Талия Миңнуллина: «Икътисад һәркайсыбыздан тора»
Татарстан Республикасының инвестицион үсеш агентлыгы җитәкчесе, республиканың машина төзелеше кластерының Күзәтчелек советы рәисе Талия Миңнуллина кластерның Күзәтчелек советы һәм предприятиеләрнең еллык гомуми җыелышында чыгыш ясады.
Яр Чаллы шәһәрендәге «ИТ-парк» югары технологияләр өлкәсендә технопаркта узган чара кысаларында 2019 ел нәтиҗәләре, агымдагы елга планнар турында фикер алышынды, идарә составының алдагы 5 елга яңадан сайлану мәсьәләсе каралды, шулай ук Машина төзелеше кластеры әгъзаларына яңа предприятиеләрне кабул итү өчен тавыш бирү булды.
Җыелышта Россиянең 8 субъектыннан вәкилләр катнашты.
Талия Миңнуллина докладны җылы сүзләр белән башлады.
«Безнең сәнәгать предприятиеләренә, беренче чиратта, Машкластерга, предприятие җитәкчеләренә генә түгел, ә хезмәт көнен производствода башлап җибәргән һәм тәмамлаган һәр хезмәткәребезгә рәхмәт белдерәм, чөнки нәкъ менә республиканың сәнәгать предприятиеләрендә безнең икътисад төзелә, һәм без халыкның тормыш сыйфатын күтәрү өчен социаль программаларны гамәлгә ашыра алабыз», – дип билгеләп үтте ул.
«Республиканың сәнәгать үсеше ягыннан да елы начар түгел, ә гади генә түгел. 2019 ел нәтиҗәләре буенча машина төзелеше җитештерүенең гомуми күләме 19,1% тәшкил итә. Бер ел эчендә төяп җибәрүнең гомуми күләме 549,9 млрд. сум тәшкил итте. Тармакның сәнәгать җитештерүе индексы 99,5 процент дәрәҗәсендә билгеләнә. Безгә эшләргә кирәк. Без моның нәрсә белән бәйле булуын аңлыйбыз: бу гомуми икътисади вәзгыять тә, Россия дәрәҗәсендә сәүдә чикләүләре дә, башка бик күп нәрсәләр», – дип Талия Миңнуллина белдерде.
Машина төзелеше кластеры 15 комитеттан тора. Талия Илгиз кызы аларның кайберләрен аерым билгеләп үтте.
«Мин үземне яхшы күрсәткән комитетлар эшенә басым ясарга теләр идем. Евразия технологик платформасы комитетын аерып бирә алабыз. Алар быел бик яхшы эшләделәр. Агымдагы елда темпны киметмәс дип өметләнәбез. Шулай ук субконтрактацияне үстерү комитеты һәм матди булмаган активларны үстерү комитеты эшен дә билгеләп үтәсе килә. Алар аеруча актив һәм нәтиҗәле булды», - диде ул.
«Мин Татарстанның инвестицион үсеш агентлыгын җитәкләгәнгә күрә, 2019 елда төп капиталга инвестицияләр 640 млрд. сум тәшкил итте, дип белдерәсем килә. 2019 елда безнең федераль мәйданчыкларга 69 яңа резидент килде, аларның 2се-Машкластер әгъзасы: «Питон Кама» – «Түбән Кама» УКСИҮТ резиденты статусы, «Бонус Кама» – «Менделеевск» ТОСЭР. Без аларга уңышлар телибез. Быел бу предприятиеләрнең ачылуын көтәбез. Шулай ук 2020 елда инде инвестицион килешүгә кул куелды, һәм хәзер «Менделеевск» УКСИҮТ кластер әгъзалары булган ике компания – «Татинструмент» һәм «Камхиммаш» керә», - дип сөйләде Талия Миңнуллина һәм Машкластер идарәсе рәисе Сергей Майоровка уртак эше өчен рәхмәт белдерде.
Сергей Васильевич кластерның башкарылган эше турында хисап тотты. Аның әгъзалары белән бер елга бурычлар каралды. Ачык тавыш бирү юлы белән 2020 елда ике яңа комитет төзү турында тәкъдим кабул ителде: инструментлар җитештерү һәм нефть химиясе машина төзелеше буенча.
Тулаем алганда, 2020 елга планнар, Талия Миңнуллина сүзләренчә, республика өчен әһәмиятле чаралар: ТАССР, Бөек Ватан сугышында Җиңүнең 75 еллыгы кебек чаралар үткәрү белән дә бәйле.
«Бу ел безнең кластер өчен юбилей елы, аңа 5 ел тула. Әйдәгез, аны лаеклы уздырыйк, киләсе җыелышта без башкалардан да яхшырак булсын өчен, комитетлар сайлый алабыз. Шулай эшләргә кирәк. Һәм мин ышанам ки, бу уртак күрсәткечләрдә, шул исәптән безнең республика икътисады үсешендә дә чагылыш табачак, чөнки икътисад һәрберебездән тора», – дип Талия Илгиз кызы йомгак ясады.
Җыелыш эшлекле мөнәсәбәтләрне ныгыту һәм партнерлык челтәрләрен киңәйтү өчен В2В форматында сөйләшүләр белән тәмамланды.