Ислам банкингы Ингушетия башлыгын Казанга алып киләчәк
“Ислам финанслау системасының үсеше Россия икътисадына файда китерәчәк иде”, - дип Ингушетия башлыгы Юнус-бек Евкуров саный. Россия эчендә ислам кредитлау системасы мәсьәләләрен карау, бу өлкәдә дөнья тәҗрибәсен алу, “Россия банк системасы: ислам бизнесы өчен аны ничек уңайлы ясарга” темасы булган эшлекле иртәнге ашта катнашу өчен ул 19-21 майда Казанда узачак “Россия – Ислам дөньясы: KazanSummit – 2016” VIII икътисади форумында катнашачак.
- Татарстан һәм Ингушетияне 2013 елда барлыкка килгән сәүдә-икътисади, фәнни-техник, социаль һәм мәдәни хезмәттәшлек турында килешүдә беркетелгән дус мөнәсәбәтләр бәйли. Татарстанда Ингушетия көннәре уза, монда берничә йөз кеше исәпләнгән ингушлар диаспорасы яши. Ингушетия республикасы башлыгы кебек дәрәҗәдәге кунакның килүе ислам банкы системасы үсешендә Россия регионнарының һәм дөнья берләшмәсенең кызыксыну индикаторы булып тора, - дип Татарстан Республикасының инвестицион үсеш агентлыгы җитәкчесе Талия Миңнуллина белдерә.
Юнус-бек Евкуров еш кына халык белән “ачык” сөйләшү алып бара: ул кешеләр белән сөйләшергә урамга чыга, социаль челтәрләр аша диалог алып бара дип билгелик. Шулай, MuslimEco порталында сорау алу нәтиҗәләре буенча 75% җавап бирүчеләр Ингушетиядә ислам финанслау үсеше өчен тавыш бирделәр, сорашуда күбесе Ингушетиядә яшәүче 2000 кеше катнашты. Аларның 10,5% ислам финанс системасының үсеше икътисад үсешенә китерәчәк, 13,8% әлеге хезмәт күрсәтүнең барлыкка килүе Ингушетия халкының дин аңлылыгы үсеше өчен мөһим булачак дип билгеләделәр. “KazanSummit – 2016” форумы фикер белән алмашу өчен мәйдан һәм хәрәкәткә чын кулланма була ала.