ЯҢАЛЫКЛАР

Татарстан Республикасының инвестицион үсеш агентлыгында VI Россия һәи ИХО илләренең Халыкара икътисади саммиты KazanSummit 2014 кысаларында тәкъдим ителәчәк  инвестицион проектларны кабул итү башланды.

Россия һәи ИХО илләре хезмәттәшлегенең төп мәйданы – KazanSummit – Татарстан Республикасының башкаласында 2014 елның 5-6 июнендә үтәчәк. Һәр елны бу мәйданда иң үсеш алган мөселман илләреннән бизнес буенча инвесторлар һәм партнерлар очраша. 6 ел эчендә  KazanSummit мәйданында Татарстан, Россия регионнары, БДБ илләре һәм башка чит илләрнең 400 дән артык инвестицион проектлары презентацияләнде.

KazanSummit 2014 өченТатарстан Республикасының инвестицион проектларны кабул итү регионның 8 приоритетлы үсеш юнәлешләренә карый: химия һәм нефтехимия сәнәгате; машина төзелеше һәм автокомпонентларны җитештерү; төзелеш һәм төзелеш материалларны җитештерү, авыл хуҗалыгы һәм эшкәртү, IT-индустрия и телеаралашу; «хәләл» индустриясе; медицина һәм фармацевтика; хезмәт күрсәтү һәм туризм.

5 июньдә Халыкара мәгълүмат үзәге мәйданында Россия һәм ИХО илләренең VI Халыкара икътисади саммиты (KazanSummit 2014) эшли башлачак.

57 ИХО илләре һәм Россия арасында үзара табышлы хезмәттәшлекне ныгыту, эшлекле һәм сәүдә аралашуларны үстерүгә багышланган уникаль икътисади вакыйгада катнашуы турында бизнесменнар, Татарстанның эре компанияләре, банклар һәм Россия регионнары җитәкчеләре, чит ил илчеләре, ИХО илләренең бизнес оешмалары вәкилләре һәм гарәп инвесторлар белдерделәр. Катнашучыларны чарада теркәү  www.kazansummit.ru сайтында үтә.

 Саммит сайтында, шулай ук, мәгълүмат чаралары вәкилләре өчен аккредитация ачык. Журналистлардан гаризалар 1 июньгә кадәр дәвам итәчәк. KazanSummit мәгълүматы буенча һәр елны саммитта 150 дән артык матбугат чаралары вәкилләре катнаша.

Татарстан Республикасының Президенты Рөстәм Миңнеханов белән аның Антальяга визиты кысаларында үткән очрашуда регионга керергә әзер булган проектны Төркия бизнес оешмалары тәкъдим итте.

Татарстан җитәкчелеге үз чиратында Анталья провинциясе инвесторларын республиканың төрле икътисад өлкәләренә җәлеп итүдә кызыксынуын һәм алар өчен зур мөмкинлекләр бирүен белдерде. Антальяга Татарстан  делегациясенең визиты, шулай ук, Рөстәм Миңнехановның Төркия компанияләре белән икеяклы очрашулар кысаларында якларның хезмәттәшлек перспективалары турында уртаклаштылар.

«Зур икътисади потенциал бар һәм аны кулланырга кирәк, - дип Рөстәм Миңнеханов форум барышында белдерде. - Россия базары актив үсеш ала, һәм без Төркия компанияләрнең Татарстанны сайлауда кызыксынабыз».

МИЗ «Алабуга»да урнашкан «Кастамону Интегрейтед Вуд Индастри» заводы Генераль директоры Антальяда Татарстан-Төркия эшлекле форумы кысаларында Татарстанда бизнес үстерү өстенлекләре белән уртаклашты.

Татарстанны һәм «Алабуга» махсус икътисади зонасы мәйданын «Kastamonu Entegre» компаниясенең заводын төзү урыны өчен сайлау сәбәбе булып, Онур Гювен билгеләгәнчә, республика җитәкчелеге ягыннан инвесторларга яхшы мөнәсәбәте, уңай урын алу, әзер инфрастуктура булып тора.

«Татарстанны сайлауда без ялгышмадык һәм Төркия инвесторларын республикада эш итергә чакырабыз», - дип Онур Гювен Татарстан-Төркия эшлекле форумы кысаларында белдерде. Ул, шулай ук, Татарстанның туристлар өчен сөйкемле булуын билгеләде һәм ватандашларны Казанны һәм республиканы карарга чакырды.

Кул кую церемониясе Антальяда Татарстан-Төркия эшлекле форумы кысаларында үтте.

Килешү Төркия һәм Татарстан Республикасы арасында туристик алмашуны оештыру турында була. Atlasjet белән бергә туристик компания Төркия туристларының Казанга килү өчен пакетлар формалаштыра.

Авиакомпания ягыннан төп сорау Казанга регуляр очулар ешлыгын арттыру булып тора дип билгеләнде.

