Хәзер бушлай юридик ярдәмне РФ Юстиция министрлыгының дәүләт электрон сервисы аша алырга мөмкин
Татарстан Республикасы хокукый мәгърифәт һәм бушлай юридик ярдәм бердәм дәүләт порталының региональ сегменты пилоты итеп билгеләнде. Проект Россия Федерациясе Юстиция министрлыгы тарафыннан гамәлгә ашырыла. 2022 елның 20 декабрендә портал Татарстан Республикасында пилот режимында эшли башлады.
Портал аша гражданнар бушлай юридик ярдәм алуга языла, хокукый документлар һәм яңалыклар белән таныша ала, соңыннан электрон рәвештә хокукый ярдәм ала ала. Портал бушлай юридик ярдәм алуның оперативлыгын, ачыклыгын, сыйфатын һәм уңайлылыгын тәэмин итәчәк.
Порталда нәрсә мөмкин?
- телефон аша юрист консультациясен алу
- язма җавап алу өчен квалификацияле юристларга язма сорау җибәрү
- Татарстан Республикасы дәүләт юридик бюросына көндезге кабул итүгә язылу
- иң кирәкле тормыш ситуацияләре буенча актуаль хокукый мәгълүмат алу.
Порталдан теләсә кайсы граждан бушлай юридик ярдәм һәм актуаль хокукый мәгълүмат алу өчен файдалана алачак. Моның өчен түбәндәгеләрне үтәргә кирәк:
1. Порталның шәхси кабинетында дәүләт хезмәтләре аша авторизацияләнергә (gosuslugi.ru).
2. «Юридик ярдәм алуга мөрәҗәгать итү» бүлеген сайлагыз һәм «Мөрәҗәгать итү»гә басыгыз.
3. Алга таба шәхси мәгълүматны сезнең ситуациягезгә карап тутырыгыз.
4. Бушлай юридик ярдәм алу хокукына ия булган ташламалы категорияне сайларга.
5. Мөрәҗәгатьнең эчтәлеген, юридик ярдәмнең төрен, сезнең белән аралашуның кирәкле форматын күрсәтегез һәм кабул итүгә язылыгыз