ЯҢАЛЫКЛАР

«Эксперт РА» рейтинг агентлыгы әзерләгән регионнарның инвестицион сөйкемлелеге XVIII рейтингында «Минималь икътисади хәтәрләр» номинациясендә беренче урынны алды.

Инвестицион хәтәрләр дәрәҗәсе рейтингында Татарстан Россия Федерациясе субъектлары арасында беренче унлыкка керде. Рейтингта ул җиденче урынны алды. Беренче урында Ленинград өлкәсе, икенче һәм өченче урыннарда Белгород һәм Липецк өлкәләре тора.

Эш урыннарын булдыру буенча Татарстан өченче урынны алды. Беренче урыннарда Мәскәү һәм Санкт-Петербург тора.

Бу елда «Эксперт РА» агентлыгы рейтингны регионнар арасында гына түгел, инвестицион климатны яхшыртуда ярдәм иткән компанияләрне дә билгеләде. 2013 елның 9 ае нәтиҗәсендә ААҖ «Татфондбанк» иң алда бара. Кредитның актив үсеше өчен дипломын ААҖ «ИнтехБанк» алды.

Яклар технополисны тормышка ашыру буенча проектның барышы, «акыллы» шәһәрнең төзелешен финанслау һәм инженер инфраструктурасы үсеше буенча сорауларны карадылар.

Татарстан Республикасының инвестицион үсеш агентлыгында «ВИС» төзелеш компанияләре группасы белән «СМАРТ Сити Казан» Халыкара инвестицион технополисының инфраструктурасын булдыру буенча очрашу узды. «ВИС» делегациясе башлыгында Директорлар рәисе урынбасары Рашид Айтуганов булды. Делегация составына, шулай ук, Директорлар рәисе урынбасары киңәшчесе Рамиль Галеев, Директорлар рәисе киңәшчесе Дмитрий Чекешев керделәр.

Очрашуда Татарстан Республикасының инвестицион үсеш агентлыгы җитәкчесе Линар Якупов, Җитәкченең беренче урынбасары Роберт Галиуллин, дәүләт-шәхси партнерлык үсеше бүлеге рәисе Сергей Головин һәм Татарстан Республикасының үсеш корпорациясе Генераль директоры Булат Гаянов катнаштылар.

Татарстан җәмгыяти һәм икътисади үсеш күрсәткечләре буенча Россия Федерациясе субъектлары рейтингында беренче урынын инде өч ел дәвамында саклый.

Рейтинг мәгълүматын Россия Региональ үсеш министры Игорь Слюняев Дмитрий Медведев үткәргән утырышында белдерде. Утырышта «2012 ел нәтиҗәләре буенча Россия Федерациясе субъектларының башкарма дәүләт органнары эшчәнлеге эффективлыгын билгеләү һәм мизанияара трансфертлар формасы турында» соравы каралды.

Игорь Слюняев ассызыклаганча, иң яхшы җәмгыяти һәм икътисади үсеш күрсәткечләре буенча 20 Россия субъекты билгеләнде. Алар арасына Татарстан Республикасы, Белгород, Воронеж, Краснодар һәм Калуга регионнары керде.

Ике көн өчендә Алтай өлкәсенең инвестицияләр һәм икътисад буенча Баш идарәсе һәм «Алтай инвестицияләрне җәлеп итү һәм дәүләт-шәхси партнерлык үзәге» башлыгына инвестицион өлкәдә республика тәҗрибәсе, хөкүмәт һәм бизнес арасында аралашу, инвестицион проектлар һәм регионның сәнәгать мәйданнары тәкъдим ителде.

Татарстан Республикасының инвестицион үсеш агентлыгында (ТР ИҮА) делегация Агентлык җитәкчесенең беренче урынбасары Роберт Галиуллин, инвестицион проектларны алып бару, дәүләт-шәхси партнерлык үсеше башлыклары, Татарстан Республикасының Үсеш корпорациясе Генераль директоры урынбасары Джавдат Ахманов белән очрашты.

