Бүген Татарстан Республикасының Президенты Рөстәм Миңнеханов җитәкләгән делегациянең Сычуань провинциясенә визиты башланды.

“Татарстан-Сычуань” эшлекле форум (түгәрәк өстәл) кысаларында Татарстан Республикасының инвестицион үсеш агентлыгы җитәкчесе Талия Миңнуллина Сычуань провинциясенең эшлекле даирәләре өчен Татарстанның инвестицион потенциалы презентациясен үткәрде – әлеге провинция фәнни-техник потенциалын үстерү үзәге буларак стратегик булып тора. Халкы 80 миллионнан артык кеше, сәнәгатьнең машина, аэрокосмик, металл, азык, төзелеш һәм тукыма өлкәләре, авыл хуҗалыгы үскән.

Презентация кысаларында ТР ИҮА җитәкчесе инвестицион климат, инвестицион инфраструктура объектлары, алар арасында “Алабуга” МИЗ, “Иннополис” һәм төзеләчәк Зөя МИЗ, муниципаль дәрәҗәдәге мәйданнар турында җентекләп сөйләде. Талия Миңнуллина ассызыклаганча, Татарстан-Кытай хезмәттәшлеге нәтиҗәле булып тора (Татарстанга уңышлы инвестицияләгән югары технологияле Haier компаниясен мисал булып китерде) һәм аның зур потенциалы бар. Монда ТР Министрлар Кабинеты әгъзасы июньдә узган Халык вәкилләренең Бөтенкытай җыелышының (парламенты) Даими комитеты рәисе Чжан Дэцзян җитәкләгән КХР делегациясенең Татарстанга визитын билгеләде. Визит барышында Бөтенкытай җыелышының башлыгы түбәндәге сүзләрне белдерде: “Татарстан Россия регионнары арасында безнең республика белән аралашу буенча лидерлык позицияләрен ала һәм бездә аралашуның зур потенциалы бар. Безне хезмәттәшлек кысаларында киң перспектива һәм ачык киләчәк көтә дип ышанам”.

“Шундый югары дәрәҗәдәге дәүләт эшлеклесенең безнең республикага визиты Татарстанның КХР белән хезмәттәшлек тарихында яңа битен ачты – Казанда Кытай консуллыгы ачылачак. Бүген Сычуаньда республика һәм провинциянең уңышлы аралашуның нык фундаменты салына дип ышанам”, - дип Талия Миңнуллина билгеләде.

Форумда Сычуань провинциясенең Реформалар һәм үсеш буенча комитеты, Сычуань провинциясенең коммерция идарәсе, Сычуань провинциясенең дәүләт ресурслары белән идарә итү комитеты, Сычуань провинциясенең икътисади мәгълүмат комитеты һәм КХР компанияләре җитәкчеләре катнаша.

Форум кысаларында шулай ук төзелеш, авыл хуҗалыгы, фән, нефтехимия, машина төзелеше кебек юнәлешләр буенча секцион утырышлар үтте.

ТР ИҮА җитәкчесе инфраструктураны үстерү буенча секциянең модераторы булды, анда шулай ук ТР транспорт һәм юл хуҗалыгы министры Ленар Сафин, ТР төзелеш, архитектура һәм ТКХ министры урынбасары Юрий Аляшев һәм “Казан ярминкәсе” Генераль директоры Лев Семенов катнаштылар.

Моннан башка Талия Миңнуллина илдә иң зур булган һәм төрле тематика, алар арасында эшлекле һәм икътисади темалы 10 нан артык теле- һәм радиоканалны үз эченә алган Сычуань телерадиокомпаниясенә интервью бирде.

ТР ИҮА җитәкчесе, мәсәлән, Татарстан Республикасының  Сычуань провинциясе белән хезмәттәшлекнең перспектив юнәлешләре турында сөйләде.

