ЯҢАЛЫКЛАР

Бүген 28-29 ноябрьдә үткән «Евразия икътисади интеграциясе: казанышлар һәм проблемалар» форумы кысаларында катнашучыларга «СМАРТ Сити Казан» халыкара инвестицион технополисы тәкъдим ителде.

Чара «Россотрудничество» Федераль агентлыгы һәм Татарстан Республикасының Хөкүмәте патронажы астында үтте. Ике көнлек форум эше барышында ике пленар утырыш, төрле темаларга уртаклашу, Мәскәү, Санкт-Петербург, Киев, Минск, Ереван, Пекин һәм Брюссель шәһәрләрендә урнашкан мәйданнар белән видеоаралашу булды.

Форумда «Россотрудничество» Федераль агентлыгының башлыгы Константин Косачев, «Евразия диалогы» башлыгы Андрей Климов, Татарстан Республикасының Дәүләт киңәшмәсе рәисе Фәрит Мөхәммәтшин, Евразия интеграцион процессына кергән илләр хөкәмәтләренең вәкилләре, Россия, Казахстан һәм Белоруссия бизнес вәкилләре, галимнәр, белгечләр, БДБ һәм Европа берләшмәсе илләре вәкилләре катнаштылар.

12 декабрь көнне Россия Федерациясендә Татарстан Республикасының вәкаләтле вәкиллегендә Татарстан Республикасының инвестицион үсеш агентлыгы регионның туристик кластеры буенча семинар үткәрәчәк.

Хезмәт күрсәтү һәм туризм Татарстан республикасының сигез приоритетлы үсеш юнәлешләренең берсе булып тора. «Хезмәт күрсәтү һәм туризм» инвестицион семинарында шул өлкәдә эшли торган кайбер Татарстан, Россия һәм чит ил компанияләре вәкилләре катнашачак. Семинарда Татарстан Республикасының инвестицион потенциалы, республика территориясендә туризм белән бәйләнгән эшмәкәрлекне ачу өстенлекләре һәм Татарстанның туристик кластеры хәле тәкъдим ителәчәк.

«Хезмәт күрсәтү һәм туризм» инвестицион семинары - Татарстан Республикасының инвестицион үсеш агентлыгының өченче тышкы чарасы булып тора. Июньдә машина төзелеше һәм автокомпонентларны җитештерү һәм сентябрьдә медицина һәм фармацевтика буенча семинарлар үтте.

Халыкара инвестицион технополисы буенча Казахстан кунаклары күп төрле сораулар бирделәр һәм проект буенча зур кызыксынуын белдерделәр.

Казахстан Республикасының Кызылорда өлкәсе делегациясе башлыгында аким Крымбек Кушербаев булды. Кунаклар үз визитын Татарстан регионының Кама арты зонасын каравыннан башладылар. Шунда алар ТАНЕКО, ТАИФ-НК, «Нижнекамскшина», «ЕлАЗ» заводларында һәм МИЗ «Алабуга» да булдылар.

28 ноябрьдә кунаклар «Казан» халакара аэропортына килделәр, шунда аларны Татарстан  Республикасының Президенты Рөстәм Миңнеханов каршы алды. Казан аэропортында Казахстан делегациясе вәкилләре 1А терминалын карадылар һәм 17 ноябрьдә авиа һәлакәттә вафат булган кешеләргә багышланган урынга чәчәкләр куйдылар.

26 ноябрь көнне Татарстан Республикасының Инвестицион үсеш агентлыгында Бельгия Hygiene Technologies компаниясе президенты Барт Ван Малдерен республиканың министрлыклар, идарәләр һәм Татарстан компанияләре вәкилләре белән очрашты.

Hygiene Technologies делегациясе составына, шулай ук, VGP (Чехия) компанияләр группасы вәкилләре – Үзәк һәм Көнчыгыш Европада урнашкан сәнәгать парклары һәм логистика комплекслары девелоперы керде.

Очрашуда МИЗ “Алабуга” территориясендә гигиена продукциясен җитештерү буенча заводын төзү проектын тормышка ашыру турында сөйләделәр: бу елның март аенда Hygiene Technologies махсус икътисади зона резиденты статусын алды. Проектка инвестицияләр күләме якынча 1 млрд. сум тәшкил итә.

Global Islamic Finance Awards (GIFA) – Ислам финанслары буенча халыкара премиясен бирү церемониясе 26 ноябрь көнне Ислам ваклап сату банкингы буенча Бөтендөнья конференциясе (World Islamic Retail Banking Conference) кысаларында үтте.

Татарстан Республикасының Инвестицион үсеш агентлыгы җитәкчесе Линар Якупов GIFA премиясенең Islamic Finance Advocacy Award 2013 – ислам финансларын алга таба мавыктыруга ярдәм итү өчен номинациясендә премиясе белән бүләкләнде. Махсус бүләк Линар Якуповның Татарстан Республикасында банк системасын һәм финанслары үсешенә ярдәм итүе өчен бирелде.

