ЯҢАЛЫКЛАР

Бүген 17 нче Санкт-Петербург Халыкара икътисад форумы кысаларында ТР Президенты Рөстәм Миңнеханов һәм Thomson Reuters компаниясе вәкилләре арасында очрашу узды. Очрашу барышында Thomson Reuters һәм Татарстан Республикасының инвестицион үсеш агентлыгы арасында хәзерге вакытка булган хезмәттәшлек протоколына кул куелган.

Очрашуда Татарстан Республикасының инвестицион үсеш агентлыгы җитәкчесе Линар Якупов, Thomson Reuters компаниясенең финанслар һәм бизнес хәтәрләре Президенты Дэвид Крейг, Урта Азия, Африка, Россия һәм БДБ илләре буенча Thomson Reuters компаниясе Идарә итүче директоры Басил Мофта катнаштылар.

Документ үзе Татарстан Республикасының инвестицион үсеш агентлыгы һәм Thomson Reuters халыкара мәгълүмат агентлыгы арасында кул куелган хезмәттәшлек турында Меморандумын тормышка ашыру кысаларында эшләнгән. Ул, шулай ук, Thomson Reuters компаниясе «СМАРТ Сити Казан» мәйданында интеллектуаль милек үзәген ачуында кызыксынуын әйткән. Документ буенча Thomson Reuters елның ахырына кадәр Казанда офисын ачачак һәм «СМАРТ Сити Казан» мәйданында беренче объектларның төзелеше төгәлләнгәч, шунда күчәчәк.

Бүген төньяк башкалада урнашкан “Ленэкспо” (ПМЭФ) күргәзмә комплексында 17 нче Петербург икътисади форумы ачылды. ПМЭФ-2013 үзенең эшен “Глобаль икътисад перспективалары: кыю хәрәкәт өчен вакыт” девизы астында башлады. Форум 3 көндә үтәчәк һәм якынча 5 мең делегат җыячак. Форумга алып баручы экспертлар, йогынтлы чиновниклар, Россия һәм БДБ илләре предприятияләренең башлыклары киләчәк.

Татарстан Республикасы делегациясе башлыгында  ПМЭФ-2013 эш визитында ТРның президенты Рөстәм Миңнеханов булачак. Татарстан делегациясе составында Татарстан Республикасының инвестицион үсеш агентлыгы җитәкчесе Линар Якупов, ТР Президенты ярдәмчесе Айрат Хайруллин, ТРның сәүдә һәм сәнәгать министрлыгы беренче урынбасары Руслан Кабиров, “Ак Барс” холдингының генераль директоры Иван Егоров.

 Форумны оештыручы комитеты сүзләре буенча, форум программасы 4 тема тирәсендә төзелгән: “Көчле икътисади үсеше глобаль темасы”, “Россия глобаль урынында”, “Үзгәртүләрнең яңа катализаторлары”, “Дөньяны үзгәртүче сөйләшүләр”. Россиядәге массакүләм матбугат чаралары буенча, көчле глобаль икътисад үсеше турындагы пленар утырышында чыгыш ясачак РФ Президенты Владимир Путинның чыгышы форумның кульминациясе булып торачак.

Бүген “Казан” халыкара аэропортында яңа күтәрелү-утырту юлы һәм реконструкцияләнгән пассажир перронының тантаналы ачышы үтте. Церемониядә Татарстан Республикасы Президенты Рөстәм Миңнеханов, Һава транстпорты Федераль Агентлыгы җитәкчесе урынбасары Константин Махов, ТР транспорт һәм юл хуҗалыгы министры Ленар Сафин, Казан шәһәренең мэры Ильсур Метшин, Лаиш муниципаль районы башлыгы Михаил Афанасьев катнаштылар.

Универсиадага әзерләнү кысаларында “Казан” аэропортының яссылык корылышларын реконструкциясе 2011 елда башланган. Эшләрне финанслар белән тәэмин итү 4, 89 млрд. рубль бөтен хакы булган “Россия транспорт системасын үстерү (2010-2020)” федераль программасы буенча килде.