“Без мәсьәләләрнең иң киң спектры буенча, алар арасында югары технологияле өлкәсендә аралашуга әзер. Бүген без Сычуань эшлекле даирәләренең кызыксынуын да күрдек”, - дип Талия Миңнуллина ассызыклады.

ТР ИҮА Матбугат хезмәте

Татарстанга инвестицияләгән KASTAMONU Төркия компаниясе “Алабуга” МИЗ заводында җитештерелгән ламинат идән капламаларының беренче партиясен Кытайга төяп озатты.

Элек KASTAMONU Европа берләшмәсе, Бәйсез Илләр Бердәмлеге илләренә продукция китерүен башлады. Компаниянең СЕ Европа сыйфат сертификаты һәм FSC экологик таныклыгы бар, алар ярдәмендә KASTAMONU Европа берләшмәсе илләренең базарларына оптимизм белән карарга мөмкинлек бирә.

“Алабуга”да агач эшкәртү заводын башлап җибәрү белән клиентларга 7 млн м² тан артык ТМ «Floorpan» ламинат идән капламалары төяп озатылды. Ламинат җитештерүенең проектлы күәте 20 млн м² тәшкил итә, һәм перспективада компания бу күләмнәргә 2016 елда чыгырга тиеш. Шулай ук заводның 2016 елның башында икенче чиратының башлап җибәрелүдән соң МДФ/ХДФ плитәләрен җитештерү елга 1 млн м³ тан артачак.

KASTAMONU Вице-президенты Онур Гювен түбәндәге сүзләрне билгели: “Расланган үсеш стратегиясенә таянып, без агач плитәләрен җитештерүен үстерү генә түгел, әмма продукцияне башка илләргә сату географиясен план буенча киңәйтергә дәвам итәбез. Бүген, Россия ламинат базары күләменең төшүгә карамастан, Россиядә урнашкан җитештерүчеләр өчен уңай хәл килеп чыкты. Европа һәм Кытайдан сатучылар бәя/сыйфат бәйләнеше буенча конкуренцияне чыдый алмый башладылар һәм безнең продукцияне башка илләрдә югары сорый башлыйлар. Хәтта ламинат җитештерүчеләре шактый зур булган Кытай базары керерлек булды. Югары сыйфат, заманча тренд декорлары һәм сөйкемле бәя кулланучыларның соравы нигезендә ята, һәм без әлеге факторны максималь исәпкә алырга тырышабыз”.

Элек Татарстан Республикасының инвестицион үсеш агентлыгы җитәкчесе Талия Миңнуллина берничә тапкыр яңа икътисади хәлнең, аеруча инвесторлар өчен, яңа мөмкинлекләрне булдыруын ассызыклады: “Сумның курсы чит ил инвесторлары белән мөнәсәбәтләрдә яңа позитив алып килде: җир ресурслары, эш көчен алырга җиңелрәк. Яңа механизмнар булдырылды, алар ярдәмендә зур инвестицион проектлар тормышка ашырылачак, димәк икътисад яңа көчле үсеш импульсын алачак, яңа эш урыннары барлыкка киләчәк. Әлеге максатларны ирешү өчен без Татарстан Республикасының инвесторлар клубы кебек инструментны кулланабыз, аның кысаларында, мәсәлән, Татарстан җитештерүчеләренең экспорт мөмкинлекләренә ярдәм итү мәсьәләләре карала.

Искә төшерик, туры диалог һәм инвесторларга ярдәм итү максатында Татарстан Республикасының инвесторлар клубы барлыкка килде – ТР ИҮА карамагындагы киңәшмә органы, утырыш сентябрьдә Татарстан Республикасының Президенты Рөстәм Миңнеханов катнашуы белән үтте.

ТР ИҮА Матбугат хезмәте, “Алабуга” МИЗ Матбугат хезмәте материаллары да кулланылды

TIDA Press Service, materials of the Press Service of the SEZ "Alabuga" were used

Татарстан Республикасының инвестицион үсеш агентлыгы җитәкчесе Талия Миңнуллина “АЛАБУГА” Сәнәгый-җитештерү тибындагы Махсус Икътисади Зона” Ачык акционер җәмгыятенең Директорлар Советының әгъзасы булып сайланды.

