ЯҢАЛЫКЛАР
Берләшкән Гарәп Әмирлекләре Икътисад министры урынбасары Абдулла Аль Салех җитәкләгән делегациясе Татарстанга килде.
БГӘ Икътисад министрлыгы, БГӘ Милли банкы, Дубай инвестицион паркы, Дубай инвестицион компаниясе һәм башка структуралар вәкилләренең визит максаты алдагы бердәм проектларны тормышка ашыру белән Татарстанның икътисади һәм инвестицион потенциалы белән танышу булып тора.
Татарстан Республикасының Президенты Рөстәм Миңнеханов 2015 елның 2 мартта № УП-199 боерыгына кул куйды. Боерык буенча “кайбер шәхесләрнең башка эшкә кергәнгә күрә” Татарстан Республикасының Инвестицион Совет составына үзгәрешләр кертелде.
КИП “Мастер” резидентлары белән очрашу барышында Яр Чаллыда Рөстәм Миңнеханов индустриаль парк территориясен зурайту турында тәкъдимне хуплады: инвестицион инфраструктура объектларының мәйданы хәзерге 643 мең кв. метрдан 2017 елга 1 млн. кв. метрга җитәчәк дип планлаштырыла. Реконструкцияләүгә төрле дәрәҗәдәге бюджеттан акча бүленеп биреләчәк.
ТР ИҮА җитәкчесе “Чистай” индустриаль паркына визит белән килде, анда ул беренче резиденты - ПО «Дельрус Чистай» ЧҖҖ (рус. «Дельрус Чистополь») җитештерү күәтләрен карады. Моннан башка Талия Миңнуллина төрле эшханәләр җитәкчеләре белән очрашты, алар арасында “Чистай икмәк заводы” ААҖ, “Бетар” ЧҖҖ, “Көнчыгыш-Амфибия” ЧҖҖ (рус. «Восток-Амфибия»), “НТЦ-Көнчыгыш” ЧҖҖ (рус. «НТЦ-Восток»), “Көнчыгыш-Монолит” ЧҖҖ (рус. «Восток-Монолит») җитәкчеләре булды һәм җитештерү мәйданнарын карады.
Татарстан Республикасының инвестицион үсеш агентлыгында Төркия Республикасының иң зур холдингларның берсе - Boydak Holding (1957 елда нигез салынды) керүче «Form Sunger» компаниясе вәкилләре белән очрашу узды. Form Sunger җиһаз, тукыма, медицина эшләнмәләре, ябышучан тыгыз мендәрләр, төрү материаллары, җылылык изоляцияләү өчен материалларын җитештерүдә кулланучы югары сыйфатлы каучук җитештерүендә махсуслаша. Чарада ТР Сәнәгать һәм сәүдә министрлыгы, ТР агач эшкәртү оешмалары һәм җиһаз Ассоциациясе һәм коммерция структуралары вәкилләре катнаштылар.
IT-паркта Татарстан Республикасында уңайлы инвестицион климатны тәэмин итү буенча Россия Федерациясе субъектының башкарма хакимият органнары эшчәнлеге стандартын кертү мониторингы буенча Белгечләр группасы утырышы үтте (№ 2096-р 2012 елның 15 ноябреннән РФ Хөкүмәте карары буенча расланды).
ТР Президенты Рөстәм Миңнеханов рәислеге астында «Татнефтехиминвестхолдинг» ААҖ Директорлар советы утырышы үтте.
Татарстан Республикасының инвестицион үсеш агентлыгы җитәкчесе Талия Миңнуллина «Швабе» холдингы («Ростех» концерны) Генераль директоры Сергей Максин белән очрашты.
Очрашу барышында оптика-электрон инжиниринг үзәге – Татарстан Республикасы территориясендә «Швабе» фәнни шәһәрен булдыру проекты турында сөйләштеләр. Проектның төп максаты заманча оптоэлектрон технологияләр нигезендә продукция – телевизион каналлар, оптико-электрон модульләр һәм оптико-электрон һәм оптик системалар өчен приборлар булдыру булып тора. Үзәкнең югары квалификацияле белгечләрне әзерләү өчен модульле программалар белән техник университет, шулай ук талантлы балалар өчен интернат-мәктәп ачу планлаштырыла.
Проект ТР Хөкүмәт Йортында Татарстан Республикасының Президенты Рөстәм Миңнехановка күрсәтелде. Республика башлыгы аны аеруча импортны алыштыру сәясәте һәм саклау мөмкинлеген ныгыту контекстында, “ил масштабларында актуаль һәм мөһим” булуын билгеләде.
«NDExpo-2015» Халыкара форумы – “Тотрыклы үсеш өчен югары технологияләр” Идел буе федераль округында «Росатом» Дәүләт корпорациясе оештырган бердәнбер һәм төп чара булып тора. Ул тәэмин итүчеләр өчен сатып алучыларга үзенең продукциясен һәм хезмәтен тәкъдим итергә мөмкинлек бирә.