Татарстан Республикасының инвестицион һәм икътисади потенциалы презентациясендә 100 дән артык Төркия бизнесменнары катнаштылар.

Антальяга Рөстәм Миңнеханов башлыгында Татарстан делегациясенең рәсми визиты кысаларында үткән форумны Анталья Сәүдә-сәнәгать пулатының Директорлар киңәшмәсе рәисе Четин Осман Будак ачты. Катнашучыларны сәламләгәндә, ул, Казанның Анталья белән 2002 елдан ахирәт булуы һәм Россия регионнары һәм Төркия сәүдә-сәнәгать пулатлары арасында 2006 елдан эшли торган килешүен билгеләп үтте.

Республика Президенты Рөстәм Миңнеханов, Россия-Төркия мөнәсәбәтләре кысаларында Татарстан һәм Төркиянең актив хезмәттәшлеген ассызыклап, Татарстанның Анталья провинциясе белән хезмәттәшлек перспективалары турында сөйләде. Республика президенты Төркия эшмәкәрләренә инвесторлар өчен максималь уңай шартларны булдыруын билгеләде һәм аларны Татарстанга килергә чакырды.

«Региональ агентлыклар ассоциациясе» махсус тиҗәрәт булмаган партнерлыкның эш юнәлешләре, составы һәм структурасы Россия Федерациясенең региональ үсеш министры Игорь Слюняев рәислегендә Мәскәүдә үткән Ассоциациянең беренче утырышы барышында билгеләнде.

Ассоциацияне булдыру инициативасы белән Россиянең региональ үсеш министрлыгы һәм инвестицияләрне җәлеп итү буенча региональ агентлыклар, үсеш корпорацияләре һәм WAIPA партнерлыгы белән бергә «Invest inRussia» Россия инвестицион агентлыгы булып торды.

«Региональ агентлыклар ассоциациясе» Россия Федерациясе субъектларында инвестицион агентлыклар арасында тәҗрибә белән алмашу һәм аралашу, шулай ук халыкара инвестицион берләшмәгә интеграция өчен платформа булып тора. Аның төп юнәлешләре арасында территорияләрнең инвестицион климаты турында материалларны язу, Россия регионнары һәм илнең инвестицион потенциалы, инвесторларга ярдәм итү буенча дәүләт программалары, инвестицияләр өчен Россия икътисадының приоритетлы өлкәләре, һәр регионда һәм секторларда инвестицияләү үзенчәлекләре турында мәгълүматны инвесторларга бирү булып тора.

Делегация башлыгында Гыйрак Гадәттән тыш һәм Тулы вәкаләтле Илчесе Исмаил Шәфыйк Мөхсин әфәнде тора.

Бүген Татарстан Республикасының инвестицион үсеш агентлыгында Россия Федерациясендәге Гыйрак Республикасының илчелеге делегациясе Агентлык җитәкчелегенең Беренче урынбасары Роберт Галиуллин белән очрашу узды.

Очрашуда, шулай ук, Татарстан Республикасының инвестицион үсеш агентлыгының инвестицион проектлар буенча бүлеге рәисе Рустам Мингазов һәм Татарстан Республикасының экспорт корпорациясе  Генераль директоры Айрат Назмеев катнашты.

Татарстан Республикасы Президенты Рөстәм Миңнеханов Төрекмәнстанга визиты кысаларында Төркия Республикасы Президенты Абдуллах Гүл белән очрашты.

Ашхабадта узган бу очрашуда Төркия Республикасы авыл хуҗалыгы һәм терлекчелек министры Мәхмәт Мәхди Экер, Төркия Президенты администрациясенең генераль сәркатибе Мостафа Исән, Төркия чит илләр эшләре министры урынбасары Наҗи Кору, Төркия Республикасы парламенты әгъзасы Мостафа Капуҗу, Татарстан Республикасы Премьер-министры урынбасары – сәнәгать һәм сәүдә министры Равиль Зарипов, Татарстан Республикасы транспорт һәм юллар хуҗалыгы министры Ленар Сафин, Татарстан Республикасы Инвестицион үсеш агентлыгы җитәкчесе Линар Якупов катнашты.

Рөстәм Миңнеханов билгеләп үткәнчә, Төркия чит илләре катнашуы белән уртак эшмәкәрләр буенча Татарстан Республикасында беренче урында тора. «Алабуга» махсус икътисади зона территориясендә генә дә белдерелгән Төркия инвестицияләре күләме 1,5 млрд. доллар тәшкил итә. Татарстан башлыгы ассызыклаганча, «Алабуга» территориясендә җитештерүләре урнашкан Төркия компанияләре Россия Федерациясенең Беренче вице-премьеры Игорь Шувалов рәислеге астында чит ил инвестицияләре буенча Консультатив киңәшмәсе утырышында актив катнаштылар.