18 декабрьдә ТР Хөкүмәт Йортында 2015 елның нәтиҗәләре буенча сыйфат өчен ТР Хөкүмәте премияләрен алуга XI республика конкурсы дипломантлары һәм лауреатларына бүләкләү тантаналы церемониясе узды. Җиңүчеләргә бүләкләрне Татарстан Республикасының Премьер-министры Ильдар Халиков тапшырды.

Тантаналы чарада  Татарстан Республикасының инвестицион үсеш агентлыгы җитәкчесе Талия Миңнуллина, республиканың министрлыклар һәм идарәлекләр җитәкчеләре, администрацияләр башлыклары һәм алда баручы оешмалар директорлары булды.

2015 елның 17 декабрендә Россия Федерациясендәге Корея Республикасының Илчелегендә Татарстанның инвестицион потенциалы презентациясе узды. Корея бизнесменнарның дүртенче һәркварталлы утырышы кысаларында Татарстан Республикасының инвестицион үсеш агентлыгы җитәкчесе Талия Миңнуллина утырышта катнашучыларга – Корея компанияләренең җитәкчеләренә (кайберләре Россиядә аккредитация алган) Татарстанның инвестицион потенциалы презентациясен тәкъдим итте.

Чара кысаларында 30 дан артык Корея эшмәкәре инвесторларның Татарстанда эш шартлары белән таныштылар, Татарстанның инвестицион порталы Корея телендә презентацияләнде. Шуннан соң сорау-җавап дискуссиясе һәм ИҮА җитәкчесенең кайбер аерым компанияләр белән берничә очрашуы узды.

15 декабрьдә ТР инвестицион үсеш агентлыгы җитәкчесе Талия Миңнуллина «Татнефтехиминвест-холдинг» ААҖ Директорлар Советы утырышында катнашты. Утырышны Татарстан Республикасының Хөкүмәт Йортында Президент Рөстәм Миңнеханов уздырды. Утырыш барышында республиканың нефть, газ һәм химия комплексы өчен берничә тәкъдимнәр каралды.

15 декабрьдә ТР Министрлар Кабинеты карамагындагы Икътисади советы әгъзалары Татарстан оешмаларының финанс тотрыклылыгы мәсьәләләре буенча сөйләштеләр. Утырыш Татарстан Республикасының Президенты Рөстәм Миңнеханов җитәкчелеге астында үтте.

Чара ТР Хөкүмәт Йортында республиканың бөтен муниципаль оешмаларның видеоконференция элемтә режимы белән узды.  Утырыш эшендә шулай ук Татарстан Премьер-министры Ильдар Халиков, ИҮА җитәкчесе Талия Миңнуллина, республиканың министрлыклар һәм идарәләр, оешмалар һәм күзәтү органнары башлыклары катнаштылар.

Бүген Казан Кремлендә Татарстан Республикасының инвестицион үсеш агентлыгы Татарстан Республикасының Президенты Рөстәм Миңнеханов катнашуы белән Инвесторлар Клубының чираттагы утырышын уздырды. Татарстан инвесторларыннан башка утырышта Агентлык җитәкчесе Талия Миңнуллина, Казан мэры Ильсур Метшин, Татарстан Республикасының прокуроры Ильдус Нафиков, республиканың министрлыклар һәм идарәләр җитәкчеләре, федераль хакимият органнарының территориаль бүлекләре, Россия Дәүләт Думасы һәм Татарстанның Дәүләт Советы депутатлары булдылар.

Утырыш Татарстан Республикасының инвестицион өлкәсендә 2015 елның нәтиҗәләре, шулай ук дөнья икътисадында хәл (мәсәлән, ХВФ бәясе буенча ТЭП абсолют күрсәткечләре буенча дөньяда беренче биш ил) турында сөйләгән видеофильмны күрсәтүдән башланды.

14 декабрьдә ТР Хөкүмәт Йортында Татарстан Республикасының Министрлар Кабинеты һәм Татарстан Республикасы буенча Эчке эшләр министрлыгы коллегиясенең юл хәрәкәте куркынычсызлыгын арттыру буенча бердәм утырыш үтте. Утырышны Татарстан Республикасының Президенты Рөстәм Миңнеханов уздырды. Утырыш эшендә Татарстан Республикасының инвестицион үсеш агентлыгы җитәкчесе Талия Миңнуллина катнашты.

