Давос-2016 дүртенче революцияне игълан итте

Форумда нинди вакыт эчендә кояш батареяларында туктаусыз очу мөмкинлеге, Евразия буенча Ефәк юлында кем барачак һәм ИТ-технологияләр җитештерүне ничек арзанайтачаклар темалар буенча фикер алышачаклар. 19 гыйнварда Давоста 46-нчы Бөтендөнья икътисади форумы (БИФ) ачылды. Анда катнашу өчен 2,5 мең югары дәрәҗәдәге лидер килде, алар арасында 40 ил һәм хөкүмәт башлыклары, якынча 1000 күпмилли компанияләр җитәкчеләре Швейцария шәһәренә килделәр. Татарстаннан Россия делегациясе составында ТР Президенты Рөстәм Миңнеханов катнаша. Бүген ул кояш батареясында туктаусыз очу вакыты буенча рекорд куйган тикшеренүләргә багышланган “Дөнья тирәли ягулыксыз һәм куркусыз” сессиясендә катнашты. Республика башлыгы, шулай ук, “Файдалы казылмалар өчен яңа чор” сессиясендә булды, анда чималга буйсынган икътисадларда дөнья икътисади хәлнең бизнеска тәэсир итү тикшеренүе каралды. Иң зур дөнья икътисади форумнарның берсе бу елда 22 гыйнварга кадәр дәвам итәчәк. Форум кысаларында барлык 300 сессия узачак. Бу елда төп тема Дүртенче сәнәгый революция, яисә, икенче төрле әйткәндә, "Индустрия 4.0" булачак. Сүз сәнәгатьнең алга таба нинди юнәлешләр буенча үсәчәге турында барачак. "Индустрия 4.0"дә бер элемтәгә станоклар гына түгел, әмма конвейерлар һәм хәтта заводлар берләшә. Форум, шулай ук, хәзер бөтен илләрдә көчәйгән климат үзгәрешләре һәм мигрантлар белән проблемаларны карачак. Давоста Россия делегациясен вице-премьер, Ерак Көнчыгышта президентның вәкаләтле вәкиле Юрий Трутнев җитәкли. Делегация башлыгын сайлаудан үк Россиянең Ерак Көнчыгышка һәм безнең ил икътисадының Азия-Тын океан регионы илләренең икътисадлары белән интеграцияләүгә багышланган төп тема булачагы күренә. Форумда “Россия өчен прогноз” аерым секциясе бар, анда Юрий Трутнев, элек финанслар министры булган Алексей Кудрин, Внешэкономбанк башлыгы Владимир Дмитриев чыгыш ясачаклар. Россия өчен кызык булган форум темалары арасында “Евразия һәм бүгенге Ефәк юлы” секциясен билгеләргә мөмкин. Ефәк юлын үстерү проекты Россия һәм Кытай өчен генә түгел, әмма глобаль икътисадка кергән башка илләр өчен дә мөһим, чөнки ул дөньяның 55% ТЭП җитештерүче өлкәне үз эченә ала һәм якынча 75% тикшерелгән энергия запасларын ала. Бу сессия ватан бизнесы өчен аерым кызыксыну тудыра. Кризислы вакытлар булуга карамастан, Россиядә күп яхшылык ясала, әмма моның турында чит ил басмаларында аз языла. Шуның өчен хәзер Давос форумында таратылган «Foreign Policy» америка журналының махсус чыгарышында Татарстан турында мәкалә булу факты аерым игътибар сорый. Рөстәм Миңнеханов авторитетлы басма битләрендә дөнья икътисади истеблишментына Татарстан Республикасының инвестицион җәлеп итүчәнлеген презентацияли, ә Татарстан Республикасының инвестицион үсеш агентлыгы җитәкчесе Талия Миңнуллина республика белән хезмәттәшлек итү табышлы һәм өметле булуында ышанырга чакыра. - Давос – иң авторитетлы дөнья мәйданнарның берсе. Безнең союздашлар – дөнья ММЧ – территория брендын алга таба мавыктыруда Татарстанга ярдәм итәләр. Бу елда Давос форумы кысаларында без Россиянең инвестицион мөмкинлекләре турында материалларны чыгарган Америка басмасы белән хезмәттәшлек итәбез. Яхшы әзерләнү аркасында Татарстан эшлекле журнал битләрендә каты итеп яңгырады, - дип Талия Миңнуллина сөйләде.