ЯҢАЛЫКЛАР

Бу елда 30 июньнән Мигель Робль-Дюран җитәкчелеге астында шәһәр үсешен планлаштыру һәм урбанистика буенча җәйге мәктәп Kazan Urban Forum чаралары кысаларында эшли башлачак.

Мәктәп Казан Федераль Университетының Идарә итү һәм территориаль үсеш институты белән бергә оештырылачак һәм 11 июльгә кадәр дәвам итәчәк.

Искә төшерик, узган елда Мигель Робль-Дюран Казанга инде килде һәм КФУда лекция үткәрде.

Татарстан Республикасының Президенты катнашуы белән «Россия регионнарының портреты: Россия регионнарының икътисадының дөнья системасына керү» эшлекле иртәнге аш 5 июньдә VI Россия һәм ИХО илләренең Халыкара икътисади саммитының программасын ачты.

Чараның катнашучыларын сәламләгәндә, Рөстәм Миңнеханов саммит мөһимлеген елдан ел үсүен ассызыклады: ислам банкингы буенча уртаклашу мәйданы рәвешендә башлап, бүген киң масштабын алды – KazanSummit 2014 тә 26 илдән 500 дән артык катнашучы, шулай ук Россиянең 20 регионнар вәкилләре катнаштылар.

«Бүген безнең өчен туры конструктив диалогны урнаштыру, чит ил вәкилләрнең Россия икътисады турында фикерләрне белү мөһим», - дип республика башлыгы ассызыклады.

Бөтендөнья инвестицион агентлыклар ассоциациясе (WAIPA) Башкарма директоры Карлос Бронзатто VI Россия һәм ИХО илләренең Халыкара икътисади саммитында хөрмәтле кунак булды һәм инвестицияләрне җәлеп итү буенча иң яхшы тәҗрибәләр сессиясендә чыгыш ясады.

Үсеш институтлары сессиясендә Татарстан, Марий Эл, Ульяновск, Калининград, Алтай үсеш корпрацияләре һәм Инвестицияләрне җәлеп итү буенча агентлыклар вәкилләре катнашуы белән инвестицион бренд һәм ил, регионның потенциалын алга таба мавыктыру, реклама һәм мәгълүмати кампанияләр үткәрү сораулары каралды.

Бронзатто әфәнде, мәсәлән, зур масштаблы PR-кампанияне үткәрү күп акча таләп итә дип ассызыклады.

VI Россия һәм ИХО илләренең Халыкара икътисади саммиты (KazanSummit 2014) кысаларында үткән түгәрәк өстәлендә үсешнең төрле яклы чыганагы рәвешендә бердәм регион бренды турында уртаклаштылар.

Сөйләшүдә территорияләрнең брендын булдыруда эшләүчеләр катнашты һәм үзләренең компанияләре тәҗрибәсе, шулай ук Татарстан брендының отышлы булуы турында белдерделәр. Чараның модераторы Татарстан Республикасының туризм буенча дәүләт комитеты рәисе Сергей Иванов булды. Спикерлар составына Brandflight Генераль директоры Сергей Митрофанов, РГУТиС фәнни эшчәсе Татьяна Кривошеева, StasMarketing группасының партнеры Андрей Стась, АГТ коммуникацион агентлыгының стратегик үсеше буенча директоры Владислав Шулаев һәм АНКОР холдингының директорлар киңәшмәсе рәисе Павел Игнатьев керде.

Беренче Казан урбанистик форумыннан конкурслар шәһәр тирәлеген үстерүгә юнәлгән. 6-25 июньдә шәһәрдә яшәүчеләрнең шәһәрне һәм ял итү урыннарын яхшырту буенча кайсы фикерләрен тормышка ашырырга сайлый алачаклар.

Шәһәрне төзекләндерү буенча проектлар 5 юнәлешкә бүленгән: велоинфраструктура, машиналар өчен туктау урыннары, хайваннар белән йөрү, мөмкин булган тирәлек һәм аерым чүп җыю. Иң актуаль фикерләрне http://yopolis.ru/budget/kazan_gorod сайтында сайларга мөмкин. Иң яхшы конкурс эшләре июньнең соңгы атнасында Казан шәһәренең идарә органына биреләчәкләр.

VI Россия һәм ИХО илләренең халыкара икътисади саммиты (KazanSummit-2014) кысаларында үткән Клуб утырышында Татарстан Республикасының компанияләр-инвесторлар җитәкчеләре һәм регион министрлыклары башлыклары катнаштылар.

