Блокчейн: Россиянең яңа нефте

Татарстан Республикасының инвестицион үсеш агентлыгы инициативасы ярдәмендә Татарстан Республикасының IT башкаласында беренче тапкыр “Блокчейн: Россиянең яңа нефте” Бөтенроссия конференциясе узачак. Чарада югары технологияле компанияләрнең лидерлары һәм топ-менеджерлары, дәүләт хакимият органнары вәкилләре һәм башкалар катнашачак, алар дөньяда блокчейн технологияләрнең актуаль каршылыклар, әлеге юнәлештә бизнес сценарияләрнең үсеш вариантлары турында сөйләшәчәк, төп тенденцияләр һәм перспективаларны билгеләчәкләр. Татарстан Республикасы күп еллар дәвамында Россия Федерациясенең икътисади үсеш алган субъект статусын тота, ул эшлекле кунакчыллык дәрәҗәсе буенча, Инвестицион климат хәле Милли рейтингында һәм инновацион үсеш дәрәҗәсе буенча беренче урында тора. Бүген Стратегия 2030 кысаларында Татарстанның приоритетлы үсеш юнәлешләре санына IT-технологияләр керә. Регион бөтен заманча мәгълүмати сервисларны куллана. Блокчейн-конференция икътисадны тизләтү, дәүләт хезмәте механизмнарын җиңеләйтү, ресурсларны куллану эффектиалыгы, финанс системаларның тизлеген һәм ачыклыгын арттыру өчен стимул булачак. Дөньяда зур үзгәрешләр бара. Күп вакытта өлкәләр реструктуризациясе блокчейн ярдәмендә уза – глобаль масштабта финанс һәм икътисади системага тәэсир итүче яңа технологияләр. Хәзерге моментка Татарстан Президенты Рөстәм Миңнеханов карары буенча дәүләт идарәсендә блокчейн технологияләрен куллану буенча проектлар уйлап табыла. Блокчейн потенциалы идарәара документлар әйләнеше, финанс секторы, сәламәтлек саклау, ЗАГС җир кадастры республика системасында кулланырга планлаштырыла. Чараның төп фигурасы – танылган Виталик Бутерин  - Fortune журналы буенча 2016 Ел шәхесе, Ethereum проектына нигез салучы, 2014 елда әлеге идея World Technology Award премиясен алды. Ул блокчейн үсеше турында сөйләчәк, катнашучыларның сорауларына җавап бирәчәк. Шулай ук чараның экспертлар берләшмәсенә РФ Элемтә һәм массакүләм коммуникацияләр министры Николай Никифоров, Ethereum  Күргәзмә советы әгъзасы Владислав Мартынов керәчәк. Конференциядә Хакатон узачак – блокчейн технологияләре нигезендә проектлар стартапы конкурсы. Иң яхшы проектны Виталик Бутерин сайлачак, ә аның уйлап табучыларына 5000 доллар бүләк биреләчәк. Блокчейн дөнья практикасына ничек керә? Зур компанияләр блокчейн технологияләрен ничек куллана? Блокчейн чыгымнарны ничек кыскарта ала? Төрле өлкәләрдә эшләүче компанияләр өчен бизнес-модельләр ничек үзгәрәчәк? “Блокчейн: Россиянең яңа нефте” Бөтенроссия конференциясе кысаларында катнашучылар шул сорауларга җавап бирергә тырышачаклар. “Җәмгыять яңа икътисад реальлеген ачу алдында тора. Төп сорау – финанс институтлар технологик компанияләргә әйләнергә әзерме? Без киләчәктә кызыксынганнарны көтәбез”, - дип Татарстан Республикасының инвестицион үсеш агентлыгы җитәкчесе Талия Миңнуллина чакыра. Чара «Иннополис»  МИЗ технопаркында 2017 елның 28-30 августында узачак. Регистрация  investtatarstan.timepad.ru