Балык Бистәсе муниципаль районы белән "инвестицион сәгать"
Татарстан Республикасының Балык Бистәсе муниципаль районы Татарстан Республикасы Рәисе Рөстәм Миңнеханов җитәкчелегендәге республика киңәшмәсе кысаларында тотрыклы социаль-икътисадый үсешне тәэмин итү чараларын гамәлгә ашыру турында хәбәр итте.
Мондый киңәшмәләр атна саен республика Хөкүмәте йортында уза. Шәһәр мэры докладында район эшчәнлегенең төп күрсәткечләре, тармакларның үсеше, эшмәкәрлекнең торышы, хезмәт хаклары һәм эшсезлек дәрәҗәсе, социаль инфраструктура һәм торак төзелеше темплары, мәгариф, төрле өлкәләрдәге казанышлар карала.
Балык Бистәсе муниципаль районы башлыгы Радик Ислямов хәбәр иткәнчә, тулаем район буенча төп капиталга инвестицияләр 116,7 % үсеш темпы белән 2 миллиард сум чамасы булыр дип көтелә.
«Григорьев» КФХ 30 млн сумлык грант акчасына, 95 млн сум инвестицияләр җәлеп итеп, «Lely» фирмасының саву роботларын кулланып, 150 баш сыерга исәпләнгән терлекчелек биналары төзеп бетергән. Агымдагы елның гыйнварында югары продуктив токымлы 61 башлы буаз тана кайтарылган. Хәзер хуҗалыкта бер сыердан 33 литр сөт савыла. Бүгенге көнгә өстәмә рәвештә 28 баш тана сатып алынган. Сентябрьдә тагын 30 баш югары продуктлы тана токымы көтелә.
«НЕО ТРАНС» компаниясе район территориясендә М7-Идел трассасы янында юл буендагы базаны сатып алган. Игълан ителгән инвестицияләр күләме (1 этап) 500 млн сум тәшкил итә. 250 эш урыны булдыру планлаштырыла. Бүгенге көндә 5 эш урыны булдырылган һәм «КАМАЗ» йөк автомобильләре сатыла башлаган инде.
2025 елда компания йөк автомобильләренә хезмәт күрсәтү өчен эре юл буе үзәген эшләтеп җибәрергә планлаштыра.
Балык Бистәсе сөт комбинаты сөт эшкәртү буенча инвестиция проектын гамәлгә ашыруны дәвам итә. Яңа җитештерү бинасы өчен фундамент эшләре төгәлләнде. Инженер-коммуналь челтәрләрне төзекләндерү бара.
Агымдагы елда инвестор белән «Балык Бистәсе» ял базасын төзү буенча сөйләшүләр башланды. Проектның максаты - актив ял итү өчен барлык кирәкле шартларны тудыру, балык тоту җайланмаларын урнаштыру өчен урыннар, ял итү зоналары һәм балык аутлеты булдыру. Инвесторга җир участогы сайланган. Инвестиция проекты әлеге туристлык базасында Бөтенроссия балык тоту-спорт чараларын уздыру хисабына районның җәлеп итүчәнлеген арттырачак.
Проект буенча инвестицияләр күләме 300 млн сум тәшкил итә, 40 эш урыны булдыру планлаштырыла.