Инвесторларны кызыктыручы сорауларга министрлыклар башлыкларының җавап бирү форматын, Татарстан Республикасының инвестицион үсеш агентлыгы җитәкчесе Линар Якупов билгеләгәнчә, Рөстәм Миңнеханов тәкъдим итте. Татарстан Республикасының Президенты ассызыклаганча, министрлыклар һәм идарәлекләр башлыкларының катнашуы Россия һәм чит илләр компанияләренең регион территориясендә үзенең проектларын тормышка ашыру барышында барлыкка килгән сорауларга эффектив җавап бирергә рөхсәт итә.

KazanSummit 2014 нең төп ваыйгаларның берсе – Стратегик форум чарасында катнашучыларын сәламләгәндә Рөстәм Миңнеханов Халыкара икътисади саммит Россия, Татарстан Республикасының ислам дөньясы белән аралашу әзерлеген күрсәтә дип ассызыклады.

«KazanSummit – Татарстан, Россия регионнарының инвестицион потенциалы, Росссиянең мөселман илләре белән хезмәттәшлеген ныгыту максатын күрсәтүче мөмкинлек», - дип республика башлыгы билгеләде.

Стратегик форумның төп темасы азык куркынычсызлыгы булып торды. Рөстәм Миңнеханов билгеләгәнчә, азык куркынычсызлыгы проблемалары яңа чишелешләрне табырга мәҗбүр итә. Мәсәлән, су-җир потенциалы, кирәк булган байлыклар җитмәгәндә яңа азык чыгагнакларын табу. Монда Россия, аеруча Татарстан белән хезмәттәшлек кирәлеге барлыкка килә.

Татарстан белән актив хезмәттәшлек итүдә кызыксынуын KazanSummit 2014 кысаларында үткән Татарстан-Эмират эшлекле форумы барышында БГЭ министры Султан бин Саид аль Мансури белдерде.

Берләшкән Гарәп Эмиратлары VI Россия һәм ИХО илләренең Халыкара икътисади саммитында хөрмәт иле булды. Республика башкаласына саммитта катнашу өчен зур БГЭ делегациясе килде. Татарстан Республикасының премьер-министры Ильдар Халиков катнашкан форумда яклар Татарстан һәм БГЭ арасында үзара табышлы инвестицион хезмәттәшлек үсеше перспективалары турында сөйләштеләр.

Ильдар Халиков сәламләү сүзендә билгеләгәнчә, БГЭ – иң тиз үсеш алучы илләрнең берсе булып тора. Илдә Татарстан компанияләре эшли, алар арасында «КАМАЗ» аеруча актив эш алып бара. Узган елда Дубаида Татарстан Республикасының сәүдә-икътисади вәкиллеге ачылды.

Минтимер Шаймиев һәм Сауд Абдулла Аль Махмудның очрашуы Катар делегациясенең VI Россия һәм ИХО илләренең Халыкара икътисади саммитына – KazanSummit 2014 визиты кысаларында үтте. Сауд Абдулла Аль Махмуд белән бергә очрашуда Катар икътисад һәм тиҗәрәт министрының урынбасары Султан Аль Хатер катнашты.

KazanSummit 2014 тә катнашу тәэсирләре турында сөйләгәндә, чараның югары дәрәҗәдәге булуы билгеләнде. Чара Россия Федерациясе һәм Катар арасында яңа хезмәттәшлек юнәлешләрен ача, Татарстан белән аралашуны ныгыта дип билгеләделәр.

«Монда Сез зур хезмәт күрсәттегез, - дип Сауд Абдулла Аль Махмуд ассызыклады. – Без республика яңа җитәкчелегенең икътисадта гына түгел, әмма фән һәм мәдәни өлкәләрдә икеяклы мөнәсәбәтләрне үстереп, Сезнең сәясәтегезне дәвам итүгә шат».

VI Россия һәм ИХО илләренең Халыкара икътисади саммитының тәмамлаучы чарасында үзенең катнашуы турында Татарстан Республикасының Президенты Рөстәм Миңнеханов белән KazanSummit 2014 мәйданында үткән очрашуда белдерделәр.

Регион башлыгы белән очрашуда Россия Федерациясендә Сауд Гәрабстаны, Судан, Тунис, Алжир, Ирак, Катар, Бахрейн, Индонезия, Малайзия, Берләшкән Гарәп Эмиратлары, Куба һәм Египет илчеләре катнаштылар.

«Сезнең катнашуыгыз Халыкара икътисади саммитка зур мөһимлек бирә, - дип сәламләү сүзендә Рөстәм Миңнеханов билгеләде. – KazanSummit бүген – Россиянең ислам дөньясы белән якынайту мәйданы булып тора».