Германия Инвестицияләр һәм үсеш корпорациясе (Deutsche Investitions - und Entwicklungsgesellschaft mbH – DEG) делегациясенең республикага эш визиты ике көн дәвам итәчәк.

Бүген Татарстан Республикасының Инвестицион үсеш агентлыгында DEG компаниясенең Татарстан Республикасының Инвестицион үсеш агентлыгы җитәкчесенең беренче урынбасары Роберт Галиуллин, Татарстан Республикасының Инвестицион үсеш агентлыгы инвестицион проектларын тикшерү бүлеге рәисе Гүзәл Муллаярова, Татарстан Республикасының Үсеш Корпорациясе башлыгы, регионның иң эре компанияләр вәкилләре һәм Татарстан республикасы инвестицион проектларында катнашучылар белән очрашулар узды.

Германия Инвестицияләр һәм үсеш корпорациясе, шулай ук, Татарстан Республикасының Дрожжан районының башлыгы Александр Шадриков һәм Дрожжан районының Үсеш корпорациясенең үсеш буенча директоры урынбасары Ленар Салимуллин белән очрашты.

Чара Самарада 3 декабрь көнне “Белгечләрне – үсеш институтлары ярдәмендә тормышка ашырыла торган инвестицион проектлар катнашучыларын әзерләү” белем проекты кысаларында үтәчәк.

“Инвестицион проектларны әзерләү һәм алар белән идарә итү” семинарының максаты – оешмаларның белгечләрен – банкның булачак партнерларын инвестицион проектларны әзерләү һәм идарә итү белән таныштыру.

Чара кысаларында Внешэкономбанкта инвестицион проектларны сайлау критерияләрен һәм төп принципларын карау, дәүләт-шәхси партнерлык механизмнарын кулланып проектларны тормышка ашыру үзенчәлекләре буенча уртаклашу планлаштырыла.

28 ноябрьдә республика башкаласында “Татарстан логистикасы 2013: Алда баручылардан эффектив чишелешләр” конференциясе үтәчәк.

Чара “Амакс Сафар Отель” кунакханәсендә үтәчәк. Конференция максаты – күпләп алучы компанияләр, сатучылар, йөк хуҗалары, логистика операторлары, җитештерүчеләр һәм техниканы китиреп торучылар арасында сөйләшүләр өчен бизнес-мәйданны булдыру.

Конференцияне “Логопарк.ру” компаниясе, Knight Frank халыкара консалтинг компаниясе һәм Ekbpromo коммуникацион группасы оештыра. Чара эшенең форматы – докладлар, презентацияләр, сөйләшүләр. 100-120 кеше чарада катнашачак дип көтелә. Алар арасында күпләп алучы, логистика компанияләр,  сатучылар, брокерлар, иҗарәгә алучылар, йөк ташучылар һәм башкалар катнаша.

Мөселманнарның иң зур сәяси һәм икътисади саммитын Thomson Reuters халыкара компаниясе белән бергә Дубаиның Сәүдә һәм сәнәгать пулаты оештыра.

Бүген Берләшкән Гарәп Эмиратларының Мадинат Джумейра курорты территориясендә Бөтендөнья икътисади ислам саммиты (Global Islamic Economy Summit 2013) дәвам итә. Саммит БГЭ Премьер-министры шейх Мөхәммәд бин Рәшид Аль-Мактум ярдәмендә Дубаины дөнья ислам икътисады башкаласына әйләндерү стратегиясе буенча үтә.  

Форумда 2 меңнән артык хөкүмәт, икътисади үсеш министрлыклары һәм үзәк банклары, сәнәгать, банк, финанс  һәм башка бизнес өлкәләре, дәүләт һәм шәхси компанияләр вәкилләре, эре милли, региональ һәм миллиара компанияләр башлыклары катнашалар. Татарстан Республикасыннан саммитка Татарстан Республикасының Инвестицион үсеш агентлыгы җитәкчесе Линар Якупов килде.

“Татарстан банкы” Россия Сбербанкының яңа бүлеге республика территориясендә төрле проектлары өстендә эшли торган чит ил компанияләренә хезмәт күрсәтүгә юнәлгән.

International Desk бүлеген ачу чарасында “Россия Сбербанкы” Идарә итү рәисе урынбасары Сергей Горьков, Россия Сбербанкының Идел-Вятка банкы рәисе урынбасары, “Татарстан банкы” бүлеге башлыгы Рушан Сахбиев, Татарстан Республикасының Инвестицион үсеш агентлыгы җитәкчесенең беренче урынбасары Роберт Галиуллин һәм кайбер Төркия компанияләре башлыклары катнаштылар.

Роберт Галиуллин сүзләре буенча, Татарстан республикасында 1,4 мең чит ил компанияләре эшли, алардан 568 100%лы чит ил капиталы белән.