Японча ямьлелек
Бүген, 13 мартта, Татарстан Республикасына эш визиты белән Президент Масаши Каней белән башлыгында Iida Sangyo компаниясе вәкилләре килделәр.
Татарстан Республикасының инвестицион үсеш агентлыгы җитәкчесе Талия Миңнуллина Япониядән кунакларына Татарстанның инвестицион потенциалы презентациясен үткәрде, регионның киң мөмкинлекләре белән таныштырды.
Iida Sangyo компаниясе Татарстан Республикасында тиз төзелүче кечкенә катлы йортларны җитештерүен оештыру мөмкинлеген карый.
Татарстан Республикасының инвестицион үсеш агентлыгы тестлы йорт өчен уңайлы җир участогын табу буенча эшне алып бара.
Элек Iida Sangyo чимал әзерләүче Владивосток шәһәрендә булган компанияне алды. Шул йортларны җыю буенча компанияне Татарстан Республикасында урнаштырырга планлаштырыла. Моның өчен Iida Sangyo «Ида Сангё Рус» компаниясен булдырды.
“Iida Sangyo компаниясен нияте җитди. Проект тормышка ашырылса, Iida Sangyo өчен сантехника, электропроводка һәм төрле материаллар җитештерүче компанияләр да республикага килергә һәм үз филиалларын ачырга әзер. Бары тик беренче этапта 300 дән артык эш урыны барлыкка киләчәк. Хәзер без демонстрацион йортны урнаштыру өчен сайлаган җир участогын расларга тиеш. Моннан соң Iida Sangyo Япониядә 100 йортны ясарга һәм Татарстанга китерергә планлаштыра. Демонстрацион йортта компаниянең офисы урнаштырылачак.
Ел буе Япония йортларының Россия климаты һәм базарына җайлашуы өйрәнеләчәк, моннан соң сертификация үтергә һәм җыю җитештерүен төзергә кирәк булачак. Iida Sangyo дан “Ачкыч астында”гы йортлар башка компанияләргә караганда арәанрак булачак, чөнки анда яңа технологияләр һәм материаллар кулланылачак, процессның автоматизацияләве булачак”, - дип Татарстан Республикасының инвестицион үсеш агентлыгы җитәкчесе Талия Миңнуллина уртаклашты.
Искә төшерик, әлеге компания вәкилләре Татарстан Республикасына берничә тапкыр килгән иде инде. Шул визитлар барышында алар регионның уңай географик шартлары – 1000 км радиусында илнең 50% халкы яши – шулай ук урта класс ягыннан яхшы сатып алулар, эшлекле даирәләр һәм хөкүмәт арасында аралашу булуына ышандылар.
Шул сәбәпле әлеге проектны нәкъ Татарстанда үстерергә карар ителде.
Белешмә
Iida Sangyo компаниясенең төп эшчәнлеге – индивидуаль йортларны төзү. Шул эшчәнлекнең бер процессына бөтен этаплар керде – җир участогын сатып алу, проектлау, йорт төзелеше, сату, сатудан соң хезмәт күрсәтү. Төп эшчәнлектән башка компания шулай ук заказ буенча йортларны төзү, торак кредитлау һәм туристик эшчәнлек белән шөгелләнә.
«Иида Сангё» компаниясе «Иида Груп Холдинг»ка керә. Шул холдингга шундый ук эшчәненлеге булган 5 компания һәм агач эшкәртүдә эшләгән «Фёрст вуд» компаниясе керә. Гомумән алганда холдинг Япония базарына һәр елны 40 мең йорт төзи, узган елда Холдингның сатулар күләме 1 трлн. 136 млн. йен тәшкил итте, әзер булган йортларны сатудан операцион керем 84,9 млрд иен һәм 30% базар өлешен тәшкил итте. Iida Sangyo Япониядә тиз төзелүче агач йортлары базарында 30% өлешен ала, көнгә якынча 100 йорт төзи.
«Иида Груп Холдинг»ның чит ил проектлары турында сөйләгәндә, шундый проектлар Россия, АКШ, Индонезия, Филлипины һәм Кытайда тормышка ашырыла дип әйтергә була.
Россиядә 2 проект. Беренчесе: Ерак Көнчыгышта Холдингның бүлендек компаниясе - «Ферст вуд Приморье» эш алып бара. Беренче этапта агач эшкәртү комплексын үстерү планлаштырыла, 2-нче этапта – торак йортларны төзү. Бу проектка инвестицияләр әлеге моментка 30,2 млн. доллар (1,82 млрд. сум) тәшкил итә. Алга таба тагын 52,6 млн. доллар (3,17 млрд. сум) инвестицияләргә планлаштырыла.
Безгә социаль челтәрләрдә кушылыгыз, яңалыклар һәм эксклюзив материалларны күзәтеп барыгыз:
