Испанлылырның Татарстанда маҗаралары
21 гыйнварда Испаниядә “Агромир-Казан” үзәгенең инвесторы булган “НПК” АҖ һәм азык-төлек кластерын тормышка ашыру өлкәсендә дөнья лидерларның берсе булган MERCADOS DE ABASTECIMIENTOS DE BARCELONA S.A. («Меркабарна») компаниясе арасында партнерлык килешүенә кул куелды.
Испаниянең иң зур җимеш-яшелчә эре сәүдәгәренең беренче Россия килешүен нәкъ Татарстан проекты буенча булдыру очраклы түгел. Монда узган елның сентябрендә Россиядә иң зур күмәртәләп сату-бүлү үзәгенең төзелеше башланды, аның мәйданы 148 га тәшкил итәчәк. Испаниядә «Меркабарна» 90 га территориясендә урнашуын билгеләү лаек.
- Безгә «Меркабарна» белгечләреннән күбесенә өйрәнергә мөмкин. Килешү буенча алар «Агромир-Казан» проектын тулысынча анализлачаклар һәм инвесторларга концептуаль төсендә, генераль план кысаларында объектларны урнаштыру буенча конкрет тәкъдимнәр, эчке һәм тышкы логистика, зурлыкларга туры килү, йортларның функциональлеге һәм эчке планлаштыруны үз эченә алып кластер эшенең логистик схемасын оештыру буенча аналитик отчет бирәчәкләр. Mercabarna логотибы булган йөк машиналары йөксез дөнья буенча йөрмиләр. Барселонадан Казакъстанга әфлисүннәр алып барсалар, Казакъстаннан Барселонага сатырга яисә туңдырырга мөмкин булган алмаларны китерәләр. Шундый схема логистик операторның чыгымнарын киметергә мөмкинлек бирә. Ә 5-6 елдан соң, бәлки, “Агромир” машиналары Россия җирендә үстергән яшелчә-җимешләр белән дөнья базарларын яулап алырга китәчәк? Испанлыларның Татарстанда маҗаралары башлана гына”, - дип Татарстан Республикасының инвестицион үсеш агентлыгы җитәкчесе Талия Миңнуллина билгели.
Белешмә. Meркабарна күмәртәләп сату базары шәһәр эчендә шәһәр булып тора. Монда хезмәттә 6700 кеше булган 700 төрле компания эшли. Гаять зур комплекста гади торак пунктында булган уңайлыклар табырга мөмкин: кунакханә, бар, ресторан, даруханә, балалар бакчасы, банк, оптика кибетләре, амбулатория һ.б. Меркабарнада сатылучы төп товарлар: яшелчә, җиләк-җимеш, балык һәм диңгез продуктлары, ит, үләннәр һәм бергә баручы артикуллар. Меркабарна Президенты Соня Рекасенс үз хуҗалыгын “ Урта Диңгез буеның төп ноктасы һәм Европага товарлар өчен ачык ишек” дип атый. Бик яхшы стратегик урынны (диңгез порты, аэропорт һәм төп транспорт юллары янында) исәпкә алып, бу барысы да Меркабарнаны Барселонаның гына түгел, бөтен Каталониянең мөһим икътисади үзәгенә әйләндерә.