Кадрлар потенциалын арттыру – Агентлыкның озак сроклы үсешенә иң яхшы инвестиция
Татарстан Республикасының инвестицион үсеш агентлыгының төп ресурсы булып, аның кыйммәтле тәҗрибәсе, белемнәре һәм күнекмәләре булган белгечләре тора. Компетенцияләрне үстерү, эшнең нәтиҗәлелеген арттыру өчен Агентлык берничә чара – өйрәтү тренинглары, семинарлар һәм эшлекле уеннар үткәрүне башлап җибәрә.
«Агентлыкта эш күп профильле, күп бурычлар һәм тармакара функциональлек белән характерлана. Күп кенә өлкәләрне ачыкларга кирәклекне хезмәткәрләрнең өзлексез укытуын оештыру бурычын билгели, бу аларның тиз һөнәри үсешенә ярдәм итә. Кадрлар потенциалын саклау һәм арттыру өчен без даими рәвештә Агентлыкның корпоратив культурасын үстерәбез, эчке укыту тренингларын оештырабыз», – дип Татарстан Республикасының инвестицион үсеш агентлыгы җитәкчесе Талия Миңнуллина билгеләде.
Мондый корпоратив тренинглар Агентлыкта һәр җомгада 17:00 сәгатьтә эш көне тәмамланганнан соң үткәрелә һәм Агентлыкның корпоратив культурасының аерылгысыз традициясенә әверелде.
Тренингларны Агентлык хезмәткәрләре үзләре үткәрә. Ведомствоның барлык бүлекләре белгечләре гамәлдәге эш процессларын трансформацияләү һәм эш продуктивлылыгын арттыру өчен төрле күнекмәләр һәм белемнәр алуга юнәлдерелгән темаларны әзерләүдә һәм тикшерүдә актив катнашалар.
ТР ИҮА җитәкчесенең беренче урынбасары Инсаф Галиев бурычларны төгәл куюга ярдәм итүче, шулай ук коммуникатив һәм идарә сыйфатларын, стресска чыдамлык һәм компромисска ирешә белүче эшлекле уен рәвешендә тренинг үткәрде. Укуның уен моделе уңай фикерләр тапты һәм агентлык хезмәткәрләрендә зур кызыксыну уятты. Алар билгеләп үткәнчә, мондый укыту методы команданың шәхси үсешенә һәм компетентлык дәрәҗәсен күтәрүгә рухландыра.
Татарстан Республикасының инвестицион үсеш агентлыгы җитәкчесе урынбасары Марина Епифанцева җомга корпоратив чараларының традициясен дәвам итте: Агентлык эшчәнлегенең төп күрсәткечләренә ирешү өчен ничек эшләргә кирәклеге турында фикер алышынды.
ТР ИҮА җитәкчесе урынбасары Игорь Сапунов үзенең тренингында эшлекле уенның имитацион моделен кулланды. Катнашучыларга Татарстан Республикасының Инвестицион советы утырышын яңадан карау тәкъдим ителде. Уен барышында командалар үзләренең инвестицион проектларын булдырдылар һәм аларны совет каравына тәкъдим иттеләр, ул, үз чиратында, барлык аргументларны тыңлап, теге яки бу проектны кабул итү турында Карар игълан итте. Мондый укыту форматы лидерлык һәм ораторлык күнекмәләрен, нәтиҗәле үзпрезентация күнекмәләрен камилләштереп кенә калмыйча, эшчәнлеге Татарстан Республикасы икътисадына инвестицияләр җәлеп итүгә юнәлдерелгән киңәшмә органының эш механизмнарын өйрәнергә һәм аңларга ярдәм итте.
Бүген эш процессын ИТ-технологияләрне кертмичә күз алдына да китереп булмый. Агентлык белгечләре үз эшләрендә заманча компьютер программаларын кулланалар. Документация белән югары нәтиҗәле һәм оператив эш алып бару, эчке эш процессларын оптимальләштерү максатларында инвестицион проектларны алып бару һәм ярдәм итү бүлеге башлыгы Тимур Вәлиәхмәтов инвесторлар белән эшне цифрлаштыру буенча укулар үткәрде.
Киләсе корпоратив тренинг хезмәткәрләр арасында экологик аңлылыкны арттыруга һәм экологик культураны үстерүгә багышланган иде. Тотрыклы үсеш максатларын үтәү кысаларында Агентлык әйләнә-тирә мохитне саклауга юнәлтелгән һәм республикадагы экологик хәлне яхшыртуга ярдәм итүче инвесторлар белән эш алып бара. Шуңа күрә бу өлкәдә хезмәткәрләрне агарту һәм аларның экологик җаваплылыгын көчәйтү – Агентлыкның корпоратив культурасының мөһим аспекты. Ведомствога караган оешма – «Халыкара программалар дирекциясе» коммерцияле булмаган автоном оешмасы программа директоры Екатерина Камалова әйләнә-тирә мохитне саклау өчен һәрберебез эшли ала, дип сөйләде.
«Корпоратив тренинглар – корпоратив рухны ныгыту гына түгел, ә инвестицион эшчәнлек өлкәсендә актуаль тенденцияләр буенча фикер алышу да. Агентлык хезмәткәрләре үткәрә торган укыту лекцияләре һәм семинарлары халык алдында чыгыш ясау күнекмәләрен өйрәнүгә ярдәм итә, шулай ук Агентлыкның төрле бүлекләре белгечләре арасында фикер алышу мөмкинлеге бирә», – дип Талия Миңнуллина ассызыклады.
Эчке белем бирү чаралары графигы 2020 ел ахырына кадәр расланган.