Вологда өлкәсенең Икътисади үсеш департаменты рәисе Кирилл Торопов җитәкләгән делегация Казанга Татарстан хезмәткәрләре белән инвестициләрне җәлеп итү һәм башка өлкәләрдә алдагы хезмәттәшлек үсеше һәм тәҗрибә белән алмашу максаты белән килделәр. Икътисади үсеш департаменты икътисад өлкәсендә вәкаләтләрне үтәүче башкарма хакимият органы булып тора.

 5 мартта Татарстан Республикасының инвестицион үсеш агентлыгы карамагында Җәмгыяви киңәшмә утырышы үтте.

Утырышта республика өчен мөһим булган ике сорауны карадылар (Инвестицион портал проекты һәм Стратегия 2030 ның “Инвестицион сәясәт” бүлегенә тәкъдимнәр), шуның өчен утырыш киңәйтелгән форматта үтте. Шулай уртаклашуда ТР Мәгълүматлаштыру һәм элемтә министрлыгы, ТР Икътисад министрлыгы, Стратегик инициативалар агентлыгы, AV Group институты һәм башка оешмалар вәкилләре катнаштылар.

Катнашучылар 2030 елга кадәр Татарстан Республикасының социаль- икътисади үсеш стратегиясен тормышка ашыру буенча чаралар комплексының 3.3.3 номерлы “Инвестицион сәясәт” бүлегенә ТР ИҮАның тәкъдимнәре буенча уртаклаштылар.

Мәсәлән, тәкъдимнәр арасында ТР инвестицион үсеш махсус дәүләт программасын уйлап табу һәм раслау, ТР территорияләрнең инвестицион сөйкемлелеген рейтинглау методикасы, инвестицион меморандумга керүче проектларны тормышка ашыру буенча парламентлы тыңлауларны регуляр рәвештә үткәрү, махсус Инвестицион фондны булдыру укыту чараларны үткәрү кебек чаралар булды. ТР ИҮА 65 тән артык билгеле тәкъдимнәрне үз эченә алучы пул формалашты.

Җәмгыяви киңәшмә бирелгән чараларны яклады һәм документ проектын эшләп бетерүдә мәҗбүри хисапка алыначак берничә өстәмәләрне тәкъдим итте.

Җәмгыяви киңәшмә вәкилләренә яңа Инвестицион портал концепциясе (интернет-ресурсны булдыру шулай ук Стратегия чаралары комплексына кертергә планлаштырыла) - Татарстан Республикасының инвестицион потенциал “витринасы” һәм виртуаль мәйдан  күрсәтелде.

Татарстан Республикасының Президенты Рөстәм Миңнеханов Казан Кремлендә Россиядәге «ПрайсвотерхаусКуперс» (PricewaterhouseCoopers, PwC) компанияләр группасы идарә итүче партнеры Дэвид Грей белән очрашу уздырды. 

Татарстан Республикасының Инвестиционн үсеш агентлыгында Kayi холдингы, Yasar Baytak медицина клиникасы һәм DS Endustri компаниясе вәкилләре белән очрашу узды.

ТР ИҮА җитәкчесе Талия Миңнуллина Татарстанның инвестицион һәм икътисади потенциалы презентациясен үткәрде һәм шуннан соң Төркия бизнесы топ-менеджерлары белән хезмәттәшлек юнәлеше турында сөйләште.

Берләшкән Гарәп Әмирлекләре Икътисад министры урынбасары Абдулла Аль Салех җитәкләгән делегациясе Татарстанга килде.

БГӘ Икътисад министрлыгы, БГӘ Милли банкы, Дубай инвестицион паркы, Дубай инвестицион компаниясе һәм башка структуралар вәкилләренең визит максаты алдагы бердәм проектларны тормышка ашыру белән Татарстанның икътисади һәм инвестицион потенциалы белән танышу булып тора.

 Татарстан Республикасының Президенты Рөстәм Миңнеханов 2015 елның 2 мартта № УП-199 боерыгына кул куйды. Боерык буенча “кайбер шәхесләрнең башка эшкә кергәнгә күрә” Татарстан Республикасының Инвестицион Совет составына үзгәрешләр кертелде.

КИП “Мастер” резидентлары белән очрашу барышында Яр Чаллыда Рөстәм Миңнеханов индустриаль парк территориясен зурайту турында тәкъдимне хуплады: инвестицион инфраструктура объектларының мәйданы хәзерге 643 мең кв. метрдан 2017 елга 1 млн. кв. метрга җитәчәк дип планлаштырыла. Реконструкцияләүгә төрле дәрәҗәдәге бюджеттан акча бүленеп биреләчәк. 

ТР ИҮА җитәкчесе “Чистай” индустриаль паркына визит белән килде, анда ул беренче резиденты -  ПО «Дельрус Чистай» ЧҖҖ (рус. «Дельрус Чистополь») җитештерү күәтләрен карады. Моннан башка Талия Миңнуллина төрле эшханәләр җитәкчеләре белән очрашты, алар арасында “Чистай икмәк заводы” ААҖ, “Бетар” ЧҖҖ, “Көнчыгыш-Амфибия” ЧҖҖ (рус. «Восток-Амфибия»), “НТЦ-Көнчыгыш” ЧҖҖ (рус. «НТЦ-Восток»), “Көнчыгыш-Монолит” ЧҖҖ (рус. «Восток-Монолит») җитәкчеләре булды һәм җитештерү мәйданнарын карады.

Татарстан Республикасының инвестицион үсеш агентлыгында Төркия Республикасының иң зур холдингларның берсе - Boydak Holding (1957 елда нигез салынды) керүче «Form Sunger» компаниясе вәкилләре белән очрашу узды. Form Sunger җиһаз, тукыма, медицина эшләнмәләре, ябышучан тыгыз мендәрләр, төрү материаллары, җылылык изоляцияләү өчен материалларын җитештерүдә кулланучы югары сыйфатлы каучук җитештерүендә махсуслаша. Чарада ТР Сәнәгать һәм сәүдә министрлыгы, ТР агач эшкәртү оешмалары һәм җиһаз Ассоциациясе һәм коммерция структуралары вәкилләре катнаштылар.

IT-паркта Татарстан Республикасында уңайлы инвестицион климатны тәэмин итү буенча Россия Федерациясе субъектының башкарма хакимият органнары эшчәнлеге стандартын кертү мониторингы буенча Белгечләр группасы утырышы үтте (№ 2096-р 2012 елның 15 ноябреннән РФ Хөкүмәте карары буенча расланды).