ТР Инвестицион совет Президиумы: “инвестицион инициативалар өчен “керү ноктасы”

2012 елда РФ Стратегик инициативалар агентлыгының стандартын булдыру өчен Татарстан Президенты Рөстәм Миңнеханов рәислеге астында ТР Инвестицион советы барлыкка килде. Совет составына 52 кеше керде. Оешманың барлыкка килү моментыннан дүрт утырыш узды – совет һәр ел җыелды. Бу вакытта инвесторларда күп сораулар җыелды. Аларны күбесенең ТР Инвестицион үсеш агентлыгы чишә, башкалары исә Татарстан җитәкчелегенең каравын таләп итә. Нәкъ шул мәсьәләләрне карау өчен Инвестицион совет эшен активлаштыру кирәклеге ачылды. Ә башкарма органы мобиль булсын өчен Совет президиумы булдырылды, аның составына 12 кеше керә һәм Рөстәм Миңнеханов катнашуы белән һәр ай җыелачак. Президиум компетентлыгына Татарстанда инвестицион эшчәнлекне яхшырту буенча конкрет тәкъдимнәр, инвесторларга ярдәм итү өлкәсендә мөмкин булган хокук инициативалары, зур инвесторларның урынлы мәсьәләләрне чишүен карау белән бәйләнгән функцияләр керде. Президиумның беренче утырышы 2015 елның 24 декабрендә узачак. Анда инвестицион проектларны тормышка ашыру кысаларында объектларны төзү, аерым муниципаль сәнәгый мәйданнар эше, инвесторлар белән эш итү эффективлыгы буенча Татарстан башкарма хакимият органнарын рейтинглау буенча ТР инвестицион үсеш агентлыгының тәкъдимнәре каралачак. Шулай ук президиум әгъзаларына югары дәрәҗәдә эшләнгән яңа инвестицион проектлар тәкъдим ителәчәк. “Мин бик шат – президиум һәм Инвестицион совет эше инвестицион эшчәнлек өлкәсендә сәяси чишелешләрне уйлап табуда эффектив инструмент, ТР Инвесторлар клубы әгъзаларының ярдәмчесе, инвестицион инициативалар өчен “керү ноктасы” булачак дип көтелә”, - дип ТР Инвестицион үсеш агентлыгы җитәкчесе Талия Миңнуллина саный.