Соңгы елларда кулланылмаган аэропортның иске күтәрелү-утырту юлы киңрәк һәм озынрак булып чыкты – хәзер үзенең 3750 м озынлыгы һәм 60 м киңлеге  белән ул хәтта иң зур самолетларны (А380 самолетын) кабул итә ала. Хәзер кулланыла торган күтәрелү-утырту юлы башта булмаган магистраль рулеж юлы ролен алачак һәм бу юлның кертү мөмкинлеген артырачак.

Татарстан Республикасының инвестицион үсеш агентлыгында Кувейт чит иленең делегациясе белән очрашу узды.

Очрашуда Татарстан Республикасының инвестицион үсеш агентлыгы җитәкчесе Линар Якупов һәм ТР Үсеш Корпорациясе генераль директоры Булат Гаянов катнаштылар.

Очрашу барышында чит ил кунакларына Татарстанның яңа инвестицион мәйданы турында видеоролик күрсәттеләр һәм мәйданның төп кластерларын һәм аны тормышка ашыру этапларын күрсәтүче «СМАРТ Сити Казан» проектын презентацияләгәннәр.

“Казан Ривьера” бинасында “Ислам сәүдә финанслары” семинары үтте. ЧараныТатарстан Республикасы кече һәм урта бизнес оешмалары Ассоциациясе ярдәмендә ТАТАГРОПРОМБАНК оештырды.

Сәламләү сүзе белән семинар катнашучыларына ислам финанслары темасы белән бизнес һәм республика халыгы ягыннан кызыксынуының үсүен ассызыклаган Татарстан Республикасының инвестицион үсеш агентлыгы җитәкчесе Линар Якупов чыкты. Татарстан Республикасының инвестицион үсеш агентлыгы җитәкчесе, шулай ук, бу темага кагылган чаралар республикада арта баруын да билгеләде.

Семинар барышында катнашучылар хәзерге кануннар кысаларында ислам продуктларын һәм финансларын китерү мөмкинлекләре турында уртаклаштылар. Белем аркасында таләп барлыкка килгәнен ассызыклап, бөтен дәрәҗәләрдә ислам финанслары темасына кагылган белемнәре яхшыртуының мөһимлеген билгеләделәр. Катнашучылар, шулай ук, ислам финансларының альтернативлыгын инвестицияләрне китерү чыганагы кебек тә карадылар.

Бүген Татарстан Республикасының инвестицион үсеш агентлыгында Thomson Reuters халыкара мәгълүмат агентлыгы вәкилләре - «СМАРТ Сити Казан»  проектының мәгълүмат партнеры белән очрашу узды.

Очрашуда Татарстан Республикасының инвестицион үсеш агентлыгының җитәкчесе Линар Якупов, Татарстан Республикасының Үсеш корпорациясенең генераль  директоры Булат Гаянов, Thomson Reuters агентлыгы вәкилләре катнашты.

Очрашу барышында  яклар  Thomson Reuters агентлыгының Казанда 2 көнлек  эш  визиты детальләрен, Меморандумны тормышка ашыру кысаларында барлыкка килгән эш группалары катнашучылары белән очрашу оештыруын караганнар. Меморандум үзе III нче Дубаида ел саен оештырыла торган инвестицион форумында - Annual Investment Meeting (AIM) кул куелган булган. Искә төшерик, AIM 2013 тә Татарстан Республикасы президенты Рәстәм Миңнеханов башлыгында торган Татарстан Республикасы делегациясе һәм Thomson Reuters компаниясе арасында очрашу узды. Очрашу барышында мәгълүмат аралашу өлкәсендә хезмәттәшлек килешүе астында имза куелган.

Татарстан Республикасының инвестицион үсеш агентлыгы җитәкчесе Линар Якупов Татарстан Республикасы хөкүмәте исеменнән Оренбург кешеләрен сәламләде.

“Оренбург – студентлар шәһәре, һәрвакыт үсеш юнәлешендә барган шәһәр”, - дип  Татарстан Республикасының инвестицион үсеш агентлыгы җитәкчесе билгеләде. – “Универсиада Уты бөтен планета буйлап йөри һәм аның Оренбургка килгәне шатлыклы вакыйга булып тора. Универсиада Уты спорт белән шөгелләнергә тагын да кубрәк кешеләрне тарта. Сезне шундый зур спорт бәйрәме белән котлыйм!” Линар Якупов, шулай ук, шәһәр җитәкчелегенә Универсиада Уты Эстафетасының истәлекле факелларын бүләк иткән.

