Депутаталар инвестицион үсеш агентлыгын федераль сораулар буенча сөйләшү мәйданы буларак сайлыйлар

Бүген Татарстан Республикасының инвестицион үсеш агентлыгында Татарстан Республикасыннан РФ Федераль җыелыш Дәүләт Думасы депутатлары һәм Федерация Советы әгъзалары өчен уиҗәшмә узды. Киңәшмә Татарстан Республикасының Дәүләт Советы рәисе Фәрит Мөхәммәтшин рәислеге астында үтте. Киңәшмәне уздыр өчен мәйдан буларак Инвестицион үсеш агентлыгын очраклы гына сайламадылар. Фәрит Мөхәммәтшин билгеләгәнчә, Агентлыкның республиканың уңай инвестицион климатын формалаштыру һәм инвестицияләрне җәлеп итү буенча зур тәҗрибәсесе эшләнде һәм ул үз эффективлыгын күрсәтте. Утырыш алдында  Татарстан Республикасының инвестицион үсеш агентлыгы җитәкчесе Талия Миңнуллина депутатларга Бердәм презентацион үзәкне күрсәтте, инвесторлар өчен мөмкинлекләр һәм алар белән системалы эш турында сөйләде. Кунаклар инновацион презентацияләрнең аңлаештлылыгы һәм яхшы сыйфатын билгеләделәр. “Татарстан өченче тапкыр регионнар арасында инвестицион сөйкемлелек буенча лидер булып тора, - дип Талия Миңнуллина ассызыклады. – Моннан башка, “Россия” каналында “Бизнес агенты” телепрограммасында профессиональ берләшмә Татарстанның эшлекле кунакчыллыгын формалаштыруда беренче позицияләрен раслады”. Сөйләшүнең төп темасы – республикага федераль бюджеттан акча җәлеп итү һәм Татарстанның федераль программаларда катнашу соравына багышланган теманы ачып, Фәрит Мөхәммәтшин республиканың төп социаль-икътисади үсеш күрсәткечләре белән таныштырды. Ул аеруча соңгы биш ай нәтиҗәсендә сәнәгый җитештерүнең 3%ка артуын билгеләде. Төзелеш күләмнәре шул ук дәрәҗәдә калды. Үсеш белән авыл хуҗалыгы продукциясе җитештерү үсә – 101,5%. Социаль президент программалары тулысынча тормышка ашырыла. Республика парламенты башлыгының РФ Дәүләт Думасы депутатлары белән очрашу парламентарияләрнең бердәм эшенең традицион формасы булып тора. Шундый сөйләшү форматын Татарстан Президенты Рөстәм Миңнеханов 2012 елда тәкъдим итте. Дәүләт Думасының профильле комитетлары буенча 16 эшлекле группа барлыкка килде, һәрберсен депутат җитәкли. Эшлекле группалар составына республика министрлыклары һәм идарәләр вәкилләре керә. Аларны барысын да Татарстан Республикасының Дәүләт Советы рәисе Фәрит Мөхәммәтшин җитәкли һәм күзәтеп бара. “Безнең бердәм эшебезнең нәтиҗәләре регион үсешенә, кешеләр тормышының сыйфатын яхшыруга туры тәэсир итә. Шуңа күрә бюджет чыгымнарын оптимизацияләү шартларында билгеле юнәлешләр буенча алган темпны киметмәскә чакырам. Безнең бурыч – лидерлар арасында калу”, - дип Фәрит Мөхәммәтшин хезмәттәшләренә әйтте.