ТР ИҮА җитәкчесе исеменә килгән 2015 елның 7 октябреннән Директорлар Советының рәсми белдерүендә яңа сыйфаттагы уңышлы хезмәттәшлеккә өмет белдерелде.

Талия Миңнуллина ААҖның 34% на ия булган ТР Җир һәм мөлкәт мөнәсәбәтләре министрлыгы исемменнән куелды. Барлыгы Директорлар Советында 7 әгъза бар.

Искә төшерик, ТР ИҮА инвестицияләрне җәлеп итүче, инвестицион проектларны алып баручы һәм “бер тәрәзә” принципы буенча инвестицион инфраструктура объектлары белән эшләүче дәүләт органы булып тора.

Республикада иң зур  инвестицион инфраструктура объекты – “Алабуга” МИЗның төп максаты сәнәгый җитештерү өлкәсендә инвестицион проектларны тормышка ашыруда Россия һәм халыкара компанияләр өчен уңай шартларны булдыру аша Россия Федерациясе һәм Татарстан Республикасының икътисад үсешенә ярдәм итүдән гыйбарәт.

ТР ИҮА Матбугат хезмәте

Бүген Benkons Group (Бенконс Групп) Әзербайҗан компаниясенең соклар җитештерү буенча завод һәм логистик үзәк төзелеше буенча инвестицион проектны тормышка ашыруны башлап җибәрелүгә багышланган церемония узды. Чара Татарстанның Лаеш районы территориясендә үтте (Сокуры авылы).

Чәршәмбе, 7 октябрьдә Татарстан Республикасының Лаеш муниципаль районында (Сокуры авылы) Benkons Group Әзербайҗан компаниясенең соклар җитештерү буенча завод һәм логистик үзәкне төзү буенча инвестицион проектны тормышка ашыруга багышланган тантаналы церемониясе үтәчәк. Сәгать 10-00 башлана.

Чарада Татарстан Республикасының Президенты Рөстәм Миңнеханов катнашачак.

Проектны тормышка ашыру турында килешү Татарстан Республикасының инвестицион үсеш агентлыгының җитәкчесе Талия МИңнуллинаның 2014 елның декабрендә Әзербайҗан Республикасына визиты барышында булдырылды. 2015 елның 3 февралендә Агентлык Коллегиясендә проект Татарстан Президентына күрсәтелде һәм компания һәм ТР ИҮА арасында аралашу турында килешүгә кул куелды.

Завод экологик чиста җиләк-җимешләрдән натураль соклар җитештерүендә махсуслашачак.

Татарстанда проектка инвестицияләр күләме 4 млрд. сум тәшкил итәчәк. Минималь проектлы җитештерүчәнлек – елга 53 856 000 литр. Татарстанда брендны локализацияләү нәтиҗәсендә 250 дән артык туры эш урыны барлыкка киләчәк.

Завод һәм логистик үзәк 2017 елның башында эшли башлачак дип планлаштырыла.

Белешмә

“Benkons Group” Әзербайҗанда һәм башка илләрдә төрле өлкәләрдә эшләүче алда баручы компанияләрнең берсе. Группага бүген төрле өлкәләрдә яхшы урыннар алган берничә компания - “Benkons Import”, “Benkons Export”, “Benkons Construction” керә.

