Татарстанның эшлекле берләшмәсе котлауларны кабул итә
25 декабрьдә ТР Президенты Рөстәм Миңнехановның ТР Сәүдә-сәнәгый палатасы әгъзалары белән очрашу узды. Катнашучылар арасында ТР инвестицион үсеш агентлыгы җитәкчесе Талия Миңнуллина булды.
Чарада ТР ССПның үтүче ел нәтиҗәләре һәм 2016 елга планнар каралды. ТР ССП Идарә рәисе Шамиль Агеев сәламләү сүзендә ИҮА мисалында Палатаның Хөкүмәт белән эше турында сөйләде: бергә инвестор белешмәлеге чыгарыла, чаралар үткәрелә, бизнес-миссияләрне үткәрү буенча эш алып барыла. ТР Президенты сәүдә-сәнәгый палатасы әгъзаларын киләчәк бәйрәмнәр белән котлады, хезмәт өчен рәхмәт белдерде һәм 2016 елда бөтен куелган планнар һәм бурычларның тормышка ашыруын теләде. Палата күп төрле чараларда актив катнаша, ә аның җитәкчелеге Татарстан делегацияләрнең чит илләргә эшлекле сәфәрләрендә катнаша, шуңа күрә ССПның Россия буенча һәм чит илләрдә күп үзара табышлы элемтәләр бар.
“Бөтен дөнья буенча сәүдә-сәнәгый палаталары бик хөрмәтле һәм актив оешмалар булып тора. Еш кына нәкъ алар чит ил кунакларын һәм хезмәткәрләрен кабул итәләр, эшлекле сөйләшүләр оештыралар, презентацияләрне үткәрүдә ярдәм күрсәтәләр. Татарстанның Сәүдә-сәнәгый палатасы чыгарма булып тормый. ТР инвестицион үсеш агентлыгы Татарстанның ССП белән якын хезмәттәшлек итә. Сәүдә-сәнәгый палатасы әгъзаларына ярдәм күрсәтү, аларның югары профессионализм безгә республикада уңай инвестицион климатны булдыру буенча нәтиҗәле эшне алып барырга мөмкинлек бирә”, - дип Талия Миңнуллина билгеләде.