Бердәм бюджет белән генә түгел – дәүләт-хосусый партнерлык буенча семинар

Бүген “Корстон”да Татарстан Республикасының инвестицион үсеш агентлыгы “Дәүләт-хосусый партнерлык һәм концессион килешүләр турында федераль кануннарны куллануның региональ аспектлары” семинарын оештырды. Семинар дәүләт-хосусый партнерлык (ДХП) өлкәсендә федераль канунчыллык яңалыкларын кертү процессын җиңеләйтү максаты белән үткәрелә. Билгеле булганча, 2016 елның 1 гыйнвареннән 2015 елның 13 июленнән № 224-ФЗ “Россия Федерациясендә дәүләт-хосусый партнерлык, муниципаль-хосусый партнерлык һәм Россия Федерациясенең кайбер канун актларына үзгәрешләрне кертү турында” Федераль кануны эшли башлый. Семинарда Татарстан Республикасының 70 оешмасы һәм идарәлекләреннән 150 дән артык кеше катнашты, алар арасында муниципаль районнар һәм шәһәр округлары, инвестицион һәм коммуналь инфраструктура оешмалары, шулай ук 18 республика министрлыгы, идарәлек һәм  федераль хакимият органнарының территориаль идарәләре вәкилләре булдылар. Семинарны ачкан Агентлык җитәкчесе Талия Миңнуллина сүзләре буенча, “бүген бюджет ресурсларының чикле булу шартларында дәүләт һәм муниципалитетларның еш кына бары тик бюджет акчалары аша инфраструктура үсеше процессларын финанслау мөмкинлеге юк. Әлеге мәсьәләнең иң эффектив чишелеше төзелеш, яңарту һәм дәүләт һәм муниципаль инфраструктура объектлары белән идарә итүгә хосусый инвестицияләрне җәлеп итү булып тора. Монда дәүләткә хосусый капиталга максималь ярдәм күрсәтергә һәм проектның бөтен якларының йөкләмәләрен булдыру гарантиясе кирәк. Шуннан дәүләт-хосусый партнерлыкның төп принцибы гыйбарәт”. Семинар барышында Татарстанда ДХП механизмнарын актив куллану билгеләнде, моны федераль эксперт бәяләре раслый. Мәсәлән, 2013 һәм 2014 ел нәтиҗәләре буенча республика “ДХП үсеш үзәге” Ассоциациясе (Мәскәү) барлыкка китергән ДХП үсеше буенча Россия регионнары рейтингында икенче урын алды. Рейтингны ясаучылар билгеләгәнчә, Татарстанның иң югары инвестицион җәлеп итүчәнлеге бар, аның региональ ДХП проектларын тормышка ашыру һәм үсеш алган институциональ тирәлеге буенча зур тәҗрибәсе бар. Лектор рәвешендә ДХП турында Федераль канунын уйлап табучыларның берсе - «Качкин и партнеры» юридик компаниясенең идарә итүче партнеры, ДХП һәм инфраструктур проектларын алып бару өлкәсендә сертификат алган эксперт Денис Качкин чыгыш ясады. Эксперт лекция барышында Россия Федерациясендә ДХП үсеше мәсьәләләрен яктыртты, концессион килешүләр һәм ДХП турында федераль кануннар буенча регулирлаштыруны детальле чагыштыруын үткәрде, ДХП өлкәсендә региональ канунчыллыкны алдагы яхшырту проблемаларын билгеләде, ДХП проектының уңышлы башлап җибәрүен оештыру шартлары турында сөйләде. Моннан башка интерактив сөйләшү режимында семинарда катнашучылар белән чит илләрдә һәм Россия регионнарындаа соңгы елларда тормышка ашырылган ДХПның аерым проектлары мисаллары каралды. Йомгак өлешендә ТКХ, төзелеш, сәламәтлек саклау һәм башка өлкәләрдә ДХПны куллану буенча сорау-җавап сессиясе узды.