Татарстан «ИННОПРОМ 2017» зур сәнәгый күргәзмәсендә

2017 елның 8 июле, шимбә
2017 елның 10-12 июлендә Екатеринбургта «ИННОПРОМ 2017» 8-нче Универсаль сәнәгый күргәзмәсе узачак, анда һәр елны 500 дән артык Россия һәм чит ил компаниясе катнаша. Татарстан Россиядә икътисадта, сәнәгатьтә, спортта лидер регион буларак Инвестицион үсеш агентлыгы әзерләгән экспозициясен тәкъдим итәчәк. Чарада РФ Президенты Владимир Путин һәм Татарстан Президенты Рөстәм Миңнеханов катнашуы планлаштырыла. 2017 елда «ИННОПРОМ» төп темасы – “Акыллы җитештерү: Глобаль караш”. Күргәзмәнең партнер иле – Япония. Япония тышкы сәүдә үсеше буенча оешма 4 мең кв.м. мәйданы булган Япония павильонын оештыра, анда 168 Япония компаниясе һәм эшлекле берләшмәсе катнашачак. ИННОПРОМ кысаларында иң мөһим тематикалар нигезендә махсуслаштырылган күргәзмәләр оештырылачак: машина төзелеше, энергия эффективлыгы, шәһәрләр өчен технологияләр, оптика, лазерлар һәм индустриаль автоматизация. Катнашучылар арасында Россия компанияләре, танылган чит ил брендлары булачак. 2016 елда күргәзмәдә һәм форумда 635 компания катнашты, аларның өчтән икесе – чит илләрнеке. 2017 елдагы күргәзмә катнашучылары арасында зур халыкара сәнәгый компанияләр - FANUC Robotics, Госкорпорация «Ростех», Yamazaki Mazak, Volvo Trucks, SAP, Siemens, Холдинг «Швабе», АО «Российский экспортный центр», АО «Концерн ВКО «Алмаз-Антей», РМК, Стан, Касперский   һәм башкалар.  «ИННОПРОМ»да Татарстан экспозициясе сәнәгать өлкәләренең, инфраструктурасы һәм инвестицион мөмкинлекләренең мультимедия каталогы рәвешендә булачак. Стендта республика казанышлары күрсәтеләчәк. Экспозициядә катнашучылар Татарстанның күренекле урыннары белән селфи ясый һәм “Инвесторлар йөгереше” интерактив уенында катнаша алалар. “Без күргәзмәдә «Invest in Tatarstan» һәм «Made in Tatarstan» брендларын күрсәтәчәкбез. Республика стендында кечерәйтелгән Элерон-3СВ  һәм «Воздушная мишень Е95М»,  пилотсыз самолет моделе, 500 кВ + кабеленең макеты, Татарстанда җитештерелгән Pozis суыткычы, титаннан эшләнәгән хирургия инструментлары һәм башка кызыклы әйберләр булачак. Чарада регионның министрлыклар һәм вәкиллекләр, «Камаз», «Татнефть», «ПОЗиС» «ICL - КПО ВС», «Центр цифровых технологий» вәкилләре катнашачак”, - дип Татарстанның инвестицион үсеш агентлыгы җитәкчесе Талия Миңнуллина билгеләде. Программаның эшлекле өлешендә Россия, Америка, Европа Азия илләре экспертлары чыгыш ясачак. Беренче тапкыр ИННОПРОМда компанияләр үзенең сәнәгый роботларын күрсәтәчәк, ә спикерлар дөньяда кулланылган яңа технологияләр һәм тенденцияләр турында сөйләчәк. 4 көн эчендә регионда 45 партнер катнашуы белән 150дән артык чара узачак. ИННОПРОМ  Халыкара сәнәгый күргәзмәсе 2010 елдан башлап һәр елны Екатеринбургта уза. 2012 елда Россия хөкүмәте аңа федераль статусын бирде.

2017 елда Татарстанга ИННОПРОМда актив эшләргә туры киләчәк, стендта сөйләшү бүлмәсенең тәртибе һәм очрашулар графикы бик мул.

БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International