Татарстанның Сычуань провинциясе белән озак вакытлы хезмәттәшлеккә курс бирелгән

4 майда Татарстанның инвестицион үсеш агентлыгы җитәкчесе Талия Миңнуллина Татарстан Республикасының Премьер-министры Ильдар Халиковның Сычуань провинциясенең партия комитеты сәркатибы, Милли вәкилләрнең Бөтенкытай җыелышының Даими комитеты рәисе Ван Дунмин әфәнде белән очрашуда катнашты.

 

“Татарстанга сезнең визиты һәм регионга игътибар оптимизм тудыра һәм мөһим проектларны тормышка ашыру мөмкинлекләре турында сөйли”, - дип Ильдар Халиков Ван Дунминга мөрәҗәгать итте.

Составында бизнес вәкилләре һәм дәүләт хезмәткәрләре кергән Сычуань провинциясеннән югары дәрәҗәле делегациянең визиты “Татарстан-Сычуань” Эшлекле форумы ачышына багышланды. Форум барышында хезмәттәшлек турында икеяклы документка кул кую һәм Татарстан һәм Кытайның эшлекле даирәләр вәкилләренең адреслы очрашулары узды.

 

“Безнең делегациянең әлеге визит максаты бердәм проектларны тормышка ашырудан, мәгълүмат белән алмашудан һәм Татарстан республикасы һәм Сычуань провинциясенең практик хезмәттәшлегенә җәлеп итүдән гыйбарәт. Башта безнең арасында икътисади һәм сәүдә мөнәсәбәтләрне ныгытырга кирәк, бу традиция буенча зур өстенлек бирә”, - дип “Татарстан- Сычуань” Эшлекле форумы ачышы вакытында Сычуань провинциясенең партия комитеты сәркатибы Ван Дунмин әфәнде белдерде.

Аның сүзләре буенча Татарстан һәм Сычуань провинциясендә зур байлыклар бар, алар үз икътисадларын һәм сәнәгатьләрен актив үстерәләр. Алдагы адым өчен без яклар арасында икътисад һәм сәүдәне бөтенләй ныгытырга тиеш дип уйлыйм”, - дип билгеләде.

Форум барышында ТР инвестицион үсеш агентлыгы җитәкчесе Талия Миңнуллина Татарстан Республикасының инвестицион сөйкемлелеге турында сөйләде. “Без сезне Татарстанда сәләмлибез, өстәвенә Россиядә бизнес алып бару буенча иң уңай шартлар тәкъдим итәбез”,  - дип Кытай делегациясе вәкилләренә хөкүмәтнең иң яшь вәкиле мөрәҗәгать итте.

Форум азагында сәүдә-икътисади мөнәсәбәтләрне үстерү, инвестицияләргә һәм фән, мәдәният һәм туризм өлкәсендә аралашуга  игътибар итү нияте белән Татарстан һәм Сычуань провинциясенең югары уку йортлары, министрлыклар һәм төрле компанияләр арасында хезмәттәшлек турында икеяклы документка кул кую узды.

 

“Сычуаньнан «Чжунцзи шенге» компаниясе Татарстанда 10 мең га мәйданы булачак соя һәм кукурузны үстерү буенча яңа сөт хуҗалыклары һәм фермаларны төзәчәк. Авыл хуҗалыгы комплексын булдыруга кертеләчәк акчалар күләме 400 млн. долларга бәяләнә. Бу яхшы старт. Без башка проектлар, шулай ук инфраструктур проектларны да карыйбыз”, - дип форум азагында Талия Миңнуллина уртаклашты.

Безгә социаль челтәрләрдә кушылыгыз, яңалыклар һәм эксклюзив материалларны күзәтеп барыгыз: