ЯҢАЛЫКЛАР

2017 елның 2 мартында “Кызыклы фән һәм техника йорты”нда Boeing  компаниясе һәм “Яшьләр казанышлары” (Junior Achievement Russia) Регионара оешмасы белән бергә Татарстанның инвестицион үсеш агетнлыгы чакыруы буенча Казанның ике мәйданында авиация темасына тематик лекцияләр оештыра.

27-28 февральдә «Сочи-2017» Россия инвестицион форумы узды. Сочига рәсми Татарстан делегациясен Татарстан Президенты Рөстәм Миңнеханов җитәкләде. Гадәттәгечә иң мөһим Россия эшлекле мәйданында Президентны Татарстанның инвестицион үсеш агентлыгы җитәкчесе Талия Миңнуллина озатты. Быел форумның төп темасы – «Үсеш өчен яңа проектлар».

23 февральдә Татарстан Республикасының Президенты Рөстәм Миңнеханов җитәкләгән Татарстан делегациясе Кытай Халык Республикасының Хунань провинциясендәге Чанша шәһәрендә эшлекле визит белән булды. Делегация составына Татарстан Республикасының инвестицион үсеш агентлыгы җитәкчесе Талия Миңнуллина керде.

15 февральдә, Татарстан Республикасына эшлекле визит кысаларында бизнесны үстерү буенча директор Егор Заостровцев җитәкләгән Америка сәүдә-сәнәгать палатасы делегациясе Инвестицион үсеш агентлыгында булды.

Бу көннәрдә Германия машина төзүчеләре ассоциациясе (алга таба - VDMA) вәкиле Моника Холлахер эшлекле сәфәр белән Татарстан Республикасында.

2017 елның 14 февралендә Мумбаи шәһәрендә (Һиндстан Республикасы) 27нче ChemTech 2017 халыкара махсуслаштырылган күргәзмәсе эшен башлап җибәрде. Рәсми ачу тантанасы Химия сәнәгате һәм ашламалар министрлыгы һәм мактаулы министр Шри Анант Кумар әфәнде йөзендәге Һиндстан хөкүмәте парламент эшләре министрлыгы патронажы астында узды. Күргәзмәдә дөньяның 27 иленнән килгән 700дән артык компания катнашты.

“Татарстан - Согуд Гарәбстаны” бизнес-форумы Татарстан Республикасы делегациясенең Согуд Гарәбстаны Короллегендә рәсми очрашулар чиратында соңгы аккордына әйләнде. Чара Джидда шәһәрендә Ислам хезмәттәшлеге оешмасы (ИХО) карамагындагы Россия Федерациясенең Даими вәкиллегендә үтте.

Инвестицион үсеш агентлыгы җитәкчесе Талия Миңнуллина форумда актив катнашты.

Бүген Джиддада (Согуд Гарәбстаны) ике көнлек визит кысаларында Татарстан Республикасы Президенты Рөстәм Миңнеханов Ислам хезмәттәшлеге оешмасының Генераль секретаре доктор Юсеф бин Әхмәд Аль-Осеймин белән очрашты. Очрашуда шулай ук Инвестицион үсеш агентлыгы җитәкчесе Талия Миңнуллина катнашты.

Бу көннәрдә Татарстан Республикасы Президенты Рөстәм Миңнеханов Согуд Гарәбстаны Короллегенә визит белән килә. Гадәт буенча делегация составына Татарстанның инвестицион үсеш агентлыгы җитәкчесе Талия Миңнуллина керде.

Бүген Татарстан Республикасына эшлекле визит кысаларында Россия Федерациясендәге Пакистан Ислам Республикасының Гадәттән тыш һәм Тулы вәкаләтле Илчесе Кази Мөхәммәд Халиулла әфәнде һәм Россия Федерациясендәге Пакистан Ислам Республикасы миссиясе җитәкчесе урынбасары Ата-уль-Муним Шахид әфәнде Инвестицион үсеш агентлыгына килделәр.