Искә төшерик, шул көннәрдә Оренбургта Универсиада Уты Эстафетасы үтте. Утны шәһәр юллары һәм урамнары 32 мең метр ераклык буйлап 120 факел алып баручылар ташыды. Беренче факел “Экспресс” Мәдәният бинасы алдындагы мәйданда янды һәм шуннан шәһәр буйлап китте. Универсиаданың төп символын Оренбург шәһәре идарәсенең башлыгы Евгений Арапов беренче булып алды.

Бүген Татарстан Республикасының инвестицион үсеш агентлыгында эш урынын оештыру өчен чишелешләрне карау өлкәсендә эшли торган Regus Group компаниясе белән очрашу узды.

Очрашуда Татарстан Республикасының инвестицион үсеш агентлыгы җитәкчесе Линар Якупов, ТР Үсеш Корпорациясе генераль директоры Булат Гаянов, Россиядәге Regus компаниясе Директоры Ирина Баева, Россия һәм БДБ илләрендә Regus компаниясе үсеше буенча Директоры Ольга Мусиенко, Татарстан Республикасында Cushman & Wakefield компаниясе баш консультанты Елена Стрюкова катнаштылар.

Очрашу барышында Regus Group вәкилләре Россия регионнарында эшли башларга һәм Cushman & Wakefield компаниясе белән бергә үзләренең хәрәкәт итүче офислар өчен урыннар табу теләкләре турында әйттеләр. Regus Group вәкилләре, шулай ук, Казанга визиты кысаларында Татарстан башкаласында кайбер офис урыннарын карарга ниятен билгеләделәр. Ирина Баева сүзләре буенча, Татарстан Республикасы компанияне кызыксындыра һәм алар регионда үзенен офисын ачу мөмкинлеген карарга әзер.

Татарстан Республикасының инвестицион үсеш агентлыгы җитәкчесе Линар Якупов Мәскәүдә үткән “Мегаполис өчен алдынгы технологияләр” икътисад һәм технология хезмәттәшлеге буенча Мәскәү – Вена форумында катнашты.

Икътисад һәм технология хезмәттәшлеге буенча Мәскәү – Вена форумы Мәскәү шәһәренең тышкы икътисад һәм халыкара бәйләнешләр Департаменты белән бергә оештырылган. Ачылу церемонясендә Мәскәү шәһәренең мэры Сергей Собянин һәм Вена шәһәренең бургомистры Михаэль Хойпль чыгыш ясадылар.

Форум барышында Мәскәү хокүмәте департаменты, Мәскәү һәм Россия компанияләре һәм организацияләре вәкилләре белән түгәрәк өстәл утырышлары үтте. Төп темалар транспорт, транспорт инфраструктурасы һәм ИТС; отходлар белән эш итү, су әзерләү; энергия эффективлыгы, энергоэффектив планлаштыру һәм төзелеш булып торды. Форумда катнашучылар шулай ук сәламәтлек саклау тармагы һәм “Барьерсыз шәһәр” проекты турында фикер алышынганнар.

Бүген Татарстан Республикасының инвестицион үсеш агентлыгында Cisco Америка милләтаркылы компаниясе белән очрашу узды.

Очрашуда Татарстан Республикасының инвестицион үсеш агентлыгы җитәкчесе Линар Якупов, Җитәкченең урынбасары Инсаф Галиев, ТР Үсеш Корпорациясе генераль директоры Булат Гаянов катнаштылар.  Cisco компаниясе ягыннан вице-президент, Россия һәм БДБ илләре офисы җитәкчесе Павел Бетсис, хөкүмәт оешмалары белән эш итүче бүлегенең директоры Михаил Кристев, идарә итүче менеджер Максим Луньков, аккаунт менеджер Дмитрий Трофимов катнаштылар.

Очрашу барышында яклар «СМАРТ Сити Казан» проектын тормышка ашыру кысаларында хезмәттәшлек турында фикер алышынганнар.