Очрашуда инвесторларны җәлеп итү сораулары, «Invest in Tatarstan» имидж PR-кампаниясе, республиканың сәнәгать мәйданнары һәм махсус икътисади зоналары, Бөтендөнья инвестицион агентлыгы ассоциациясе (БИАА) белән хезмәттәшлек тәкъдим ителде. Яклар «бер тәрәз» эше принципы, башкарма органнары эшчәнлеге стандарты, Татарстанда инвестицион проектларны электрон карау системасы iPMS (Investment Project Monitoring System) кертү буенча уртаклаштылар.

Татарстан Республикасының инвестицион үсеш агентлыгы (ТР ИҮА) һәм Татарстан Республикасы үсеш корпорациясе Мәскәүдә урнашкан Япония тышкы сәүдә оешмасы вәкиллегендә (Moscow Representation of Japan External Trade Organization (JETRO)) үткән утырышында катнаштылар.

Чарада Татарстан Республикасы белән хезмәттәшлектә кызыксынган 20 Япония компанияcе катнашты. Бизнес клуб утырышында катнашырга Татарстан Республикасының инвестицион үсеш агентлыгын һәм Татарстан Республикасы үсеш корпорациясен Номур Тикшеренү институтының Мәскәү филиалы директоры Ивао Охаси чакырды. Бу елның сентябрендә Охаси әфәнде Япония компанияләре делегациясенең Татарстанга визитын озатты.

Татарстан Республикасының инвестицион үсеш агентлыгында үткән очрашу барышында Ивао Охаси Татарстан Республикасының инвестицион үсеш агентлыгы җитәкчесе Линар Якуповны һәм Татарстан Республикасы үсеш корпорациясе Генераль директоры Булат Гаяновны Япония бизнесы вәкилләре алдында чыгыш ясарга чакырды. Ул бизнес клуб вәкилләре «СМАРТ Сити Казан» Халыкара инвестицион технополисы проекты турында белергә тиеш дип билгеләде. Ивао Охаси, шулай ук, проектта япон технологияләрен куллану мөмкинлеген ассызыклады.

Охшаган проектны Multriwell һәм Trisoplast Mineral Liners Нидерланд компанияләре инде Самара шәһәрендә тормышка ашырдылар.

Татарстан Республикасының инвестицион үсеш агентлыгында (ТР ИҮА) үткән очрашуларда Нидерланд компанияләре Татарстанда мусорны эшкәртү буенча «multriwell» һәм «trisoplast» эффектив системаларын тәкъдим иттеләр.

Беренче очрашу барышында Trisoplast Mineral Liners корпорациясе Тиҗәрәт директоры  Юджин Тимерман һәм компаниянең Россия офисы вәкиле Владислав Проскуряков ТР ИҮА башлыгына электр энергиясен җитештерү һәм эффектив газ чыгару өчен полимердан изоляцион материалларны җитештерү буенча проект тәкъдим иттеләр.

«РИА Рейтинг» агентлыгы рейтингы мәгълүматы буенча Татарстан Республикасы яшәү шартлары буенча иң алда баручы регионнары арасына керде. Шул исемлектә республика дүртенче урынны алды.

Рейтинг 10 группага берләшкән 61 күрсәткечтән тора. Алар арасында: халыкның керем дәрәҗәсе, яшәү шартлары, иҗтимагый инфраструктура белән тәэмин ителү, экологик һәм климат шартлары, яшәү куркынычсызлыгы, демографик хәл, халык сәламәтлеге һәм белем дәрәҗәсе, транспорт инфраструктурасы, икътисади үсеш дәрәҗәсе, кече бизнес үсеш дәрәҗәсе һәм башкалар.

