Ачык сатып алулар – инвестор тыныч
28 гыйнварда Татарстан инвестицион үсеш агентлыгы җитәкчесе Талия Миңнуллина сатып алулар буенча ТР Дәүләт комитеты коллегиясенең йомгаклау утырышында катнашты.
Узган ел нәтиҗәләрен чыгарганда, федераль программалар кысаларында үтүче 2015 ел эчендә сатып алулар күләме 237,5 млрд. сумга бәяләнә дип сатып алулар буенча ТР Дәүләт комитеты рәисе Ольга Редько белдерде. Татарстан Республикасында заказ бирүчеләрнең барлык саны 8 меңне арттыра, сатып алуларда катнашучы тәэмин итүчеләрнең барлык саны – 33 меңнән артык дигән мәгълүмат билгеле булды. 2015 елда конкурсларда җиңгән 60% тәэмин итүчесе урынлы товар җитештерүче булып тора.
Докладны тыңлагач, ТР Президенты Рөстәм Миңнеханов сатып алулар системасын яхшыртырга кирәклеген билгеләде. “Без әлеге процессны тәртипкә китерергә, сатып алуларның эффективлыгын максималь арттырырга тиеш”. Әлеге системаны җайлап куерга кирәк һәм ул инде бу елда эшләргә тиеш дип ассызыклады.
“Әгәр бу система ачык сатып алулар белән тәэмин итәчәк, аны акционерлар, хосусый милекчеләр яхшы дип табырлар, ул кирәк булачак. Һәр акционер аның активларының саклап калуында һәм компаниянең югары керем алуында кызыксына дип уйлыйм. Ачыклык булганда эффективлык та бар”, - дип Татарстан Президенты йомгак ясады.
- Заказ бирүдә сатып алулар турында мәгълүматлаштыру системасы иң мөһим роль уйный. Бу мәсьәләдә танылган стандартлар һәм күп илләрдә эшләп алынган тәҗрибә дәүләт сатып алуларның ачыклык механизмының илнең дәүләт информацион интернет-ресурслар аша мәгълүматны алуын тәэмин итүдә мөмкинлекләренә бәйле. Моннан башка сатып алуларның максималь ачыклыгы инвесторлар белән тагын да якын мөнәсәбәтләрне булдырырга ярдәм итәчәк. Монда республиканың яңа дәүләт сатып алулар порталы уңай роль уйначак”, - дип саный Талия Миңнуллина.