Кытай белән эш. Соңгы яңалыклар.
«Минем Казанда язмышым бик яхшы, чөнки шундый зур Кытай милли бәйрәмендә очраштык!»
Татарстан Республикасының инвестицион үсеш агентлыгына Шэньси провинциясеннән нефть эшкәртү өлкәсендә эшләү өчен җайланмалар җитештерү белән шөгыльләнүче компания делегациясе бизнес-миссия белән килде. Башта кунаклар ТР ИҮА Бердәм презентация үзәгендә булдылар, аннары Агентлык җитәкчесе Талия Миңнуллина белән очраштылар.
Ул делегацияне сәламләде һәм Кытайның төп дәүләт бәйрәме – Кытай Халык Республикасы оешу көне белән котлады.
Компания рәисе Ван Ихонг әфәнде делегациянең Татарстанга килүенең төп максатларын билгеләде:
1) регион белән якынрак танышырга;
2) хезмәттәшлек өчен уртак нокталарны табарга;
3) продукцияне Татарстанда сатарга.
Шулай ук ул ТР ИҮА хезмәткәрләренә производствоның потенциалын һәм казанышларын тәкъдир итте, рус телендә таныштыру ролигын күрсәтте.
"Бу безнең өчен бик кызыклы һәм файдалы ролик булды, чөнки, беренчедән, ул рус телендә иде. Без сезнең Россиядә әзерләнгән материалның сыйфатын исәпкә алып эшләргә теләвегезне аңладык. Миңа сезнең компаниянең инновацияләргә, фәнгә һәм нәкъ менә эшләнмәләргә зур игътибар бирүе бик ошады. Бу Татарстанга бик якын, без дә фән белән бик күп эшлибез. Өченчедән, сезнең түбән углеродлы эшчәнлек белән шөгыльләнүегез миңа бик ошады. Аның белән нефть компанияләре дә бүген шөгелләнә. Роликта шулай ук сез дөньяның утыз иленә сату өчен эшлисез дип әйтелгән иде – бу шулай ук җиһазларның конкурентлыкка сәләтлелегенең бик яхшы күрсәткече», – дип уртаклашты видеоматериал тәэсирләре белән Талия Миңнуллина.
Ул билгеләп үткәнчә, җитештерүне локальләштерү турында сөйләшүләр башлаганчы Россиядә сәнәгать продукциясен сату базарын аңларга кирәк: «Әгәр без үзебезнең нефть компанияләре өчен сезнең җиһазларны тәкъдир итә алсак, бик яхшы булачак. Әгәр гомуми фәнни эшләнмәләр яки кадрлар әзерләү өлешендә нинди дә булса хезмәттәшлек килеп чыкса, безнең өчен дә бу бик кыйммәтле булыр иде».
Җавап итеп Ван Ихонг әфәнде билгеләп үткәнчә, компания Россиянең берничә төбәге белән килешүләр төзегән инде. Шулай ук компания стендын тәкъдим итәргә һәм «РОСТКИ: Россия-Кытай - үзара файдалы хезмәттәшлек» бизнес-форумында республика сәнәгать министрлыгы һәм аның аша Татнефть белән хезмәттәшлек турында меморандум төзергә, шулай ук Казан федераль университеты белән уртак фәнни үзәк төзергә ниятләвен белдерде.
«Минем Казанда язмышым бик яхшы, чөнки шундый зур Кытай милли бәйрәмендә очраштык!» - очрашу ахырында сәнәгать компаниясе рәисе йомгак ясады.
ТР Инвестицион үсеш агентлыгында танышу визиты белән Цзянси провинциясенең Кытай Халык сәяси консультатив советы рәисе урынбасары Гу Цин әфәнде җитәкчелегендәге Цзянси провинциясе делегациясе булды.
ТР ИҮА җитәкчесе Талия Миңнуллина белән очрашу барышында делегация әгъзалары Татарстанның кунакчыллыгы һәм кунакларга карата мәрхәмәтлелеге төбәк белән хезмәттәшлекне ныгыту һәм аңа инвестицияләр кертү теләген уята, дип уртаклаштылар.
"Сезнең презентациядән соң без Кытай-Россия мөнәсәбәтләрен ныгыту өлкәсендә "РОСТКИ" форумының уңышына ышанабыз!"- Гу Цин.
Шул ук көнне, 24 сентябрьдә, Татарстан Республикасының инвестицион үсеш агентлыгы җитәкчесе Талия Миңнуллина Татарстан Рәисе белән Кытай Халык Республикасының Россия Федерациясендәге Гадәттән тыш һәм Тулы вәкаләтле Илчесе Чжан Ханьхуэй әфәнде очрашуында катнашты.
Исегезгә төшерәбез, Кытай Халык Республикасының Россия Федерациясендәге Гадәттән тыш һәм Тулы вәкаләтле Илчесе Чжан Ханьхуэй җитәкчелегендәге делегациясе Казанга эш визиты белән килде (2024 елның 25-25 сентябре).
Яклар эшлекле контактларның гамәлдәгеләрен ныгыту һәм яңаларын киңәйтү, үзара файдалы хезмәттәшлек, үзара исәп-хисап һәм логистика мәсьәләләре, БРИКС саммитына һәм «РОСТКИ» бизнес-форумына әзерлек кебек мәсьәләләр буенча фикер алыштылар. Татарстан Рәисе илчене агымдагы елда форумда катнашырга чакырды. Шулай ук уртак проектларны гамәлгә ашыру турында да фикер алыштылар.