Беренче урыннарны Мәскәү һәм Санкт-Петербург алдылар. Беренче унлыкка, шулай ук, Татарстан Республикасы, Мәскәү, Краснодар, Белгород, Воронеж, Ханты-Манси, Югра, Төмән һәм Түбән Новгород өлкәләре керде.

Очрашуда Татарстан Республикасының медицина продукциясен чил илләргә җәлеп итү сораулары каралды.

Татарстан Республикасының инвестицион үсеш агентлыгында (ТР ИҮА) үткән очрашуда Агентлык җитәкчесе урынбасары Инсаф Галиев, Татарстан Республикасының экспорт корпорациясе Генераль директоры Айрат Назмеев, Татарстан Республикасының экспорт корпорациясе Генераль директорының беренче урынбасары Айдар Абдрахманов, Татарстан Республикасының үсеш корпорациясе Генераль директоры Булат Гаянов, Татарстан Республикасының Сәүдә-сәнагәть пулаты рәисе урынбасары Артур Николаев, Татарстан Республикасының экспортка ярдәм итү үзәге җитәкчесе Василий Чистяков һәм медицина өлкәсендә эшләгән кайбер зур компанияләр башлыклары катнаштылар.

Очрашу барышында кунакларга Татарстан Республикасының инвестицион мөмкинлекләр, кластерлы үсешкә ниигезләнгән «СМАРТ Сити Казан» проекты тәкъдим ителде. Айрат Назмеев ассызыклаганча, Татарстан Республикасының экспорт корпорациясе медицина өлкәсендә эшли торган эшханәләренә күргәзмә эшчәнлеге аша продукцияне экспортка чыгаруда ярдәм итергә, финанс һәм юридик хезмәт күрсәтүгә әзер.

Мәскәүдә «Ведомости» һәм «Стратегик инициатива агентлыгы» (СИА) бердәм конференциясендә «Россия Федерациясендә инвестицион климатын яхшырту» Милли эшмәкәрлек инициативасы (МЭИ) – Владимир Путинның Россия Федерациясендә бизнес алып бару шартларын яхшырту буенча проекты нәтиҗәләрен чыгардылар.

«Уңай инвестицион климаты таба 100 адым. Казанышлар һәм яңа проблемалар – 2013» конференциясе «Деловая Россия» Бөтенроссия җәмгыяти оешмасы очрашуында Милли эшмәкәрлек инициативасын тормышка ашыру турында Владимир Путинның белдерүеннән ике ел үткәч кенә булдырылды. Киләсе икееллыкка Россия Президенты МЭИның юл карталарын тәмамлау турында боерык бирде.

Чарада төрле дәрәҗәле дәүләт оешмалары вәкилләре, бизнесменнар, региональ идарәчелекләр, ассоциацияләр вәкилләре һәм башкалар катнаша. Алар булган тәҗрибәне билгеләчәкләр һәм алдагы 2014-2015 елларга перспективалы максатларны куячаклар.

12 декабрьдә Мәскәүдә Татарстан Республикасының инвестицион үсеш агентлыгы регионның хезмәт индустриясе һәм туризм өлкәсе буенча инвестицион семинарын үткәрде.

Семинарда катнашучылар арасында Hilton Worldwide, InterContinental Hotels Group, «ICS Travel Group», Mamaison All-Suites Spa Hotel Покровка, Кортьярд Мариотт Казан, PwC, Россиянең бизнес туризмы ассоциациясе, EY, Россия франчайзинг ассоциациясе, CNBC, Россия һәм Төркия бизнес ассоциациясе, Россиядә Мексика, Франция, Малайзия илчелеге вәкилләре булдылар.

Чараны ачканда Татарстан Республикасының инвестицион үсеш агентлыгы җитәкчесе Линар Якупов Татарстанның приоритетлы үсеш юнәлешләре буенча семинарларны регуляр рәвештә Мәскәүдә үткәрү республиканың алга таба мавыктыру һәм инвесторлар белән диалогны урнаштыру өчен ярдәм итә дип билгеләде.