Россия инвестицион-төзелеш форумы: яшел фундаментта ачык стеналар

Татарстан Республикасының инвестицион үсеш агентлыгы вәкилләре Мәскәүдә үткән V юбилей Россия инвестицион-төзелеш форумында катнаштылар. Республиканың күргәзмә экспозициясе ТР Төзелеш, архитектура һәм ТКХ министрлыгы белән бергә оештырылды. Татарстан бөтен үз матурлыгында күрсәтелде. Әлбәттә, республика күп нәрсә күрсәтә ала: 2015 елда 2,4 млн. кв. м торак төзелде, бу ел планының 100% тәшкил итә, әлеге күрсәткеч буенча Татарстан Россия Федерациясе регионнары арасында беренче унлыкка керә. Әлеге форум дәүләт хакимиятенең федераль органнары, федерация субъектларының башкарма органнары, төзелеш секторының профессионаллары белән дәүләт үсеш институтлары, инвестицион һәм банк берләшмәсенең аралашуы һәм туры сөйләшүләре өчен төп мәйдан булып тора. Күп темалар арасында форумда яңа икътисади шартларда инвестицияләр эффективлыгы, чит ил инвесторлары позициясеннән уңай шартларны булдыру актуаль мәсьәләләре буенча дискуссияләр үтте. Агентлык вәкилләре уенның ачык кагыйдәләрен формалаштыру өчен кирәк булган чараларны табу, шулай ук Россия һәм чит ил инвесторлары өчен иң сөйкемле булачак проектлар форматларын һәм озак вакытлы инвестицияләрне нәрсә тәэмин итәчәген белү өчен инвесторлар хәтәрләре буенча сөйләшүләрдә катнаштылар. Чара барышында “Россиядә яшел төзелеш. Тәҗрибә һәм үсеш перспективалары” темасына түгәрәк өстәл узды, анда Татарстанда яшел төзелеш тәҗрибәсе, югары энергоэффективлыгын, экологик куркынычсызлыкны һәм ресурсларны саклау принципларын тәэмин итүче “ИнноКам” кластеры территориясендә “яшел стандартлар”ын кертү турында фикер алыштылар. Белешмә. Чараны Мәскәү Хөкүмәте катнашуы белән Россия Федерациясенең төзелеш һәм торак- коммуналь хуҗалык министрлыгы оештыра. Юбилей форумы төзелеш өлкәсенең инновацион үсеше, аның инвестицион сөйкемлелеген арттыру мәсьәләләренә багышланган. Ул РФ төзелеш һәм ТКХ министры Михаил Мень, Төзелеш һәм шәһәр төзелеше сәясәте мәсьәләләре буенча Мәскәү Мэры урынбасары Марат Хуснуллин, Татарстан Республикасының Төзелеш, архитектура һәм ТКХ министры Ирек Файзуллин, Милли берләшмәләр һәм өлкәдә алдагы компанияләр җитәкчеләре катнашуы белән “Төзелеш өлкәсе – илнең тотрыклы икътисади үсешенең мөһим потенциалы” киңәшмәсе белән башланды.