Татарстан Президенты Рөстәм Миңнеханов декабрь башында республиканың “конкурентлы потенциал”ны тудыручы яшьләрнең үзен тормышка ашыру өчен системлы эш һәм талантлар үсеше өчен тирәлекне булдыру кирәклеге турында белдерде.

Шуның өчен Татарстан Республикасының Инвестицион үсеш агентлыгы үзенең командасына чакыру ясады: хәзер кадрлар резервына критерияләргә туры килә торган теләгән кеше керә ала. Алдагы вакытта бу дәүләт хезмәткәрләре рәтенә конкурссыз керергә мөмкинлек бирә.

Ислам Үсеш Банкы вәкиле Мөхәммәд Умар Хөсәйн әфәнде республикага Татарстан Республикасының инвестицион үсеш агентлыгы җитәкчесе Талия Миңнуллина чакыруы белән килде. Агентлык ярдәмендә Мөхәммәд Умар Хөсәйн әфәнде төрле очрашулар үткәрде, алар арасында Татарстан Республикасының икътисад министрлыгы, Татарстан Республикасының Милли банкы, Татарстан Республикасы буенча Федераль салым хезмәте рәислеге, ААҖ “Ак Барс” Банк, Татарстан халыкара инвестицион компаниясе, “Амаль” Финанс йорты җитәкчелекләре белән очрашулар булды.

2014 елның 13 декабрендә Татарстан Республикасының Премьер-министры Ильдар Халиков “Россия таянычы” оешмасының региональ бүлекләре рәисләре – “Кече һәм урта бизнес: үсешнең региональ нокталары” форумы катнашучылары белән очрашты. Татарстан Республикасының икътисад министрлыгы ярдәмендә һәм Татарстан Республикасының инвестицион үсеш агентлыгы, шулай ук Татарстан Республикасының Президенты карамагындагы эшмәкәрләрнең хокуклары саклау буенча вәкиле катнашуы белән “Россия таянычы” оешмасы оештырган форум 12 декабрьдә Казанда ачылды. Чарада “Россия таянычы” оешмасының президенты Александр Калинин һәм аның региональ бүлекләре рәисләре – барлыгы Россиянең 30 регионыннан 50 дән артык бизнес вәкилләре катнаштылар. 

Татарстан Республикасының инвестицион үсеш агентлыгында 11 декабрьдә Татарстан Республикасының инвестицион үсеш агентлыгы җитәкчесе Талия Миңнуллина һәм Иран Ислам Республикасының Генераль консулы Расул Багернежад Шаян очрашу уздырдылар. 

Ришвәтчелеккә каршы көрәш буенча халыкара көнгә багышланган мөһим иҗтимагый дискуссия тугызынчы декабрьдә Казан IT-паркында үтте. Чарада Татарстан Республикасының Дәүләт Киңәшмәсе рәисе Фәрит Мөхәммәтшин, шулай ук Татарстан Республикасының инвестицион үсеш агентлыгы җитәкчесе Талия Миңнуллина катнашты.

Фәрит Мөхәммәтшин билгеләгәнчә, Татарстан Республикасы Президентының Дәүләт Киңәшмәгә еллык посланиесында халыкның ришвәтчелеккә каршы хисен формалаштыру мөһимлеге ассызыкланды. Әлеге процесста төп бурыч ришвәтчелек моделе тирәлегендә җәмгыятьнең түземсезлек атмосферасын булдыру булып тора,монда тәрбия һәм мәдәният, төрле чикләүләр карала.

2014 елның 8 декабрендә Татарстан Республикасының Хөкүмәт Йортында  «Зорлу Холдинг» компаниясе рәисе Ахмет Зорлу һәм Татарстан Республикасы Президенты Рөстәм Миңнеханов арасында очрашу узды. Республика вәкилләре арасында Татарстан Республикасының инвестицион үсеш агентлыгы җитәкчесе Талия Миңнуллина булды.

Яклар үзара кызыксыну булдырган темаларга сөйләштеләр.

Беренче сорау Татарстан Республикасының потенциалын куллану белән полимер нигезендә тукыма кластерын булдыру булып торды. Рөстәм Миңнеханов сүзләре буенча, әгәр нигезендә синтетик материаллар булса, әлеге юнәлеш перспектив булып торачак. Безнең чимал потенциалын кулланырга кирәк дип белдерде. Президент карары буенча, әлеге юнәлеш үсеше вариантларын карачак эш группасы булдырылачак. Республика ягыннан эш группасына Татарстан Республикасының сәнәгать һәм сәүдә министрлыгы вәкилләре, ААҖ «Татнефтехиминвест-холдинг» вәкилләре керәчәкләр.

Бүген Галиәскар Камал исемендәге дәүләт академик театрында “Татарстанның эшлекле партнерлары” форумының пленар утырышы үтте. Чара Татарстан Республикасының Президенты Рөстәм Миңнеханов һәм республиканың идарәләр һәм министрлыклар җитәкчеләре катнашуы белән үтте.

Форумда делегатлар Россиянең 54 регионыннан татар эшмәкәрләре, шулай ук чит ил вәкилләре булып тордылар. Пленар утырыш алдыннан алар театрның фойесында тәкъдим ителгән авыл хуҗалыгы продукциясе белән таныштылар.

Бүген Татарстан Республикасының Хөкүмәт йортында Татарстан Республикасының Президенты Рөстәм Миңнехановның Россиядә Бөекбритания һәм Төньяк Ирландия илчелегенең икътисад, сәүдә һәм инвестицияләр буенча Киңәшчесе Барбара Хаббердж ханым белән очрашты.

“Татарстанның эшлекле партнерлары” форумы делегатлары белән бүген Татарстан Республикасының Президенты Рөстәм Миңнеханнов очрашты.  Татарстан Республикасының Хөкүмәт Йортында үткән очрашуда, шулай ук, Татарстан Республикасының инвестицион үсеш агентлыгы җитәкчесе Талия Миңнуллина катнашты.

“Татарстанның эшлекле партнерлары” форумына Россиянең 57 районыннан эшмәкәрләр килде, шулай ук, Татарстан җәмгыяви оешмаларда актив катнашкан Кытай һәм Төркия илләреннән вәкилләр булды. 

2014 елның 3 һәм 4 декабрендә Татарстан Республикасының Президенты Рөстәм Миңнеханов катнашуы белән “Талантларны ачу” Халыкара форумы үтте. Әлеге фәнни-технологик мәйданда талантлар һәм потенциал, яшьләрнең сәләтләрен үстерү белән шөгелләнгән белгечләр, тикшеренүчеләр, укытучылар һәм җитәкчеләр катнаша. Форумның төп партнерлары арасында Татарстан Республикасының компанияләр, оешмалар, инновацион проектларның кадрлар хезмәтләре җитәкчеләре булды.

Форум ачышы һәм пленар утырышта Татарстан Республикасының инвестицион үсеш агентлыгы җитәкчесе Талия Миңнуллина катнашты.