“Benkons Import” Әзербайҗанда киң кулланыла торган товарларны сату белән шөгелләнә. 30 дан артык илдә партнерлык килешүләр бар, аларның күбесе дистрибьютер контрактлары булып тора. 2011 елдан компания PepsiCo International ның стратегик партнеры булып тора һәм компаниянең газлы продуктларның Әзербайҗан территориясендә җитештерү һәм сатуга франчайзинг алды. Шул брендлар арасында «Pepsi», «PepsiLight», «Mirinda», «MountainDew», «AcquaMinerale», «Lipton»IceTea бар. “Benkons Construction” төзелеш компаниясе төзелеш секторына аерым урын ала, аның административ, офис, торак, җитештерү йортларын проектлау һәм төзүдә практик тәҗрибәсе бар һәм тулы хезмәт комплексын тәкъдим итә (концепция һһәм техник чишелешләрне уйлап табудан төзелеш эшләрен ясау һәм эшкә кертүгә кадәр). “Benkons Construction”компаниясе шулай ук кара металлдан панельләр һәм металл корылмаларны, витрина суыткычлары һәм супермаркет җиһазларын сата.

“Benkons Export” “Gilan Holding” продукциясенең (джем, компот, кайнатма, тозлы яшелчәләр һәм башка) Европа, Азия һәм Америка илләренә эре экспортеры булып тора.

ММЧ аккредитациясе

Аккредитация өчен 6 октябрьнең 16-00 га кадәр Татарстан Республикасының инвестицион үсеш агентлыгы матбугат хезмәтенә түбәндәге мәгълүмат җибәрергә кирәк: журналистның фамилия, исем, атасының исеме, туу датасы, телефон номеры.

Электрон почта:  iskander.ahmedov@tatar.ru яисә тел. 8(843) 570-40-05.

Журналистлар өчен автобус булачак.

7 октябрьдә 8-00 дә китә (Петербург урамы, 50).

Икътисадны модернизацияләү мәсьәләләре буенча Россия-Япония консультатив советы һәм Япония  корпорацияләре башлыклары белән очрашу турында

- Куанычлы хәбәрем: Икътисадны модернизацияләү мәсьәләләре буенча Россия-Япония консультатив советының 6 нчы утырышы Казанда үтүнең зур мөмкинлеге бар.

Моның турында Россия Федерациясенең Хөкүмәт рәисенең урынбасары Аркадий Дворкович һәм Россиядәге Япониянең Гадәттән тыш һәм Тулы вәкаләтле илчесе Тикахито Харада рәислеге астында бүгенге (5 октябрь) утырышта билгеле булды.

Эш 5 төрле юнәлеш буенча тәзелде, һәрберсе буенча Россия һәм Япония вәкилләре доклад ясадылар. Энергоэффективлык һәм энергия саклау, медицина, авыл хуҗалыгы, шәһәр тирәлеге, инфраструктура һәм башка кебек мәсьәләләр каралды.

Татарстанның Япония белән уңышлы эш итү доклады белән Татарстан Республикасының Президенты Рөстәм Миңнеханов чыгыш ясады, анда ул иң зур проектлар, аеруча “Аммоний” заводы, КФУ һәм Япония галимнәренең фәнни-мәгариф проекты турында сөйләде. Төп чыгыш ясаучыларның берсе “Эйдос-Медицина” компаниясенең Генераль директоры булды.

Монда гына делегациянең эше тәмамланмады. Мәсәлән, без Татарстан белән хезмәттәшлек итүче Джунтендо Университетын карадык. Президентның “Соджиц Корпорейшн” һәм “Мицубиси Хэви Индастриз” җитәклеге белән очрашу узды.

Япониядәге Смарт Сити турында

- Хосусый инвесторлар акчасына Япониядә “акыллы шәһәр” – “Смарт сити Фуджисава” уңыш белән төзелә. Бәясе – 60 миллиард йен.

Бу уникаль, экологик проект. Бүгенгә анда 230 йорт төзелде һәм якынча 700 кеше яши. Югары технологияле авыл видеокамералар белән җиһазланган. Шәһәр күп халыклы, анда электричество белән тәэмин итүче кояш батареялары һәм балалар артыннан карарга, исәпләүләрне алып барырга һәм экологик күрсәткечләр артыннан онлайн режимда карарга мөмкинлек бирүче мәйданы якынча 120 кв. м. булган кечкенә хосусый йортлар бар.