Татарстан Республикасы буенча Эчке эшләр министры Артем Хохорин 2015 елның 11 ай эчендәге юл хәрәкәте куркынычсызлыгын тәэмин итү буенча эш турында нәтиҗәләргә доклад ясады, анда ул авариялелекнең гомуми күрсәткечләрнең уңай динамикасы ныгытуын билгеләде. Ул һәр өченче юл-транспорт хәленең бергә баручы сәбәбе урам-юл челтәренең начар хәлдә булуына игътибар итте. Министр шулай ук мәктәп автобусларының урыннарын күзәтү һәм аларның тизлек режимын саклау проблемаларын билгеләде.

Икътисад, финанслар һәм инвестицияләр буенча Баш идарәсенең Генераль директоры Реза Хосейни Гарагузлу җитәкләгән Иран Ислам республикасы делегациясенең Татарстан Республикасына визиты кысаларында 14 декабрьдә Татарстан һәм Иран эшлекле даирәләре вәкилләре катнашуы белән түгәрәк өстәл узды.

Татарстан Республикасының инвестицион үсеш агентлыгы җитәкчесе Талия Миңнуллина республиканың сәнәгый һәм икътисади потенциалы презентациясе белән чыгыш ясады. Иран вәкилләре медицина һәм мәгариф кебек өлкәләр белән кызыксындылар, чөнки 2008 елдан Казан федераль университетында Иранистика үзәге эшли.

“Традиция буенча Иран Ислам Республикасы мәдәни бердәмлек ягыннан Татарстан өчен якын булып тора. 2015 елның март аенда ТР Президенты Рөстәм Миңнеханов җитәкләгән безнең делегация Иранга визит белән килде. Бу Татарстанда эш итүгә кызыксынуның яңа дулкынын тудырды”.

Презентация нәтиҗәсендә берничә адреслы очрашулар узды. Яңа бердәм проектлар турында сөйләшүләр дәвам итәчәк дип көтелә.

ТР Инвестицион-венчур фондының попечительләр советының әгъзасы булган Татарстан Республикасының инвестицион үсеш агентлыгы җитәкчесе Талия Миңнуллина ТР Премьер-министры Ильдар Халиков рәислеге астында үткән утырышта катнашты. Уртаклашу барышында Агентлык конкурстан Татарстан Республикасы өчен икътисади эффекты турында мәсьәләсен күтәрде һәм идеяләрне кертү процессын күзәтеп тору кирәклеге билгеләнде.

“Татарстан Республикасы өчен 50 иң яхшы инновацион идея” Еллык конкурсы фән белгечләре, уйлап табучылар, инженер-техник эшчеләр, аспирантлар, студентлар һәм укучыларның фәнни эшләрен җыя. Инновацион чишелешләрне кертү Татарстанның конкурентлыкка чыдамлыгын арттыру өчен кирәк: яңа фәнни технологияләр, җитештерүләр һәм хезмәтләр барлыкка килү. Бу елда кокурста катнашу өчен 11 ел буенча узучы конкурс тарихында иң күп гаризалар саны – 2273 гариза килде. Кич белән “Корстон”да җиңүчеләрне котлау церемониясе үтте.

Бүген “Корстон”да Татарстан Республикасының инвестицион үсеш агентлыгы “Дәүләт-хосусый партнерлык һәм концессион килешүләр турында федераль кануннарны куллануның региональ аспектлары” семинарын оештырды. Семинар дәүләт-хосусый партнерлык (ДХП) өлкәсендә федераль канунчыллык яңалыкларын кертү процессын җиңеләйтү максаты белән үткәрелә. Билгеле булганча, 2016 елның 1 гыйнвареннән 2015 елның 13 июленнән № 224-ФЗ “Россия Федерациясендә дәүләт-хосусый партнерлык, муниципаль-хосусый партнерлык һәм Россия Федерациясенең кайбер канун актларына үзгәрешләрне кертү турында” Федераль кануны эшли башлый.

Татарстан Республикасының инвестицион үсеш агентлыгы хезмәткәрләре бүген Яр Чаллыда узган Машина төзелеше кластерлы форум-2015 чарасында катнаштылар.

2014 елда Татарстан Республикасы территориясендә Кама кластерлы үсеш үзәге (ККҮҮ) ярдәмендә хәзергә 72 катнашучыны берләштергән кече һәм урта җитештерү чаралары саныннан машина төзелеше кластеры формалашты. Бүген форумның якынча 350 катнашучы елгы нәтиҗәләр һәм башкарылмаган мәсьәләләр буенча сөйләшү өчен җыелдылар. Пленар утырыш Яр Чаллы мэры Наиль Магдеев, кластерлар һәм технопарклар ассоциациясе директоры Андрей Шпиленко катнашуы белән узды.