлек итми, ул шул фән һәм бизнесны бәйләүче буын булып тора”, - дип ТР инвестицион үсеш агентлыгы җитәкчесе Талия Миңнуллина аңлатма бирде.