Монда ук экоавтомобильләрне прокатка бирү бар: кешеләр хосусый машиналарда түгел, ә арендага алынган машиналарда хәрәкәт итәчәкләр дип планлаштырыла.

Без Япония тәҗрибәсен Иннополис, “Смарт Сити Казан”ны тормышка ашыруда куллана алабыз.

Киотода форум турында

- 4 октябрьдә Киотода “Җәмгыятьтә фән һәм технологияләр” (Science and Technology in Society) еллык халыкара форумы эшли башлады. Ул “Азия Давосы” булып тора, анда 1000 нән артык кеше җыела.

Киләсе елда Татарстан делегациясе форумда тагын да актив һәм эшлекле катнашачак – бу Татарстан-Япония мөнәсәбәтләренең үсеше өчен көчле мәйдан.

Бүген Татарстан Республиккасының инвестицион үсеш агентлыгы җитәкчесе Талия Миңнуллина һәм ТР туризм буенча Дәүләт комитеты рәисе Сергей Иванов Россиянең туризм буенча Федераль агентлыгының җитәкчесе Олег Сафоновка Татарстан Республикасының туризм өлккәсендә инвестицион проектларын тәкъдим иттеләр.

“Сочи-2015” Халыкара инвестицион форумның Татарстан павильонын караган Ростуризм башлыгы Казанга, Болгар борынгы шәһәренә, Зөя шәһәр-утравына виртуаль прогулка ясады һәм WorldSkills2019 дөнья чемпионатын үткәрү өчен төзелүче KazanExpo күргәзмә үзәге нинди булачагын күрде.

ТР ИҮА җитәкчесе Талия Миңнуллина федераль хезмәттәшенә республика инвестицион үсешендә туризм иң приоритетлы өлкәләрнең берсе булуын әйтте.

Татарстан Республикасында туристик кластерын булдыру презентациясе кысаларында шулай ук Югары Ослан, Балык Бистәсе, Спасс, Кама-Устьинск районнарының проектлары каралды.

ТР ИҮА Матбугат хезмәте

“Сочи-2015” халыкара инвестицион форумы кысаларында Россия Икътисади үсеш министрлыгы, “ДХП үсеш үзәге” Ассоциациясе ярдәмендә регионнар өчен “Россия Федерациясе субъектларында ДХП проектларын тормышка ашыруның биш аспекты” семинары үтте.

Чарада Татарстан Республикасыннан дәүләт-хосусый партнерлык халыкара стандартларын уйлап табу һәм алга таба мавыктыру мәсъәләләре буенча җаваплы шәхес – ТР ИҮА җитәкчесе Талия Миңнуллина катнашты.

Яңа мөмкинлекләр тулысынча бары тик махсус аңлатмабулганда гына тормышка ашырыла алачак дип чараны оештыручы комитет элек билгеләде. Семинарда катнашучыларга методик материаллар – дәүләт-хосусый партнерлык турында яңа канунын куллану буенча кулланма тәкъдим ителде.

Семинар кысаларында кабул ителгән Федераль канунның төп яңалыклары буенча аңлатмалар каралды, алар алдагы вакытта Федерация субъектларында проектларны уңышлы башлап җибәрүгә турыдан туры тәэсир итәчәк.

Мәсәлән, регионнар вәкилләренә проектны тормышка ашыру турында тәкъдимнәрне карау үз эченә 3 этапны кертә дип аңлаттылар: дәүләт яисә муниципаль орган проектны карый (әлеге этап проектны хосусый партнер – коммерция структурасы уйлап табу вакытта актуаль булып тора), проектның эффективлыгын билгеләү һәм аның чагыштырма өстенлеген билгеләү максатында ДХП, МХП проектның тормышка ашыру турында вәкаләтле орган карый, ДХП, МХП проектын тормышка ашыру турында карар итү.

