“Үсеш институтлары аша тормышка ашыручы инвестицион проектларда катнашучы – белгечләрне әзерләү” белем проекты кысаларында 2015 елның 22 апрелендә Уфада “Идел буе федераль округында дәүләт-хосусый партнерлык проектларын оештыру” темасына семинар үтәчәк.

2-4 апрельдә Р. Нежметдинов исемендәге Шахмат мәктәбендә Татарстан Республикасының дәүләт хезмәткәрләре спартакиадасы кысаларында шахмат буенча ярышлар үтә.

Турнирда Татарстанның 27 министрлык, идарәлек һәм башка хөкүмәт органнары командалары катнаша, һәр командада 3 катнашучы – 2 ир-ат һәм 1 хатын-кыз.

30 мартта Татарстан Республикасының инвестицион үсеш агентлыгы җитәкчесе карамагындагы ТР ИҮА җитәкчесе урынбасары Инсаф Галиев үткәргән ришвәтчелеккә каршы комиссиясе утырышы үтте.

Утырышта 2014 ел ришвәтчелеккә каршы мониторинг нәтиҗәләре, төп җинаять һәм канунчылык, дәүләт хезмәткәрләре табышлары турында белешмәләрне тутыру буенча методик тәкъдимнәр кебек сораулар каралды.

Татарстан Республикасының инвестицион үсеш агентлыгы “Җир сәгате” еллык халыкара акциясендә катнашты, чара 28 мартта 20:30-21:30 Мәскәү вакыты буенча үтте. Бер сәгатькә Агентлык бинасының архитектур-декоратив яктыртуы сүндерелде, шулай ук электр энергиясен куллануын киметүгә юнәлгән башка чаралар башкарылды.

Рөстәм Миңнеханов җитәкләгән Татарстан Республикасының делегациясе 30 март - 1 апрельдә Берләшкән Гарәп Әмирлекләрендә үтүче Annual Investment Meeting халыкара форумында катнаша.

Форум халыкара стратегик һәм инвестицион хезмәттәшлеккә юнәлгән, форум мәйданнарында 140 илдән 500 компания тәкъдим ителгән. Шулай ук AIM да алда баручы белгечләр, фән эшчеләре һәм практиклар катнаша. Чараны Дубай эмиратының хөкемдары, БГӘ вице-президенты һәм премьер-министры Шейх Мөхәммәд бин Рашид Аль Мактум ярдәмендә БГӘ Икътисад министрлыгы оештыра.

 Бүген “Корстон”да Татарстан-Төркия форумы үтте. Чарада Татарстан Республикасының Президенты вазифаларын вакытлыча башкаручы Рөстәм Миңнеханов , Төркия Республикасының Икътисад министры Нихат Зейбекджи, Татарстан Республикасының инвестицион үсеш агентлыгы җитәкчесе Талия Миңнуллина, «DEIK» Төркия Тышкы икътисади элемтәләр буенча киңәшмә рәисе Омер Джихад Вардан, 20 Төркия компания топ-менеджерлары, Татарстан дәүләт органнары һәм тиҗәрәт структуралары вәкилләре катнаштылар. Форум ачышы алдында булачак инвесторларга махсус күргәзмәдә Татарстан инвестицион һәм икътисади потенциалы белән танышу мөмкинлеге күрсәтелде. 

Россия Федерациясендәге Италия Республикасының Гадәттән тыш һәм Тулы вәкаләтле Илчесе Чезаре Мария Рагальини башлыгында зур Италия делегациясе Татарстан Республикасына килде. Делегация составында -  Novasider S.r.l., UBI Banca Scpa, Agrotecnica SRL, Startex SpA, GTC sas, Reimex Srl һәм башка компанияләр вәкилләре.

Бүген Татарстан Республикасының Президенты вазифаларын вакытлыча башкаручы Рөстәм Миңнеханов ТР Хөкүмәт Йортында Allied Mineral Products компаниясе вәкилләрен кабул итте. Делегация Татарстанга ТР инвестицион үсеш агентлыгы чакыруы белән килде, очрашуда ТР ИҮА җитәкчесе Талия Миңнуллина катнашты.

Татарстан Республикасының инвестицион үсеш агентлыгы җитәкчесе Талия Миңнуллина Татарстан Республикасының Президенты вазифаларын вакытлыча башкаручы Рөстәм Миңнехановның Россия Федерациясендәге Даниянең Гадәттән тыш һәм Тулы вәкаләтле илчесе Томас Виклер белән очрашуында катнашты.

 2012 елдан ТР ИҮА җитәкчесенең Беренче урынбасары булган  Роберт Галиуллин Америка Кушма Штатларындагы Татарстан Республикасының Сәүдә вәкиле булып билгеләнде.

2015 елның 23 мартыннан Татарстан Республикасының Министрлар Кабинеты карары буенча ТР вәкиле 24 марттан үз вазифаларын үтәргә кереште.