“Сездә инвестицион проектлар бар? Алайса Сез безгә килегез”

10 февральдә Татарстанның бизнесменнар берләшмәсенә 2015 елның декабрендә барлыкка килгән ТР Президенты карамагындагы Эшмәкәрләр советы презентацияләнде. Чарада Татарстан Республикасының инвестицион үсеш агентлыгы вәкилләре катнаштылар. “Безнең бурыч – советта эшләүче әгъзаларга инфраструктур, административ, оештыру, эксперт ярдәмен күрсәтү, шулай ук хакимият органнары белән элемтәләрдә ярдәм итү”, - дип яңа Советның структурасы һәм функцияләр турында бизнес-омбудсмен Тимур Нагуманов сөйләде. Яңа структураның төп максаты – эшмәкәрлек өлкәсенең үсеше һәм хакимият органнары һәм бизнес берләшмәсенең актив өлешенең җәлеп итү аша эшлекле тирәлекне яхшырту. Совет вәкаләтләренә хакимият органнарыннан мәгълүмат һәм материаллар сорау, булган канунчыллыкны үзгәртү буенча инициативалар карау керә. - Бизнес һәм хакимиятнең еш кына очрашулары яхшы. Эшмәкәрләр Советы үзенчә бизнес һәм хакимиятнең үзара аңлашуны җиңелләйтүче тагын бер күпер булып тора. Инвесторлар өчен Татарстанның Инвестицион советы шундый булып тора. Инвесторда республиканың югары җитәкчелегенең каравын таләп итүче берәр проект булса, без аны Инвестицион совет президиумының утырышына карауга чыгарабыз, ул әлеге башкарма органны тагын да хәрәкәтчән ясый. Моннан башка президиум компетентлыгына Татарстанда инвестицион эшчәнлекне яхшырту буенча конкрет тәкъдимнәрне карау, инвесторларга ярдәм күрсәтү өлкәсендә мөмкин булган хокук инициативалары, эре инвесторларның урынлы сорауларны чишү белән бәйләнгән функцияләр керә. Шулай без бизнестан хакимияткә бару юлын кыскартабыз һәм инвесторларга үз регионыбызны иң сөйкемле итеп ясыйбыз”, - дип Татарстан Республикасының инвестицион үсеш агентлыгы җитәкчесе Талия Миңнуллина билгеләде. ТР Президенты карамагындагы Эшмәкәрлек советын әзерләү буенча эшлекле группаның беренче очрашуында чит ил инвестицияләре булган инвестицион проектлар буенча тәкъдимнәре булган бизнесменнар да катнаштылар.  “Сездә инвестицион проектлар бар? Алайса Сез безгә килегез”, - дип шул вакытта микрофонга Агентлык хезмәткәрләренең сүзләре яңгырады.