“Бүгенге семинар Федерация субъеклары, шулай ук Татарстан өчен бик файдалы: федераль канун кабул ителгән, ДХП форматында тормышка ашыручы дөнья мастабындагы проектны – “Мәскәү – Казан” ЮТМ тормышка ашыруда республиканың катнашуы, моннан башка республика РФ регионнары арасында дәүләт-хосусый партнерлык (ДХП) үсеше дәрәҗәсе буенча икенче урынны ала һәм бу урында тукталмый”, - дип ТР ИҮА җитәкчесе Талия Миңнуллина билгели.

ТР ИҮА Матбугат хезмәте

Бүген Татарстан Президенты Рөстәм Миңнеханов “Касторама РУС” ҖЧҖ Күчемсез милек һәм үсеш буенча директоры Мишель Шез белән очрашты. ТР ИҮА җитәкчесе Талия Миңнуллина канташкан очрашу “Сочи-2015” Халыкара инвестицион форумы кысаларында Татарстан Республикасының павильонында узды, аны Татарстан Республикасының инвестицион үсеш агентлыгы әзерләде.

Президент билгеләгәнчә, “Касторама” Россия базарында шул бренды булган продукциянең киң таралган ремонт һәм өй өчен товарларда махсуслашкан данәләп сатучы иң зур компанияләрнең берсе булып тора.

“Безнең республикада ремонт һәм өй өчен товарлар сату буенча данәләп сатучы челтәрләр рәте уңышлы эшли. Без “Касторама” кебек компаниянең Татарстан базарына килүгә шат булабыз”, - дип ТР Президенты ассызыклады.

Мишель Шез үз чиратында Татарстанның яхшы партнер һәм Россиянең икътисади көчле регион буларак дөньяда танылган булуын билгеләде.

Очрашу нәтиҗәсендә Татарстан Президенты Талия Миңнуллинага респуубликада “Касторама” брендын локализацияләү өчен җирне сайлап алырга тапшырды.

Хәзерге вакытта брендның Татарстанда локализацияләү мәсьәләсе карала. 

РФ Хөкүмәт рәисе Дмитрий Медведев “Сочи-2015” Халыкара инвестицион форумы кысаларында Татарстан Республикасының павильоны белән танышты.

Аның белән бергә ТР Президенты Рөстәм Миңнеханов һәм Татарстан Республикасының инвестицион үсеш агентлыгы җитәкчесе Талия Миңнуллина булдылар.

РФ Хөкүмәт рәисе ТР ИҮА җитәкчесе элек игълан иткән “телепортация” аша Татарстанга килде.

Дмитрий Медведев киләчәк Татарстанга виртуаль сәфәр ясады, анда ул Kazan Expo конгресс-күргәзмә үзәге – “WorldSkills Competition-2019” профессиональ осталык буенча дөнья чемпионатын үткәрү урыны белән танышты. Әлеге үзәкнең ябылган күргәзмә мәйданнарның тулай мәйданы 70 мең кв. метрдан, ә ачык күргәзмә мәйданнарның 108 кв. метрдан күбрәк була ала. Алдагы вакытта Kazan Expo дөнья дәрәҗәдәге башка чараларны үткәрү урыны булып торачак.

Федераль хөкүмәт башлыгы эш профессиясе вәкилләре өчен укыту һәм квалификацияне күтәрү өчен махсус тренажерларны бәяләде, автомеханиклар һәм сваркачылар өчен инновацион механизмнарын кулланып карады. Мәсәлән, Бу аппаратларда Казанда үтәчәк “WorldSkills Competition-2019” профессиональ осталык буенча дөнья чемпионатында катнашучыларны әзерлиләр.

Моннан башка, Татарстан экспозициясендә «Инвестицион инфраструктура», «Оешмалар», «Инвесторлар», «Электрон Татарстан», «Туризм» тәкъдим ителде.

Дмитрий Медведев экспозиция дәрәҗәсен югары бәяләде һәм Татарстан делегациясенә уңышлар теләде.

ТР ИҮА Матбугат хезмәте

(шулай ук ТР Президенты Матбугат хезмәте материаллары кулланылды)